زيارتى لمعرض الكتاب



بجنيه واتنين ,, نزار وعبير

ده كان شعار بعض بائعين الكتب فى سور الأزبكية فى معرض الكتاب بصراحة حسيته اهانة للكتب أول ماتدخل سور الأزبكية تسمع شعارت بجنيه وبس ,, أى مجلة باتنين جنيه ووووو

ده غير الجملة الى بكرها فى حياتى اتفضلى ياابله
:D

ماعلينا الحمدلله ربنا أنعم عليا بزيارتين لمعرض الكتاب يوم الخميس الى فات ويوم الأحد
الصراحة زيارتى السنة دى كانت مميزة عن السنة الى فاتت لعدة أسباب منها:

1- إنى كنت محضرة كتب بالفعل عايزة اجيبها ودار النشر,السنة الى فاتت كنت محددة أسماء كتُاب فقط وبدخل كل دور النشر
2- أستفدت جامد من موقع جود ريدز إنى أقدر أحدد الكتب الى اشتريها بناء على ترشيحات وتقييم الأصدقاء
- كنت بشترى كتب ليا ولكريم

3- زرت سور الأزبكية موصلتلوش السنة الى فاتت
4- زرت المعرض مرتين


ودى قائمة الكتب الى اشترتها :
من سور الأزبكية :

شخصية مصر ..جمال حمدان
- تلخيص الإبريز فى تلخيص باريز .. رفاعه الطهطاوى
- الزينى بركات .. جمال الغيطانى
- مصباح لكل إنسان .. أنيس منصور

- معاً على الطرق .. خالد محمد خالد
- القرآن محاولة لفهم عصرى .. مصطفى محمود
- العيب .. يوسف إدريس

- نائب عزرائيل ..يوسف السباعى
- شعاع من الأمل .. ثروت أباظه
- تلابيب الكتابة .. صافيناز كاظم

- الشيخ الشعراوى من القرية إلى القمة .. محمود فوزى
- اعترافات مصطفى محمود .. محمود فوزى
- سكة سفر .. محمد عفيفى
- ترانيم فى ظل تمارا .. محمد عفيفى
- قصص الحيوان .. أحمد بهجت

- خالتى صفية والدير .. بهاء طاهر

دار الشروق :

-جمال الدين الأفغانى .. محمد عمارة
-رفاعة الطهطاوى .. محمد عمارة
-ركائز الإيمان .. محمد الغزالى
-وصف مصر فى نهاية القرن العشرين .. جلال أمين
-ماذا حدث للمصريين .. جلال أمين
- اليد الخفية .. عبدالوهاب المسيرى
- عولمة القهر .. جلال أمين
-مزرعة الحيوانات .. جورج أورويل
- ما فعله العيان بالمت .. بلال فضل

نهضة مصر:

- أنا لا أكتب ولكنى أتأمل .. يوسف معاطى
- البقية فى حياتى .. أنيس منصور
- التفكير فريضه إسلامية .. عباس العقاد

دار ليلى :

- قوس قزح .. أحمد خالد توفيق
- قصة تكملها أنت .. أحمد خالد توفيق

ومن سلسلة مولوتوف :

- جمعية الباحثان عن عرسان
- أنا الرئيس

ومن سلسلة WWW لأحمد خالد توفيق:

- أحدهم هرب
- المحادثة
- غرباء الأطوار


دار المعارف
من سلسلة إقرأ
:
- الإسلام وضرروة التغيير .. محمد عمارة

- التنوير الزائف .. جلال أمين


هوندا

10 comments:

  1. انا ماروحتش
    اخواتي راحو من غيري
    ولسه في كتب عايزاها
    مش عارفه اعمل ايه؟

    ReplyDelete
  2. ايه ده اخواتك بيستندلو؟؟
    لو حد من اصحابك رايح ابعتى معاه ليستك او اشتريها من اى مكتبه بره ومتتضيقيش
    :D

    ReplyDelete
  3. انا كمان روحت وجبت مجموعة كتب من هناك وهعرضهم في المدونه قريب ان شاء الله , وكنت ناوي انزل تاني بس حالي عندي انفلونزا شديده , وبتزيد
    للاسف شكلي مش هقدر انزل تاني المعرض

    ReplyDelete
  4. متشكر قوي على الكتب اللي جيبتهالي يا هنادي ,, مع إنك مجيبيتيش الكتب اللي كنتي عايزها كلها
    :D

    ReplyDelete
  5. السلام عليكم
    بجد يا بختك كنت هاموت وأروح المعرض كانت في كتب كتيرة عايزة أجيبها
    بس للاسف الظروف ايللي بتيجى في أوقات غير منا سبة منعتنى تماما انى أروح حتى اليومين ايللي جايين
    يالا الحمد لله على فكرة مدونتك حلوة أوى وانبسط جدا من عرضك للكتب
    تحياتى ليكى ودمتى بالخير

    ReplyDelete
  6. جميل .. ما شاء الله

    شخصية مصر جبتي الملخص بتاعه والا المجلدات التلاتة كلهم .. وسعره كان كام؟

    ReplyDelete
  7. @كريم عبد المجيد
    تتعوض :) ورينا جبت ايه بقا



    @كريم اى خدمة ياعم افتكر الجمايل
    :D انت فاكر انى هسيب حقى لست أنا وهجيبهم من بره يعنى هجيبهم واهو كلو من خيرك
    :D

    ReplyDelete
  8. بنوتة

    وعليكم السلام ورحمة الله وبركاته
    لعله خير يابنوته متيأسيش وهاتى الكتب من اى مكان :D
    أشكرك :)

    ahmed

    انا ملقتش المجلدات خالص حتى فى دار الهلال كان فى ملجد واحد بس الى هو دارسه المكان فاعتقد ان الى معايا هو الملخص
    :D
    كان بعشرة جنيه تقريبا

    ReplyDelete
  9. ما شاء الله يا هنادي اللستة جميلة جدا وقيمة اوي

    كتاب ترانيم في ظل تمارا دا انا نفسي اقرأوووووووو اوي

    المكتبات الرخمة اللي هنا ومن غير ذكر اسماء (وأخص بالذكر العبيكان وجرير ) مش عندهم نسخة منو هئ مئ

    :D
    نصيحة قبل ما تيجي الزعودية اشتري كمية مبالغ فيها من الكتب تقرأي فيها لغاية ما تنزلي مصر اجازة
    ..
    الكتب اسعارها بالعبيط هنا وكتير مش موجود

    ReplyDelete
  10. ترانيم في ظل تمار

    اشتريته من سور الأزبكية بجنيه
    :D

    انا فعلا بحوش كتب من دلوقتى عشان لما اسافر اقراها بس اسمع ان الاسعار عندكم كويسة يابنتى

    لما تنزلى مصر اتجهى للسور مباشرة

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore