أين أصحاب الرسالات؟




كل مايحصل توتر بينا وبين بلد أروبية تسخن مواضيع المقاطعه واستبدال المنتج الدنماركى أو الأمريكى أو الأسرائيلى بأى منتج ليس له علاقة بدولة عدووووة لينا .

تيجى انت تدور على البديل لاتجد بديل وإن وٌُجد البديل كان بديل سىء جداً وإلا لماذا تركنا من البداية منتجاتنا واتجهنا للمنتج الأجنبى
؟؟

كلما حاولت ان اشترى منتج محلى بغرض التشجيع صُدمت من عدم جودته ! ليه؟

ليه مينفعش منتج محلى يكون بجودة المنتج الأجنبى ؟

هل ده هيقلل من قيمتنا؟؟ مع ان ديننا بيشجع إتقان العمل فاحنا أولى بانتاج منتجات متقنه !

للسبب ده كنت بسأل أين أصحاب الرسالات ؟
مفيش واحد عنده رساله انه يحسن وضع منتج بلده؟
مفيش حد عنده رساله انه يُسقط فرض كفاية عن أمة لا تستطيع صنع سجادة صلاة أو فانوس رمضان أو برايه؟

فى منتجات مصرية غير منتشرة وجيدة معلومة بالنسبة لى قد تكون جديدة إلى حد ما ولكن على أى حال أعُجبت بالفكرة التى قام بها مؤخرا عدد من الشباب لتشجيع المنتجات المصرية الجيدة فقط ,لذلك أدعوكم لمتابعه ونشر والمشاركة فى هذه الفكرة

اشترى المصرى

الجروب ع الفيس بوك

كما أطلب منكم رجاء صغير بأن تدعو الله فى صلواتكم أن يبعث فينا أو مننا أصحاب رسالات يهتمون بإنشاء مصانع يعمل بها مسلمين متقنيين مهتمين بجودة المنتج

هوندا

6 comments:

  1. الحكاية كلها ان المنتجات المصرية بقت قليلة و كمان جودتها فى الارض

    بس انا مع الفكرة دى جدا يمكن :)

    ReplyDelete
  2. السلام عليكم ورحمة الله تعالى وبركاته
    هو دا الكلام (Y)

    انا كنت كاتبة بوست عن الموضوع دا بردو والحقيقة اللي اقنعني اوي بالفكرة نفسها دكتور سامح في تدوينة
    الغضب الساطع
    لكن انا شلت البوست بتاعتي لأسباب أمنية
    ..
    جميلة اوي مدونة اشتري مصري
    بالتوفيق يا باشا

    ReplyDelete
  3. موضوع فعلا مهم..
    المقاطعة مش حيبقالها بُعد حقيقي و قدرة على الصمود إلا إذا كان المنتج الوطني أو المحلي إن ماكانش على مستوى المنافسة، فعلى الأقل يخضع للحد الأدنى لقبول المستهلك

    و حلوة أوي الفكرة اللي بتساعدي على ترويجها دي.. فكرة جيدة فعلا
    جزاك الله خيرًا على نشرها

    ReplyDelete
  4. كنت بفكر في الموضوع ده من فتره طويله , وسألت واحد دكتور اسنان صحبي , ما تخلص كدا يا عم وتعملنا معجون أسنان بدل المستورد ده ويبقي حاجه كويسه عشان نستبدل السجنال والكلام ده , دلوقتي في معجون اسنان صناعه وطنيه اسمه المسواك بستخدمه :D
    انا بصراحه مش عارف المشكله في ايه , ليه محدش يطلع بمنتج قوي وطني , ده بيرجع في رايي ان الناس تدينها قليل او هامشي ولو عمل حتي مبيعملش عشان دينه بيقوله كدا لا عشان هوا حابب ان هوا يبقي الي عمل الشئ ده , وحتي لو طلع منتج قوي الناس مش بتشتري عشان من قرون الناس واخده فكره ان المستورد مفيش احسن منوا .
    احنا عايزين فرمته دماغ بصوره شبه كليه .
    وهضيف المدونه دي عندي بأذن الله

    ReplyDelete
  5. يا بنتى من زمان و احنا بنقول كده و لا حياة لمن تنادي
    المشكلة ان بعض الصناعات المصرية أصابها العقم و الشلل و بقت جودتها في الأرض و كمان غالية
    مرة واحدة قالتلى يعني علشان انفع بلدي اضر ولادي :))
    بصراحة ما عرفتش ارد عليها
    لكن طبعا دي خطوة كويسة و يا رب الناس تستجيب و القائمين على الصناعة يعملوا على تحسين الجودة
    يا معين

    ReplyDelete
  6. الفكره عجبتني اوي

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore