التبرع بالدم صدقة وإحياء نفس

من أجمل أنواع الصدقات التى أعشقها التبرع بالدم فهو يندرج تحت مبدأ فيد واستفيد
أن تنقذ حياة فرد وفى نفس الوقت تنشيط لدورتك الدموية التى تجدد دورياً

ماأجمل أن تشعر بأن دمك يجرى فى عروق أخ أو أخت كانت على وشك الموت لولا تبرعك

لطالما تخيلت فرد من أسرتى فى احتياج لكيس دم ولكن لا نجد من يتبرع له وبالتالى أدركت شعور أهل كل مريض يحتاج للدم فى كل مسشتفى ومركز خصوصا عندما يكون طفل
منذ أيام علمت باحتياج طفل فى مركز الأورام لفصيله
O+
وذهبت فى اليوم التالى للتبرع وكنت سعيدة جداً وظللت أحمد الله بتوفيقه لى فى هذه النعمه
برغم الدوخة التى أصابتنى فور الانتهاء من التبرع ولكنى احتسبتها عند الله

لا استطيع ان أصف لكم منظر أب وجدته يبحث عن فصيلة لابنه خصوصا عندما حاولت صديقتى الاتصال برقم أعطه لها لشخص يأتى له بمتبرعين ولكن كان الهاتف مغلق للأسف

مركز أطفال الأورام فى المنصورة يحتاج فصيلة
O+,B+,AB+
أغلبهم أطفال يعانون من حالات نزيف داخلى :(

أبسط أنواع الصدقات التى نستطيع أن نقدمها للمرضى
فالتبرع بالدم صدقة عن صحتك وتجديد لدمك
وشكر لله على نعمة الصحة
وإحياء لنفس
ومن أحياها فكأنما أحيا الناس جميعاً

لا تحقرن من المعروف شيئاً

صنائع المعروف تقى مصارع السوء

قال رسول الله:

"أحب الأعمال إلى الله عز وجل سرور تدخله على مسلم،أو تكشف عنه كربة، أو تقضى عنه دينا، أو تطرد عنه جوعا، ولئن أمشى مع أخى فى حاجة أحب إلى من أن أعتكف فى هذا المسجد شهر"

هوندا

10 comments:

  1. بارك الله فيكي أختي وجزاكي خيرا عما قمت به

    ReplyDelete
  2. عندك حق في كل كلمة
    في مستشفى الاطفال حوالى 50 طفل مصابين بانيميا البحر الابيض المتوسط
    ودول بيحتاجوا - الواحد فيهم يعنى - الى حوالى 6 او 7 اكياس دم اسبوعيا

    ولو متنقلوش = يموت

    تخيل انك ممكن تبقى الكيس الاخير اللى ممكن ينقذ حياة طفل

    ودا غير بقى الفوائد اللى تعود عليك من التبرع بالدم
    والاهم من هذا وذاك
    الثواب العظيم الذى ينتظرك على ابواب بنوك الدم في المستشفيات
    وما اكثرها !!

    dr_dina

    ReplyDelete
  3. الموضوع مش بالسهولة ده

    لازم الواحد يتأكد الأول من صحته وهل صحته تستحمل انه يتبرع بالدم ولا لأ

    لاني رحت اتبرع مرة لخالة واحد صاحبي

    تعبت و قعدت في السرير يومين و كانت هتوصل بيّ احتاج انا لحد يتبرع لي بالدم ساعتها

    و اتمنعت من التبرع بالدم لاكتر من سنة بسبب الانيميا

    :)

    لازم الواحد يسأل دكتور الاول

    ReplyDelete
  4. اكيد طبعا الواحد المفروض بيكون عارفه صحته تستحمل ولا لا
    وهما بيسألوك اذا كنت بتاخد ادوية ولا لا
    كمان لازم تكون فاطر كويس وتكون مظبط فترات تبرعك
    غير كده معتقدش هيحصل مشكله

    ReplyDelete
  5. ربنا يكرمك يا هوندا ويقدرك يارب

    ReplyDelete
  6. بارك الله فيكي يا هنادي , وان شاء الله نخلي التبرع بصوره شبه دائمه كل ما تخلص المده نتبرع

    ReplyDelete
  7. السلام عليكم .. جزاكِ الله خيرا على جُهدك فى هذه المدونة .. موضوعات مهمه ومفيدة .. يبقى بعد أن يستمتع القارىء أن يعمل ... ..أكثر الله من أمثالك .. وجعل الله التوفيق حليفك دائما

    ReplyDelete
  8. مصرى

    مشاعر جميلة ولكن للأسف
    كان لى ابن خال مات صغيرا فى سن 11 عام بسبب مرض سرطان الدم
    وكان خالى رحمه الله متوفيا آنذاك ولم يبق الا اخوه -أصغر منه- وأمه
    ومع ذلك كنا نشترى الدم مرة أو مرتين اسبوعيا لا أذكر على وجه التحديد علما بأنها لم تكن فصيلة نادرة الوجود
    كانت A+
    وسألنا عن دم التبرعات فقيل لنا انه يباع فى بنك الدم
    وكان بعد أن يتبرع كل افراد العائلة بالدم له ويحتاج مرة أخرى لا نجد بديلا عن شراء الدم.
    وعلمت أن الحل الوحيد حتى يصل الدم بغير مال للمحتاج أن تتبرع له هو دون غيره, وأن تبقى حتى تتأكد ان الدم وصل اليه فعلا
    أما عربات الإسعاف فى الشوارع والجامعات, لا أحسب أن دمائها يصل للمريض مجانا

    ReplyDelete
  9. معلش ليا تعليق تانى
    هو ليه كل الناس ذكرت الذكريات المأساوية في التبرع في الدم
    مع انها مش بتتجاوز 1% من حالات التبرع

    وان الاصل في عملية التبرع ان الاتنين بيستفدوا
    وإذا كان واحد جراله حاجة ومستحملش
    دا في حالة ان كانت كله اختبارته سليمة وانه معندوش اى مشكلة

    فمش معنى دا ان خلاص انا متبرعش لحسن يحصلى مشكلة انا كمان

    وكمان زى ما قال الاخ مصرى اللى مش عاوز يتبرع في عربيات الاسعاف
    يروح المستشفيات وهو يشووووووووف مين محتاج ويديله

    ومن سنتين تقريبا كانت جدتى محتاجة نقل دم فصيلة o-
    ودى فصيلة نادرة اصلا
    واتبرع لها شاب لا نعرفه ولا يعرفنا وعرض عليه المال ومرضاش حتى جبناله عصير وحاجات اللى مفروض المتبرع ياخدها مرضاش بيها كمان
    فربنا يجازيه خير ان شاء الله
    dr_dina

    ReplyDelete
  10. موضوع مهم جدا وبما اني طبيب بشوفه قدامي يوميا في دايما نقص في بنوك الدم جزاكي الله خيرا يا هوندا


    مصراوي اوي

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore