Thank you CAT


Computer Assistant Team

من يومين انتهى الاسكوب العاشر لفريق الكات ولم أشعر بما كنت اشعر به فى نهاية كل اسكوب من سعادة وفخر وحماس
يمكن لأن ده يعتبر رسمى آخر سكوب أشارك فيه بشكل كامل بمعنى ان بعد كده قد أكون تزوجت وعزلت وبالتالى لن أصبح متواجدة كما من قبل ولكن ستكون المساهمة أونلاين طبعا ً كلما أتيح لى ذلك ..

فى نهاية سكوب 10 تذكرت أول يوم حضرت في سكوب 6 عام 2007

كان نفسى أسيب أثر كبير فى الكات لكن الحقيقة حسيت ان عدى سنتين كان ممكن انجز فيهم أكتر من كده !
كانت بداية معرفتى بالكات فى صيف 2006 عن طريق بعض الصديقات الثلاث مروات
:D
مروة عبدالعزيز ومروة سامى ومروة محمد سامى
ولكن لأن أغلب إعلانات الكات فى الفترة دى كانت بالانجليزى وفى حاجات عمرى ماسمعت عنها كنت بتجنب الدخول فيها وكنت بحس انها بتاعه ناس تانية مش مستوايا دلوقتى خالص وبرغم انهم اقنعونى انهم زيى لا يفقهون فى الكمبيوتر الا الماوس والكيبورد وفاكرة اننا قابلنا يومها أحمد عبدالله وأحمد سليمان واتكلمنا وكده ويمكن هما ميفتكروش ده أصلا بس الى انا فكراه ان كان فى اشتراك 25 ج وتقريبا ده الى خلانى أكسل ادخل الأسرة ههههههههههه
وقتها فعلاً كنت فى بداية سكة التطوير والتغيير الشخصى فكنت مهتمة أكتر بمجال العمل الخيرى والتنمية البشرية لحد نهاية الصيف مررت بفترة إحباط لأنى لم أنجز شىء جديد فى مجال تخصصى الى هو الكمبيوتر وبعد فترات شد وجذب مابين العمل التطوعى العام والتنمية البشرية والكمبيوتر أعدت ترتيب أولوياتى مركزة فى التنمية البشرية أو التطوير الذاتى كتعلم مستمر والكمبيوتر وكان بداياتى مع الكات وتحديداً الهاكرز
فعلياً فى شهر
2-2007 لما اشتركت فى كورس
C#
تابع اللهاكرز وهو فريق داخل الكات بعدما اقنعتنى إحدى صديقاتى "شيماء محمود"
إن الناس بتوع الكات بيتكلمو عادى زيينا ومش كله انجليزى
وكانت بداية أجازة نصف العام 2007 حيث قررت التوجه لمجال البرمجة وابتديته بالسى شارب

الكورس كان بسيط والمشكله كانت فى دماغى حسيتها متقفله جامد ومش قادرة افهم من دماغى وطريقة تفكيرى وليس عيب فى المحاضر كان"حاتم الصم" ولا فى اللغة ووقتها فعلا بطلت مذاكرة سى شارب فترة واشتريت كتب كيف تجيد استخدام عقلك؟ كيف تجيد استخدام ذكائك ؟ منكرش طبعا ان طرقة تعليمنا الجامعى كانت من اسباب تخلفى عقليا لكن تحررت إلى حد ما الآن
وكان الكورس ده من بدايات التحول الشخصى فى مسارى انا فاكرة نصيحته لما قالنا اننا لازم نتعلم اللغات دى بالانجليزى مش العربى خالص وانا كنت متعصبة للغة العربية إلى أن قال لى أحد الزملاء "خدو العلم بلغة أهله"
ومن يوميها وانا مبقراش فى البرمجة او مجال الكمبيوتر غير باللغة الإنجليزية واكتشفت انى بفهم انجليزى اى والله المشكله اننا الى بنوهم نفسنا ونكسل نقرأ بالانجليزى ولكن للتعلم صحيح فى مجال الكمبيوتر لابد ان تتعلم باللغة الإنجليزية أولا بعد كده ميضرش انك تقرأ بالعربى لانك هتبقا فاهم شوية

بعد كده حاولت اشترك فى مشاريع دوت نت تبع الهاكرز افتكر كان مشروع صيدلية ومكملش للأسف ولكن كنت بدأت اعرف مصطلحات جديدة واقرا فى مواضيع جديدة زى ال
ADO,My sQl
وكنت حضرت سيشن عن مراحل تصميم البرامج وللأسف مكملتش بردو
واتابع معاهم على المنتدى وبدأت أحضر فى اسكوب 2007

وكنت قاعدة عادى فى نهاية الاسكوب كان أحمد عبدالله بيوجه شكر لناس كتير واتفجأت ان بيوجهلى شكر انا كمان
:D
هو مكنش فاكر اسمى أصلا بس هو كان بيشكرنى لأنى كنت بحضر كتير ع مااعتقد سيشن ميتنج مشروع كله شغال وفاكرة ان لما قلتله اسمى ناس كتير كانت بتبصلى هو انتى هنادى بقا لانى كنت بشارك ع السايت لكن مكنش حد يعرفنى شخصيا
ويومها كلمت أيمن طاهر وقلتله انى ممكن اشترك فى الفريق واساهم بمعرفتى البسيطة فى مجال التنمية البشرية ياربى مبحبش الكلمة دى مجال التطوير الذاتى :) لأن قدراتى التقنية وقتها كانت تحت الضعيف بشوية كانت فى مرحلة تكوين الجنين
:)
وبعدها بشهر دخلت الهاكرز بورد أو إدارة الفريق وكنت مبسوطة جداً ومتفجأة فى نفس ذات الوقت لأن طريقة ترشيحى للبورد كانت ظريفة جداً كان الى رشحنى هو مصطفى شحاته الى كان ماسك مشروع الصيدلية الى مكملش
:D
والناس وافقت ع دخولى وطبعا اعتبرتها فرصة لتطوير الفريق لأنى بعشق العمل الجماعى خصوصا حينما يكون لهدف نهضوى
وفاكرة انى عملت سيشن عن ال
Team working
والناس كانت مبسوطة جداً وده حفزنى جامد
لدرجة انى عيدتها تانى لان ناس كانت نفسها نحضرها ومنفعش فى المرة الأولى

سكوب 7


حضرت بسيط جداً لأنى كنت بشتغل وقتها فكان غير متاح ليا احضر لكن كنت بقوم بواجب الدعايا فى الكلية عندى وع النت قدر استطاعتى

سكوب 8




شاركت مع الكات لأول مرة بسيشن البريزنتيشن سكلز وعملتلى جماهيرية فظيعة سببتلى رعب نفسى بجد لأن بكره الشهرة ولو فى نطاق الكلية


انا فاكرة انى كنت كل فترة اقابل بنت وتقولى انا حضرتلك السيشن واستفدت وووو وكنت خايفة ع نفسى م الغرورو يالهوى ده انا فاكرة ان مرة واحدة اعرفها من ثانوى وكانت بتنفضلى لما شافتنى فى السيشن فضلت تقول للناس دى صحبتى وزميلتى ومرة قابلتها فى ميكروباص حاسبتلى بعد ماكانت بتدور وشها منى هههههههههههههه
انا طبعا كنت بتبسط لما احس ان حد استفاد خصوصا م البنات لكن مكنتش بحب المبالغة خصوصا انى زيهم بالظبط وطالبة ولست متميزة بقدرات خارقة عنهم الفرق بينى وبينهم المحاولة فقط , لكن طبعا لحد الآن بكون سعيدة لما اقابل حد ويقولى انه استفاد م السيشن .
واول مرة اتكرم م الكات كانت شهادة تقدير أخدتها فى نهاية الأسكوب اى نعم اسمى كان مكتوب غلط بس مش مشكله
:D


وشاركت فى تقديم سكوب 9


كان عاجبنى اللوجو جدا كان اول مرة يتعمل بالعربى



و فى الهاكرز داى بالويب ابلكيشن وللأسف اعتقد انها من اسوء السيشنز الى قدمتها وغير راضية عنها بالمرة ولا عن الدات شو
:@


لكن فى الفترة دى كنت مسئولة عن فريق التسويق للفريق وساعدت بجزء كبير فى تنظيم الحدث ده "الهاكرز داى" وبرغم حاجات نقصت فيه بس كانت أول مرة ابقا مسئولة عن متابعة تنظيمه

ده كان بوستر الهاكرز داى كان عاجبنى فكرته كان نفس شكل المنتدى بتاعنا بالثيم القديم
وده كان التوكس الى إيمان راسماه



وعملت سيشن عن المفاتيح العشرة للنجاح وكانت كويسة الحمدلله
وورشة عمل عن البريزنتيشن سكلز وبصراحة راضية عنها تماماً وكنت مبسوطة أوى بالناس الى كانت معايا خصوصا فى لحظات

تقديم كل واحد لعرض ,, فاكرة ان بعدها بفترة عضو منهم
"MMF"
عمل سيشن وبعتلى رسالة شكرنى فيها ان الورشة دى افادته فى التقديم واتبسطت جداً
واللذيذ انى عملتها لأن شخص طلبها منى وفى الآخر محضرش غير يوم منها ومش عايزة اقول ان اسمه السيد فتحى
:D


بجد من أفضل الفرق الى اشتركت فيها وأفادتنى كتير فى المجال التقنى خصوصاً ,أنا فاكرة ان دخلت الفريق ده لوحدى ومكنتش اعرف اى حد فيه وكنت داخله لهدف واحد هو التعليم فقط لا غير ويمكن مكنتش اعرف اى حاجة الناس دى بتتكلم فيها لكن كنت بحب اسمع مصطلحات جديدة وادور عليها واعرفها لحد مابقيت دلوقتى بسمع مصطلحات جديدة بردو بس ببقا فاهمة اغلبها بيدور عن ايه وجودى فى الفريق كان دافع قوى ان اتعلم فى المجال واقرا واقرا الجديد واتابع الدنيا ماشية ازاى فى عالم الكمبيوتر يمكن اغلب الوقت كنت لوحدى بس كنت ديما افتكر ان فى ناس بتتعلم زيى فى الفريق اهو وفى ناس عدت مراحل كويس اهم وانا لو كملت فى مسيرتى هكون زيهم فى يوم م الأيام يمكن موصلتش للى كنت محدداه لنفسى بسبب كسلى أحيانا وعدم صبرى أحياناً أخرى
ولكنى لأ أنكرررررر إنى مستوايا فى المعرفة زااااد كتييييييييييير عن بداياتى يمكن لسه فى المراحل الأولى لكنه بيزيد كل يوم

انا بجد اتعلمت من ناس كتيير جداً وعرفت شخصيات جديدة ومختلفة ومتميزة فى الفريق ده
أنا يمكن استفدت من كل شخص فى الهاكرز تحديداً والكات عموماً فى ناحية ما ممكن اكون متخصصتش فى مجال محدد لكنى جربت حاجات كتير اعتقد انها افادتنى فى فهم الدنيا ماشية ازاى انا اتعلمت فى اثناء وجودى فى الهاكرز
C#
Java
PHP
Python
HTML
CSS
Photoshop
Linux

يمكن كل الى فات ده اتعلمته بمذاكرتى مع نفسى بنسبة 95% لكن وجودى فى الفريق كان دافع مهم جدا انى اتحمس للتعلم
ويمكن ماتقنتش ولا حاجة من دول بنسبة 90% لكن اساسيات أفادتنى جداً وإلى جانب عوامل مساعدة زى المحاضرات الى كانت بتتعمل أو مواضيع فى المنتدى أو كورسات أحياناً أو مساندة معنوية فى أحيان كتير

وطلعت بصديقات يارب منساش حد يارب
زى سينار ومريم وريم وسارة جمعه ومروة فهمى وإيمان فكرى وإيمان بكر ورميساء وأمانى وماجدة وشيماء
وكنت بحب جو الشغل مع شباب حاسبات :إسلام ومحمود متولى وعبدالله وعابد
وطبعاً مش هينفع أنسى شباب دبياك السيد جمال وكورس ال
PHP
وإبراهيم عبدالفتاح
وبشمهندسة ماهى والفايترز كنت بتبسط جدا لما تقول عليا تلميذتها :)

ومحمد فؤاد والسيد فتحى بجد كانو بيحمسونى جامد
وأحمد البنا ومحمد عطية وأسامة جمال وأحمد فؤاد ورامى
وناس تانية فى الهاكرز استفدت منها زى أحمد سليمان وأيمن طاهر ومصطفى شحاته وحاتم الصم وإيهاب وإسلام وكريم سامى ومعتز
وناس كتيييييييييييييييييييييير

عارفين برغم انى فى تربية نوعية لكن تقريبا قضيت سنين الجامعة كلها فى هندسة لدرجة ان 99% من الناس بيفتكرونى فى هندسة وكانو بيستغربو جداً إنى فى تربية نوعية وانى فى الكات مع انى شايفه ان الموضوع عادى جداً والى عايز يوصل لحاجة بيدور عليها وبيوصلها وبرغم ان فى ناس لسانها متبرى منها وكانو بيلقو كلام لكن مكنش بيهز شعرة من رأسى لانه قصر ديل وكده ههههههههه وكان بيزدنى ثقة فى نفسى لأنى بره الكلية اه بس اتعلمت حاجات نص الى فى الكلية متعلموهاش لانهم محاولوش
كانو اغلبهم صحباتى الى فى هندسة اقولهم ياجماعة الكات مفتوحة متدخلوها حد مانعكم بس تقولو ايه!

بجد الحمدلله انا بحب الكات :)
بكره الورد كامب فى نادى الحوار من الساعة 10 صباحا ل5 مساءً أشوفكم هناك :)


هوندا

20 comments:

  1. هونداا

    شكراا ليك ,,
    وبجد انتى كان ليكى دور كبير فى الكات والهاكرز
    وعمر ما أى حد يعرف ينكر ده

    بجد شكراا ليكى
    وأتمنالك التوفيق والنجاح دايما يارب
    و حياة سعيدة بإذن الله

    ReplyDelete
  2. :D Honda Honda Honda
    ربنا يوفقك يارب يا جميلة
    انا بجد مبسوطة جداً منك ونفسي اكون زيك يارب :D
    ربنا يكرمك يارب في حياتك دايما

    ReplyDelete
  3. اعتقد ان الكات هيا اللي المفروض تقول
    Thank you Honda
    :)

    ReplyDelete
  4. بجد المفروض فعلا اننا اللي نقولك الف مليون شكر
    وبجد مليون شكر ليكي على السيشنز اللي كنتي بتعمليها
    :)
    وخصوصا
    presentation skills - Good presentation
    المفاتيح العشرة للنجاح
    ...
    بجد بجد استفدت كتييير .. وربنا يجازيكي كل خير يااارب
    وربنا يوفقك في حياتك ان شاء الله
    :D
    Very Very thanks to u Hanady
    wish u good luck
    :)

    ReplyDelete
  5. ايه ده اسمو هناك اهه
    شكرا يا هوندا
    بس يارب تكون دى حقيقه مش كلام وخلاص :P
    :D

    ReplyDelete
  6. انا شايف ان اقل حاجه الكات ممكن تعملها لك والله انها تكرمك
    فعلا شكرا ليكي ياهنادي
    انتى من الناس اللي سابوا علامه في الكات , وسابت اجيال ماشيه على نفس الطريق , ربنا يوفقك يارب

    ReplyDelete
  7. hanady :d , a2olk eh tyb bgad b2a batlo t2olo koloko enko mashyeen ana bgad z3alana gdan :(
    enty bgad ya hanady bent mafesh zayek masha2allah
    ana ksbt kteer awy w fhmt 7agat kteer mn yom mab2ena es7ab :D,y3ny kfaya enk 5lteeny arg3 a7b el 2eraya tany
    rabna yawafa2ek ya rab :D

    ReplyDelete
  8. تجربة جميلة جدا و الأجمل منها حبك للمعرفة يا هنادى ..حافظى علية لان دة اللى بيدى الإنسان السعادة

    عارفة فية مقولة بحبها اوى بتقول
    "We are told that talent creates its opportunities. But it sometimes seems that intense desire creates not only its own opportunities, but its own talents "

    وطالما عندك الإرادة و الرغبة فى المعرفة هتوصلى لأقصى مدى ان شاء اللة ...ربنا يوفقك ;)

    ReplyDelete
  9. تدوينة
    تشم من رائحتها عبق الذكريات
    وآهات حزينة على الفراق وما اصعب اوقات لافراق
    -----------------------------------------

    :) بس عادي يعني الدنيا بتمشي
    وأكيد مش هتسيبي الـ CAT
    ولا ايه

    ReplyDelete
  10. يمكن انا اول مرة يشدنى انى اقرأ توبيك طويل كده على اى بلوج بس بجد فعلا ياهنادى انا شايفاكى بجد مثال للبنت المسلمة المثالية
    يعنى ماشاء الله عليكى انسانة بتسعى دايما للمعرفة بطريقة بتشدنى انا شخصيا وبحب طريقة تفكيرك جدا وانا عن نفسى بحب طريقتك فى التفكير وبحب حبك للقراءة ده
    يعنى مثلا انا اول ما عرفتك استغربت جدا انك مش هندسة وبالنشاط ده مع الكات ومهتمة بمجال ال IT
    وماشاء الله تعرفى حاجات دلوقتى انا معرفهاش وبقيت بسألك فى حاجات علشان استفاد منك

    وفوق ده كله علاقتك كويسة جدا مع اصحابك وبنوتة حبوبة وجميلة

    بجد انا مبسوطة جدا انى اتعرفت على بنت زيك واتمنى انى اكون زيك ماشاء الله

    وفعلا المفروض ان الكات اللى تقولك شكرا ياهنادى
    ولما اتكلمت معاكى فى البيكسى داى وعرفت انك خلاص هتتجوزى قريب وهتسافرى انا بجد زعلت من جوايا ان هنادى مش هتكون موجودة مع الكات زى الأول بس طبعا ربن يخلى النت اللى بيوصلنا ببعض :)

    وطبعا بقى اولادك متنسيش تخليهم كاتاوية :D
    ربن يوفقك فى المكان اللى تروحيه دايما يارب وتكون بداية حياة سعيدة لكى ومن احسن لأحسن ان شاء الله

    ReplyDelete
  11. أشكركم ياأصدقائى لما أدخلتموه على من سعادة :)

    وأتمنى من الله أن أكون سبب ولو صغير فى مساعدة وإفادة كل من يحتاج مساعدة :)

    ReplyDelete
  12. الحقيقة أنا مخضرتش للكات الا مرة واحدة وبس
    وده لانى أصلا مش من جامعة المنصورة
    بس حابب أقول حاجة
    الخير بيبقا عامل زى اللى بيرمى حاجة فى المية والدايرة تفضل توسع وتوسع

    أنا ليا ابن خالتى "أحمد باشا " كان مع الكات لفترات طويلة

    هوا اللى حببنى فى اللينكس
    وعرفنى انه عرفه عنه كتير خلال الكات
    وحاليا نفسى أعمل حاجة زى الكات فى المعهد بتاعى وفى جامعة قناة السويس كلها ان شاء الله

    بالمناسبة :
    أنا حاليا بستعد انى أهى دراستى باى تى اى قسم
    " يونكس "
    شكرا فريق الكات
    شكرا

    ReplyDelete
  13. المشاركة اللى فاتت للكات

    المشاركة دى بقا تعبيرا عن مدى احترامى للبوست وحزنى انى محضرتش المحاضرات بتاعة حضرتك قبل كده

    بصراحة المقال ماشاء الله فيه كل حاجة
    منتهى النظام
    منتهى الاخلاص
    ومنتهى القدرة على التعبير

    بس حاجة أخيرة
    بليز حاولى متسيبيش الكات وفيدى اللى بعدك
    فى أول المقال حضرتك قلتى ان ممكن الظروف متسمحش انك تكملى
    أكيد حقك
    بس كل اللى بجد نفسى انه يحصل
    ان حضرتك تقاومى الظروف دى لآخر لحظة

    فعلا جزاكم الله خيرا ومش عارف أفول أكتر من كده
    مبقدرش أكتب حاجات بالاجادة اللى حضرتك عاملاها

    :D :D :D

    ReplyDelete
  14. Keep this going please, great job!

    Also visit my web-site: Loose people unsightly moobs
    Also see my webpage :: Great Things About Using BRP Therapy With Regard To Gynecomastia

    ReplyDelete
  15. Remarkable issues here. I am very happy to see your post.

    Thanks a lot and I am looking ahead to touch you.

    Will you kindly drop me a mail?

    my website - http://chestfatburner.com

    ReplyDelete
  16. Pretty section of content. I just stumbled upon your blog and in accession capital to assert that I get in fact enjoyed account your blog posts.
    Any way I'll be subscribing to your augment and even I achievement you access consistently fast.

    Look into my web page - Chestfatburner.Com

    ReplyDelete
  17. Yes! Finally something about adoption agency.

    Also visit my webpage; Upper body Muscle tissue as well as the Minimize Period

    ReplyDelete
  18. Very nice post. I just stumbled upon your blog and wanted to say
    that I have truly enjoyed surfing around your blog posts.
    In any case I'll be subscribing to your rss feed and I hope you write again very soon!

    Feel free to visit my web-site :: Using surgery for management of gynocomastia

    ReplyDelete
  19. excellent post, very informative. I wonder why the other specialists of this sector
    do not realize this. You must proceed your writing.
    I'm sure, you've a huge readers' base already!

    Also visit my webpage: Risk factors related to Abnormality

    ReplyDelete
  20. I have read so many posts on the topic of the blogger lovers however this paragraph is in fact
    a nice piece of writing, keep it up.

    Here is my page: http://chestfatburner.com/what-to-ask-You-doctor-before-undergoing-gynecomastia-surgery

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore