ساندوهم ..ساعدوهم ..شجعوهم وأفيدومهم



لست من مؤيدين التسول والشحاذه وأقاطع كل من يقوم بجذبى من ملابسى لأعطيه "حاجة لله " فأنا أفضل أن أخرج صدقتى فى مكان يستحق كما إنى لأ أشجع الشحاذه خصوصاً عندما يكون الشخص ذو صحة ويستطيع أن يعمل فمحترفى التسول كثيرون جداً


لكن أشجع من يقوم ببيع بعض المنتجات البسيطة لكى يكسب قوته من عمله حتى ولو مناديل

مؤخراً طرأت على بالى هذه الفكرة لماذا لأ أشجعهم واشترى ما يقومون ببيعه ولن يكلفنى إلا القليل؟؟
منذ أيام مر بى بائع بخور ووجدت ردى التلقائى بتجاهله وهذا ماتعودت عليه من كثرة البائعه المستفذين "اشترى ياابله ,, طب بصى بس "

وبعد إنى تجاوزته فكرت لماذا لم اشترى منه البخور ؟؟ فأنا سأستفيد وأفيده
لطالما تأملتهم ولم أفكر فى احترامهم بسعيهم لكسب رزقهم بدلاً من الشحاته والتسول

سبحان موزع الأرزاق

وكنوع من تشجيعم وتعبيرى لهم عن احترامهم بدأت اساند واساعد كل من أجده يبيع منتج قد استفيد منه ويقف أو يمشى فى الشارع مناديل ,, بخور ,, أقلام ,, شربات ,, كتب ,, عسلية .......
فنحنا نستهلك العيدد من هذه المنتجات بشكل دورى فما أجمل أن نفيد هؤلاء الناس وما لا تلاحظوه فى أوقات عديدة يكون لديهم منتجات جيدة الصنع وبأسعار جيدة

فلنساند كل شاب أو رجل أو شيخ يقوم بكسب رزقه بمنتجات بسيطة يدور بها أو يقف بها
قد يكون هذا مصدر دخله الوحيد :)


هوندا

7 comments:

  1. السلام عليكم
    أنا متفق معاكي في وجهة نظرك

    بس برضه موضوع اني اساعدهم ده متوقف على طريقته في بيع السلعة اللي معاه

    يعني ...
    ماتجيش الست (اللي بتقف عند بوابة الجامعة سواء البارون أو الجلاء) و تتشعبط في هدومي و تقوللي
    "والنبي لتاخد من إيدي ... والله مانت كاسفني"

    ساعتها أنا بتنرفز و بزعق و في مرة كنت هشتم ... بس لولا اني مش متعود اشتم اي حد فمسكت نفسي!!

    وبجد في مرة كنت عايز مناديل و دي جت تمسك فيا ... بس ماخدتش منها برضه بسبب اسلوبها اللذيذ ده


    بعكس بعض الناس التانيين بيبقوا قاعدين في أي مكان و بيبيعوا أي حاجة ... دول بحترمهم و بساعدهم

    ReplyDelete
  2. بصي يا هوندا أنا بالنسبة ليا من يوم ما كنت ف ثانوي وأنا بشتري مناديل من الناس دي وقليل جداً لو دخلت محل أو مكان واشتريتها ومنها بكسب دعوه حلوه يعني وممكن تلاقي معايا أكتر من كيس مناديل وماعلينا
    بس في حاجه ... المترو بقى بجد بشع اتقلب سوق بجد منتهى الصداع والسوقيه يعني مش لدرجة اللي تطلع تبيع محشي وكشري في المترو
    شوفي اللينك وهتعرفي
    في ناس بتقول تجاهليهم وهما مش هيطلعوا تاني... سمعت الجمله دي من واحده في المترو من كام سنه ودلوقتي زادو جداً ... وبعدين منهم السائلين ومنم اللي يرمي الحاجه على رجلك زي النعناع في الاتوبيسات ومنهم اللي يديكي ورقه فيها انا اسمي حسام ولا أنا اسمي سعاد ولا زوجي مش عارفه ايه المهم انه بيكلف الورق المتصور ده أد كده أصلاً واللي يرمي شنط ومرايل مطبخ والجديد جهاز العروسه ومنهم اللي يقف ف النص وبعلو صوته يقول اللي معاه ومنهم الشباب اللي ف عز زحمة عربة السيدات (اللي هي صداع لوحدها) يدخلو ويوزعوا الحاجه ويرجعوا يلموها ويزنقوا الناس طيب اهدوا ف الزحمه دي طيب وكلهم في نفس واحد ومنهم بنات بيكون باين عليهم انهم متعلمين وأعتقد ان هدفهم انهم يجهزوا نفسهم
    هما بجد مستفذين ..أنا موافقاكي اني أساعدهم وبعمل اللي بقدر عليه وبيصعبوا عليا لو حد مسكهم ودفعهم غرامه (أو رشوى زي ماسمعت من واحد فيهم) بس المفروض ان الموضوع مايبقاش بالهرجله دي ولا بالغلاسه دي
    معلش طولت عليكي بس اتكلمت من وجهة نظري واللي معصوره فيه كل يوم المترو

    ReplyDelete
  3. كلام سليم تمامًا، بعملها مع بائعي المناديل

    توارد خواطر برضه، في موضوع ف الدرافت من زمان قوي عن الحكاية دي

    :D

    تحياتي لكِ

    ReplyDelete
  4. موضوع جميل جداا
    يمكن عشان فعلا حقيقى وواقعى
    كل الكلام اتقال
    جزاكى الله خيراا على ماتفعليه

    ReplyDelete
  5. @boody

    معاك حق طبعا خصوصا مع الست دى :D
    بس انا مكنتش اقصدها هيا كنت اقصد الناس الى اسلوبها افضل من كده او الناس الى واقفه بيتبيع على استند فى جمب
    او بتمر من غير ماتضايق حد


    @rehab المترو ده سوق لوحده فعلا انا بضايق جداً من حركة الى يرمى نعناه على كله ويرجع يلمهم طب مالونا عايزة كنت ندهتلك
    وحصلت معايا بردو فى عربية بيجو واحد رمكى علينا م الشباك ورجع اخدهم

    بس العيب مش عليهم العيب على سمحلهم يعملو كده

    ReplyDelete
  6. @ 77Math اهو ده عيب الى يحط حاجة فى ادرافت :D

    @hema جزاك الله مثله

    ReplyDelete
  7. ههههههههه
    أيوه الست دى نزفزتنى كذا مره
    ربنا يسامحها بقى :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore