اقرأ

لأنى كاتبة ع الماسنجير الجملة دى

"مش عارفه الناس الى مبتقراش كتب عايشة ازاى"
و فعلاً أقصدها

فكل ماحد يدخل لمن اصحابى يقعد يترق شوية بس ولا يهمنى فمنهم واحدة من شوية دخلت قالتلى الكلام ده
حبيت أتشارك معاكم بالموضوع ده


لقد أرسل لك اللهم ارفع مقتك وغضبك عنا لتوه إشارة تنبيه.

اللهم ارفع مقتك وغضبك عنا:
السلام عليكم
اللهم ارفع مقتك وغضبك عنا:
ازيك يا هنادي
Be a Nice Person:
وعليكم السلام
Be a Nice Person:
الحمدلله
اللهم ارفع مقتك وغضبك عنا:
انا مش بقرا كتب وعايشة اهو ما ممتش
Be a Nice Person:
طب كويس
اللهم ارفع مقتك وغضبك عنا:
بصي انا عارفة انها حاجة وحشة اوي
اللهم ارفع مقتك وغضبك عنا:
بس دي طاقات
Be a Nice Person:
لو كانت طاقات مكنش ربنا نزل اول كلمة فى القرآن اقرأ
Be a Nice Person:
ومكنش الرسول الى مش بيعرف يقرأ حرف قرأ
Be a Nice Person:
اعتقد اننا أحسن حالا من الرسول فى النقطة دى
اللهم ارفع مقتك وغضبك عنا:
بس هي محتاجة صبر
Be a Nice Person:
ع الأقل بتعرف نقرأ ونكتب
Be a Nice Person:
اكيد مش اصعب من صبرنا ع كتب الكلية والتعليم كله
اللهم ارفع مقتك وغضبك عنا:
ومين اللي قالك انها كانت بتتذاكر
اللهم ارفع مقتك وغضبك عنا:
لنفس السبب
Be a Nice Person:
امال نجحتى ازاى؟
اللهم ارفع مقتك وغضبك عنا:
مش عارفة والله بس بجد كنت معتمده ان افهم في الدرس
اللهم ارفع مقتك وغضبك عنا:
وبعدين كنت بركز على المواد اللي فيها حل كتير
Be a Nice Person:
مانت لو اعتمدتى انك تفهمى الى فى الكتاب الدنيا هتبقا فلة
اللهم ارفع مقتك وغضبك عنا:
ادعيلي
Be a Nice Person:
وبعدين انتى اكيد بتقراى فى حاجة حلوة
Be a Nice Person:
والقراءة لذيذة
اللهم ارفع مقتك وغضبك عنا:
على الاقل يهون عليا الملل اللي انا فيه شوية
Be a Nice Person:
والمهم بتقرى ايه ولمين
Be a Nice Person:
لو قراتى عمرك ماهتحسى بملل لان فى كتب كتيييييييير عايزة تتقرأ
Be a Nice Person:
احنا أقل شعب بيقرأ
اللهم ارفع مقتك وغضبك عنا:
معاكي حق
Be a Nice Person:
وقد يكون تعليمنا ده حُجة علينا مش لنا لان مفيش سبب نبرر بيه جهلنا
Be a Nice Person:
وحاولى تبدأى بكتب بسيطة معلومتها تشدك وواحدة وواحدة هتدوسى
اللهم ارفع مقتك وغضبك عنا:
ربنا يسهل
Be a Nice Person:
ربنا يوفقك

هوندا.

3 comments:

  1. هههههههههههههه
    دانتى فضايح يا شيخه

    طيب أنا كنت هكلمك وأقولك
    معندكيش عريس
    كنت هتكتبيه هنا بقى ؟! :D

    امهم أنا يمكن مكنتش بقرأ كتير
    يعنى يدوب على قد مجله , جرنال , وكنت مره من سنتين كده بدأت فى قراءة كتاب عن التاريخ الاسلامى , وهرمجدون مفهمتش حاجه
    زى بروتوكولات حكماء صهيون كده اللى قلتلك عليه

    وده معناه ان الواحد بس يعرف يختار صح :)

    سلام بقى
    ومتنسيش تردى عليا فى موضوع العريس :D

    ReplyDelete
  2. هههههههههههههه مش فضايح ولا حاجة اصل ده نقاش عادى

    مش حاجة خصوصية يعنى وزى مانتى قولتلى تختار صح

    وعموما لو لقيت عريس هقولك حاضر
    هههههههههههه

    ReplyDelete
  3. هوا فعلاً في ناس بتكره القراءة ,
    انا عندي واحد صحبي بيحس بالعار انوا شايل كتاب في أيده , بيقولي ازاي االناس يشوفوني وانا ماسك كتاب :D
    we need to format our minds :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore