مممممم هي الفكرة ايه؟

لما دلوقتى فى سن قانونى للزواج ليه المأذون مش بيلتزم بيه ولا أهلى
طب طالما الحكومة مش مهتمية اوى بالموضوع ده عاملتو قانون ليه عشان الناس تحاول تكسره
:]
يعنى لو البنت عندها 15 او 16 سنة واهلها عايزين يجوزوها بيدفعو للمأذون مبلغ بين ألف ونص أو ألفين جنيه على حسب المنطقة الى فيها الحوار ده

وبيتجوزو فى الآخر؟
!!

هما الناس مستعجلة اوى كده ليه ؟
أوقات بحس ان الموضوع ده فيها ظلم شوية للمرأة لما تكون بنت جسمها لسه بيتكون وتكون مجبرة انها تكون ست بيت وتتحمل آلام الحمل ورعاية أطفال
طب فهمونى لما تكون أم زى دى لسه متعلمتش كويس ازاى هتربى أولاد وأجيال أعتقد ان الذرية واضحة
:S

7 comments:

  1. أعتقد ان اللي حتى بتتعلم مش بتعمل حاجة يعني زيها زي اللي ما اتعلمت تمام

    والدليل الشباب حواليكِ أهم

    بالعكس بلاقي اللي أمهاتهم مش متعلمة، بيكون عندهم شوية أخلاق عن أبناء المتعلمين ، مش الكل طبعًا

    كله كفتة يا بنتي

    كبري دماغك

    ReplyDelete
  2. حكاية الجواز و التربية حكاية نسبية مش أكثر

    ReplyDelete
  3. يعنى ايه نسبية؟؟؟

    انا متفقة ياايمى ان اوقات بتكون الامهات بتعلم اولادها الاخلاق لكن بيكون فى قصور كتير فى مسائل التربية

    ReplyDelete
  4. بيبقوا عاوزين يخلصوا من همهم بدرى بدرى
    بدل ماتكبر وتعنس ولا حاجه هههههههه

    ReplyDelete
  5. لأ و الغريب يا هوندا ان القانون القديم مكانش بيسمح للبنت تحت 21 سنة ان يكون ليها عقار باسمها مثلا
    و لكن بيسمحلها تتجوز
    يعنى هى تقدر تتجوز ز تتحمل مسئولية بيت لكن لسة صغيرة على انه تمضى عقد و تتصرف فى عقار !!!

    زى القانون بتاع "السواقة" اللى بيقولك انتى ممكن تسوقى من 18 لكن ممنوع يبقى عندك عربية غير لما يبقى عندك 21 سنة !!!! يعنى انت مدينى امان فى الطريق لكن مش مدينى امان على الورق ؟؟

    نرجع لموضوعك ، الحكاية كلها عملية تأهيل و استعداد نفسى
    يعنى لو البنت مؤهلة للجواز من سن صغير -17 سنة مثلا- انا مش شايفة ان فيها مشكلة لان ده اللى حصل مع اهلنا زمان و ما شاء الله كلهم ستات بيوت 100% ا:]
    لكن لو البنت مش مؤهلة لكده
    دماغها لسة صغيرة ، قدرة استحمالها مش كبيرة
    فى الحالة دى اللى يجوزها يبقى بيعمل فيها جريمة
    اهلها بقى ، الماذون ، حتى لو كان القانون نفسه
    ولا ايه ;)

    ReplyDelete
  6. انا شايفة برضه انها حاجة نسبية لأن التربية وتحمل المسئولية ده مش بالسن بدليل ان فى ناس سنها كبير
    ومش قادرة تتحمل مسئولية نفسها والعكس صحيح

    ويكمن الظاهرة دى مكنتش موجودة أوى فى خلال العشرين سنة اللى فاتت أد ما هى بدأت ترجع تانى دلوقتى بسبب تأخر سن الجواز فالأهالى بقت بتخاف ومجرد انها تلاقى حد مناسب بتجوز البنت

    ReplyDelete
  7. @ safa ممكن فعلا ياصوفى موضوع التأهل النفسى ليه عامل كبير
    بالنسبة للكلام الى قلتيه انا اول مرة اعرفه بس ده بيبن عقد نفسية وجبن والله
    :D
    لأنها مش منطقية خالص

    @S_A_S_O

    ممكن كلام صح بس المشكله انك اكيد شايفة بنات الاام دى عاملين ازاى
    :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore