فزت فى مسابقة"اكتب عن كتاب"



فى نهاية شهر مارس قرأت فى اليوم السابع عن مسابقة يقيمها راديو حريتنا
اسمها اكتب عن كتاب

المسابقة باختصار انك تتكلم فى حدود 500 كلمة عن آخر كتاب قرأته
اتبسطت طبعاً عن فكرة اللمسابقة لتشجيع القراءة معشوقتى
والموضوع عدى ورجعت فكرت ليه ماشاركش حتى كنوع من التعبير عن اعجابى بفكرتهم وشاركت فعلا بالكتابة عن كتاب
حكاية أتاتورك والإسلام
وطبعاً وجدت صعوبة فى اختصار البوست ل500 كلمة عشان الكلام يكون مترابط
بعد حوالى ساعة ونص أو أكتر أصبحو 500 كلمة
:D

ومنذ أيام أعلنت النتيجة والمفجأة انى لقيت اسمى مكتوب
:D
اى نعم المركز رقم 29 بس كنت هزعل لو مكنش موجود خالص
وفضلت احلم هفوز بكتاب واحد على قد مركزى؟
ولا 2
:D
لدرجة انى حلمت انهم 4
:D
أصلهم قالو الى هيكسب هياخد مجموعة من الكتب تبع دور النشر الرعاية للحدث
وانا طماعة فى الكتب بشراهة
وامبارح كان ميعاد استلام الجايزة
وشددت الرحال إلى القاهرة ورحلت المقر بتاع الراديو
وكانت المفجأة 8 كتب
:D

كان منها كتب خارج اهتمامتى لكن بعد تفكير قررت أن مفيش أى مشكله انى بعد مااقرأ الكتب الى فى قايمة أولوياتى ابقا أقراهم


ودول الكتب:
1- سيطر على حياتك إبراهيم الفقى - دار نشر أجيال
2- تبيع دماغك ..رؤية ساخرة لمجموعة من الكتاب تابع لدار نشر اكتب
3- امبراطورية الثروة (التاريخ الملحمى للقوة الإمريكية) جون ستيل جوردون
4- كيف نجعل العولمة مثمرة جوزيف ستيجلتيز
5-مكة والاتجاه العام جنيف عبده
6- رؤية إسلامية جديدة للغرب والمسلمين .. الإمام فيصل عبد الرؤوف
7- الحكومة الإمريكية (الحرية والسلطة الجزء الأول) ثيودور لوى - بنيامين جيتسبرج
8- الحكومة الإمريكية (الحرية والسلطة الجزء الثانى)

بجد انا اتبسطت اوى من المسابقة ومن الجايزة واتمنى ان يكون فى مسابقات كتير من النوع الهادف الى تشجع الناس تقرأ أكتر وأكتر

ولم تككن النهاية وأطلق راديو حرية مبادرة كتاب مع كل شاب انك تتكلم عن كتاب قراته ونتناقش فيه بحيث ان لو حد سمع عنه يقراه لان فى ناس مس بتقرأ غير اما تسمع

ده
جروب الفكرة
أتمنى ان الناس تشارك بإيجابية لان الهدف يستحق وفيه خلاص مصر من أم التخلف الى منقوعين فيه ده

هوندا

12 comments:

  1. بجد الف مبروك
    مش علشان كسبتي بس
    بس علشان انتي عارفه ازاي تنمي ثقاتك بنفسك
    ما شاء الله عليكي
    تحياتي ليكي وربنا يوفقك

    ReplyDelete
  2. مبروووووووووك يا ستي

    ابعتنا كتاب باقه منهم

    ReplyDelete
  3. قليل لما بسمع عن مسابقات جوايزها كتب ,
    حاجة جميلة جداً بجد , ربنا يكرمك وتستفيدي منهم بشكل كبير

    ReplyDelete
  4. ألف مبروك يا هوندا ;)

    ReplyDelete
  5. انا فزت برضة بالمركز ال 13
    بس للاسف ما رحتش الاحتفال
    الف مبروك و المرة الجاية تكوني في المركز الاول ان شاء الله
    تحيااااااتي

    ReplyDelete
  6. congratulations honda it's really
    great to participate in such thing :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore