هذا البلوج



بعد مرور عام من عمر بلوجى


مر العام الثانى منذ أيام

بجد هفضل أقول ان المدونة دى من أجمل تكوينات فى حياتى

وقد ايه بتريحنى فكرياً لأن أوقات الواحد بيواجه تصارعات أفكار بيكون محتاج يعرضها قدامه بشكل أفضل عشان الصورة توضح وبيحتاج يشاركها مع العالم حواليه

السنة دى حسيت إن أسلوبى إتحسن كتير

يمكن بفضل القراءة والمداومة على الكتابة

أوقات كتير بحس ان المدونة زى مغارة ومحدش بيقرأ عندى اى حاجة وده كان اوقات بيحبطنى

لكن بتحصل نكشات كده بكتشف ان فى ناس كتير بتابعنى لكن لأن أغلب الناس مبتحبش تشارك فطبعاً مش بيوصلى حاجة

لأن فى تدوينات بكون محتاجة أعرف اراء الآخرين

أى كان أنا متأكده إن فى على الأقل من واحد لعشرة بيتابعو المدونة باهتمام
:D
فأتمنى أكون أفادتهم بأى حاجة عشان انا طمعانة فى ثواب كتير ياناس
:D

بفضل المدونة أسلوبى فى التعبير اتحسن
وبفضل المدونة بقا فى توثيق لمراحل كتير فى حياتى مريت بيها هتفضل ذكرى وجو جميل كل ماقرأتها

السنة دى قلت متابعتى للمدونين إلا فئه قليلة استفاد فكرياً من تدويناتها لأن فى كلام كتير بيتكتب ملوش اى لازمة وبحس انى بضيع وقتى لو قرأت فى اى حاجة لن تضيف لى أو تحمل سلبية شديدة او شتيمة فى الحكومة وخلاص

لأن الأغلبية مبقوش بتكلمو غير عن الحكومة وخلاص

وأنا زهقت من الشجب والإدانة وشايفة إننا نحاول نركز فى تطوير نفسنا ومن حولنا وكل فترة محددة نبقا نشجب وندين لكن مش طول الخط
:D

بحبك يامدونتى
<3

هوندا

15 comments:

  1. Happy Birthday to ur sweet blog,
    and I wish you always success and progress in your life, and i'm sure u've much more than only 10 following and loving this blog :)

    it's great to have such a nice place to let all ur feelings out, and share others with your thoughts, so keep it up Hondety :D

    ReplyDelete
  2. مبرووووووووووووووووك و كل سنة وانت طيبة وعقبال ميت سنة

    ReplyDelete
  3. Congratulations :)

    big fan of your blog(s)! :D

    ReplyDelete
  4. كل سنه ومدونتك بخير يا هنادى
    وانتى كمان ولا تزعلى :)

    بس ايه الكلام الجامد ده :D

    ReplyDelete
  5. كل سنه ومدونتك بخير

    ReplyDelete
  6. كل عام وانتي بخير والمدونة بخير , واكيد اسلوب الأنسان في التعبير بيتحسن مع القراءة الكتير والكتابة وتجربة التدوين فعلاً جميلة وبتكسبك خبرات وأصدقاء
    موفقة بأذن الله في كل أمور حياتك الدينية والدنيوية

    ReplyDelete
  7. طيب انا بس جاية اثبت لك اني مش بتابعك

    :p

    ReplyDelete
  8. أولا كل سنة وإنتي مفيدة للناس يا نصفي الجميل وإن شاء في زيادة علم وتطور دايما
    :)
    ثانيا بالنسبة للمتابعين أنا شايف إنهم الحمد لله في زيادة دائمة ,, وزي ما إتناقشنا قبل كدة في النقطة دي مش كل الناس بترد في كل التدوينات ! أنا شخصيا مش بحب أرد في تدوينة إلا لما يكون ردي فيه إضافة قيمة للتدوينة دي ,, لكن طبعا اللي بتابعهم ومعجب بتدويناتهم وأفكارهم كتير جدا ,, وأعتقد إنك واحدة منهم!
    :)
    ثالثا إن شاء الله السنة اللي جاية تكوني بتكتبي التدوينة اللي بتعلني بيها السنة الجديدة للمدونة بجانب شخص ما
    :)


    K(G) ;)

    ReplyDelete
  9. كل سنة وبلوجك طيب ياهوندا :)
    وبجد انا واحدة من الناس اللى البلوج بتاعك شجعنى انى أعمل بلوج لنفسى وفعلا أفدتى ناس كتير وماشاء الله فى ناس كتير متابعاكى

    ربن يوفقك ياهنادى يارب للأحسن دايما :)

    ReplyDelete
  10. كل سنه ومدونتك وانتي بخير يارب وعقبال العمر كله معاها ومعانا

    ReplyDelete
  11. كل سنه ومدونتك بخير
    وكل عام وانتي وسط هذا العالم الجميل

    ReplyDelete
  12. ألف مبروك وعقبال مليون سنة ان شاء الله
    على فكرة أنا متابع كتاباتك من زمان لكن في صمت ... وبأستمتع جداً بمتابعة المدونة الجميلة دي.

    الى الأمام

    نبيل

    ReplyDelete
  13. كل سنه ومدونتك بخير
    على فكره أنا من العشره اللي هما في الواقع مش عشرة وأكتر بكتيير والدليل التعليقات دي
    وألف مبرووووك على ال8 كتب الجايزه (أنا لسه شايفه البوست معلش ماكنش عندي نت ) علشان كده ببارك دلوقتي :)
    ويارب كل سنه تدوين للأحسن ان شاء الله

    ReplyDelete
  14. أشكركم ياأصدقائى طلعتو أزيد من عشرة
    :D
    أنا اكتشفت ان متتابعينى فى صمت كتير
    :D
    أى ان كان اتمنى انكم تستفيدو وتستمتعو :)
    @rehab الله يبارك فيكى

    ReplyDelete
  15. happy birth day for ur useful and inspiring blog :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore