وَلَوْ كُنْتَ فَظًّا غَلِيظَ الْقَلْبِ


يقول تعالى :

فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ
...

كلام وجه الله تعالى للرسول الكامل الأخلاق ليلفت تظره بأنه اذا استخدم الغلطة والشدة فى الدعوة إلى الله لبتعد الناس عنه
هذا الكلام للرسول ...كامل الأخلاق

فما بالكم بنا؟

هل تحت كلمة الدعوة إلى الله والإسلام يحق لنا ان نستخدم الشدة والغلظة ليس مع الكفار بل مع المسلمين أمثالنا من ينقصهم وعى دينى أو يسقطون بعض الفرائض الإسلامية

؟
من حلل لنا هذا؟

ان تكون شخص متدين ليس بفضل منك ! ولكن من الله وجهاد قليل جداً منك
أن تكونى فتاة ملتزمة بزى شرعى صحيح ليس سبباً بأن ترفعى رأسك وتستعملى الشدة والغلطة فيمن هم أقل منكى التزاماً بالزى
فاعلمى ان بداية نكسة الفرد أن يظن أنه هدى نفسه أو انه مفيش زيه وعمل الى متعملش

كلما رأيت من هم أقل منك التزاما قولى الحمدلله الذى هدانا لهذا وماكنا لنهتدى لولا ان هدانا الله
كما تستطيعين أيضا أن تدعى بالهداية لبنات المسلمين أو لأى بنت محددة تعرفيها
وفى كلتا الحالتين تثابى على الدعاء بإذن الله

فى بنات كتير نفسهم ان ربنا يهديهم فعلاً ,, ومحدش عارف ظروف حد وقد يكون مقامها عند الله أعلى منك لحسن أخلاقها مثلاً ,ومهما كان فليس هناك أدنى مبرر بأن يكون هناك كلمة معلقة زى
"البسى بادى وادلعى بكرة فى النار هتولعى" هيا دى الدعوة إلى الله؟

أو تنتشر صورة لتوضح فضل المحجبة عن غيرها ب
مصاصة بغطا والمصاصة التانية من غير غطا وملموم عليها ذباب
وهى الفتاة غير المحجبة ؟

اعتقد ان هناك طرق أفضل وأرقى للدعوة إلى الله لأنك بسوء اختيار قد تنفر الفرد من الدعوة

انتشرت صورة المصاصة دى كتير وبتستفزنى جداً واعتقد ان الأفصل اننا نبتكر صور راقية للدعوة إلى الله
فى فرق كبير بينها وبين صورة راقية زى دى


الدعوة إلى الله فعل قبل أن تكون كلام
بمعنى أن تتحدث ولكن بأفعال أمرك الله بها ان تحقق فى دعوتك اوامر الله ان تبتسم وترفق وتلين فى الدعوة
وليس بالشدة والكلام الزلط

*.*هوندا*.*

3 comments:

  1. والله يابنتي عندك حق في كل اللي قولتيه
    كان في مدرس في ابتدائي كان دايماً يقولنا {ادع إلى سبيل ربك بالحكمة والموعظة الحسنة، وجادلهم بالتي هي أحسن...} وكان دايماً بيحكي لنا عن حكايات الرسول (عليه الصلاة والسلام) في دعوته
    وبصراحه الكلام اللين بيجيب نتيجه أكتر من الكلام الزلط
    يعني عمر الكلام اللي بشده وعنف وناقص يضرب اللي بيكلمهم ما هيجيب نتيجه
    وموضوع المصاصه ده كمان وفي بونبوني على فكره واحده ملفوفه برضه والتانيه لأ نفس فكره المصاصه حاجه بجد غريبه
    أحييكي يا هوندا على كلامك بجد بجد (Y)

    ReplyDelete
  2. صح يا هوندا و الله
    أنا كمان بتستفزني الإعلانات دي قوي
    و بجد أنا أعرف بنات غير محجبات و في منتهى الاحترام و بيصلوا و بس ناقصهم الخطوة دي
    و اعرف بنات تانيين محجبات حجاب شرعي و للأسف بيسيئوا للحجاب
    و عموما كلنا مخطئين و ربنا اللى بيغفر مش احنا البني آدمين
    "كذلك كنتم من قبل فمن الله عليكم" صدق الله العظيم هو ده اللى المفروض نقوله لما نشوف حد على معصية أو ينقصه شئ لأن كل واحد فينا فيه كتير
    و من تتبع عورات الناس تتبع الله عورته
    ربنا يرحمنا من الكبر و العجب
    و صدق رسول الله صلى الله عليه و سلم
    " فأما المهلكات فشح مطاع و هوى متبع و إعجاب المرء بنفسه "
    أشكرك على إثارة الموضوع ده
    ربنا يكرمك

    ReplyDelete
  3. كنت شفت مره كاريكاتير رائع عن بنت مش محجبه ومحترمه بيألس عليها بنات لابسه ضيق بس محجبه ويقولو هى ازاى سامحه لنفسها تمشى كده

    بجد موضوعك رائع

    ابقى زورينى

    تحياتى

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore