مش فلوس وبس

أغلب الآباء ينحصر معنى الأبوة عندهم فى مصاريف البيت فقط
فهو لايرى له أى دور فى حياته اللهم إلا أن يزعق ويشخط ويضرب ويدفع

إن كان كذلك فكان بوسع الله أن يجعل الأبوة والأمومة فى شخص واحد فالأم تستطيع أن تعمل وتشخط وتضرب وتطبخ وتغسل وتذاكر وتراعى العيال !

فليخبرنى أحدكم ياسادة لم جعل الله الأزواج أب وأم ؟
ألكى يقوم الأب بالعمل وتوفير المصاريف فقط وإهمال الأولاد ؟
وكلما طالب الآبناء بالاهتمام من قبل والدهم كان رده انا مشغول بهموم العمل وتوفير المصاريف
هل أنت صادق ولا تملك الوقت الكافى لآبنائك؟
هل أنت صادق بان لا تملك الساعتين التى تشاهد فيه هذه المبارة؟
ولا الساعات الى تقضيها مع أصدقائك فى الضحك والفشخره؟
ولا الساعات التى تتسمر فيها أمام القنوات الإخبارية؟

هل يعلم هذا الأب أنه قد يكون سببا فى أن تبحث ابنته عن الحنان والاهتمام خارج المنزل ويصعق إذا علم بعلاقة ابنته بشاب !
ماذا تظن ياسيدى بابنتك التى لم تهتم بها ؟
أتقول أثق فيها وربيتها على الأخلاق؟
متى قمت بتربيتها ياسيدى ؟؟ أثناء غربتك طوال حياتك سواء فى المنزل أو خارجه فالغربه ليست فى بلاد الخليج فقط ياأصدقائى

سوف يحاسبك الله على تقصيرك فى تربية أبنائك
سوف يحاسبك الله على عدم اهتمامك بهم وتسكين أوجاعهم
سيحاسبك الله لأنك تكذب أمامهم وتأمرهم وتعاقبهم حين يفعلو ذلك
سيحاسبك الله لانك تركت ابنتك تخرج بهذه الرقع من القماش بحثا عن إعجاب الشباب فهذا كاف لإشباع إحتياجها مؤقتاً
سيحاسبك الله حين وافقت ابنتك على الارتباط باول شاب يتقدملها حتى تشعر بأن هناك من يهتم بها ويحنوعليها وكان زوج فاسد!
سيحاسبك الله على إهمالك لإبنك وهو فى سن المراهقة سن الترويض فبالله عليك لا تستعجب بعد ذلك كم ساءت أخلاقه وعدم توافر أخلاقيات الرجوله به فمن أين يأتى بها وهو لم يعرفها منك؟

سيحاسبك الله على كل لحظة ألم أُلحقت بأبنائك كلما رأو أباء أصدقائهم يخرجون معهم ويهتمون بهم ويساندوهم معنوياً فى فترات حياتهم المختلفة المصيرية

هل ترى معى حين يعمل أبنائك ويصبحو قادرين على تححمل مصاريفهم أنهم سيحتاجون إليك ؟؟

عفواً فأنت من جعلت الصلة بينك وبينهم سلك واحد فقط وهو المصاريف وهم الآن يملكون السلك
!

وليكن عذرى الوحيد لك انك لم تتعلم معنى الأبوة وكيف تكون أباً
غفر الله لى ولك
هوندا

9 comments:

  1. You are right Honda, so right, I've no words to say after all of this, and you touched me deeply with your words, for a while I thought you have quoted them from some where.

    Allah bless you, and help you with all your problems and bothering issues.

    ReplyDelete
  2. بوست رائع كالعادة
    خالص تحياتي
    موجة

    ReplyDelete
  3. أبشع حاجه ان الأب يتحول لبنك والأم لشغاله مش عارفه العيشه ساعتها تكون عامله ازاي ولو حاجه حصلت كل واحد بيرمي المسؤليه على التاني والأب يقول هو أنا بعمل كل ده علشان مين مش علشان أجبلكو فلوس
    بس برضه الأم أو الزوجه تخلي عندها دم وماتطلبش منه فلوس على طول وماتكونش مبذره علشان الحمل يخف من عليه شويه
    موضوع التربيه والأبوه والأمومه ده كبيييير أوي
    بصي في حالات الأب أو الزوج بيكون مشغول فعلاً وغصب عنه لكن ده مايمنعش ان عليه مسؤلية أولاده لأن في حاجات لازم الأب يكون موجود فيها وصعب ان الأم تشيل المسؤليه كلها بس لازم تقدر انه تعبان مش كل حاجه برضه ترميها عليه بس مدام الرجل تزوج يبقى لازم يكون عارف ان حياته هتختلف ويكون محضر نفسه انه بقى عليه مسؤليه غير مسؤلية شغله الزواج مش لعبه ده بجد مسؤليه كبيره والتربية مسؤليه أكبر كتيير
    بجد بوست جميل جداً يا هوندا (Y)

    ReplyDelete
  4. "أغلب الآباء ينحصر معنى الأبوة عندهم فى مصاريف البيت فقط
    فهو لايرى له أى دور فى حياته اللهم إلا أن يزعق ويشخط ويضرب ويدفع"

    فعلا عند حق ف كلامك ده
    تسلم ايدك يا جميل ع موضوع ده....

    ReplyDelete
  5. الأبوة ,, المعنى والإحساس الجميل والسامي في حياة كل شخص في هذا العالم ,, أفسدناها بلا رحمة ,, بعض الناس كما قلتي يعتبرون الأبوة نوع من الحساب البنكي .. أو يتركون الإبن أو البنت يتعلمون وحدهم في الدنيا خطأ أو صواب لا يهم .. ويحسبون أنهم يحسنون صنعا ! وتكون النتيجة أننا شعب متخلف يعاني من العقد النفسية والعقلية كل هذا أوله بالتربية في المنزل والتعليم في المنزل والمدرسة (وأقصد تماما التوالي في الترتيب) ولو فسد حال أحدهم فالنتيجة معروفة .. كلفي نفسك فقط بالنظر من النافذة ومشاهدة الناس وتأمل أفعالهم إلا من رحم ربي !! أتمنى فعلا أن نكون أباء وأمهات كما نتمنى أن نكون
    :)

    ReplyDelete
  6. جميل ياهنادي الموضوع , الف شكر عليه
    وطبعا معاكي حق في مضمون الموضوع
    بس مش معنى ان الاب بيكون مشغول او شغله بيقتضي ان يكون معظم وقته مش في البيت ان الاولاد تتظلع مش كويسه
    وبرده مش عذر ان البنت تكلم شاب برده او تدوز على الحنان زي ماقلتي , انا شايف ده مش عذر خالص
    وده كان ناتج من تأثير الاب اللي هو مش موجود في البيت , فده برده من تأثيرالام اللى موجوده في البيت
    يعني مش علشان الاب شايف ان سعاده اولاده في انه يكونوا عايشين في اسعد حال ماديا , ولاده يحاسبوا على حاجه زي دي ,يعني على الاقل نلتمس له عذر انه في الاول والاخر كان التفكير في اولاده , وان كان بيفكر فيهم غلط او بصوره مش كامله للتربيه ولمشواره كأب
    ----
    هو انتي اقترحتي موضوع مايخلصش في كلمتين في بوست
    بس انا بهنيكي عليه الصراحه

    ReplyDelete
  7. معلش , هارد مرتين
    كنت عاوز اقول برده انه فيه اولاد كتير عايشين مع والدتهم بس , ده لسبب وفاه ابوهم او سفره او اي حاجه
    وبيطلعوا كويسين جدا , ده لانهم قدروا يفهموا الوضع اللي هما فيه وكمان علشان الام هنا قدرت تقوم بدورها على اكمل وجه انها تحل محل الاب والام معا طوال فتره غياب الاب سواء كان في الشغل الصبح او مسافر او متوفي يعني مش موجود خالص , صح !!
    كمان , مش معنى ان البنت تطلع يلاقي ابوه في السجن مثلا انها هاتطلع مش ولابد , بل ممكن تطلع دكتوره او مش لازم تعليم , بس ممكن تكون محترمه , يبقى ازاي البنت تدي لنفسها عذر انها تعمل حاجه غلط , لمجرد ان ابوها ماكانش معاه وبيتفرج ع الماتش , بقى ده كلام برده , وكمان المفروض ان البنت سرها مع والدتها تقريبا,
    فالاسره طرفان , كلامهما ممكن ان يحل محل الاخر ان لزم الامر

    ReplyDelete
  8. @Nano متشكرة اوى بجد :) واطمنى لما بننقل حاجة بقول منقوووووووول :D

    @Rehab بالظبط يارحوب زى ماقلتى لازم يكون مهيى نفسه وعارف انه الزواج وضعه مختلف وانه مسئولية وقد يكون مشغول فى اغلب الاوقات ولكن ليس طوال الوقت خاصة اذا كان هناك من الامور ما لاتستطيع الأم تقديمه أو لا يصبح بكفاءة الرجل

    ReplyDelete
  9. @كريم
    انا كمان بتمنى ده ومش عايزة ابص اكتر من كده :D

    @sayed أنا مقصدش ان ده مبرر ولكن أغلب البنات الى بيكونو كده بيكون بسبب إهمال الأب هما نفسهم مش بيكونو مدركين للحقيقة دى ولا بيرتبطو بدافع التعويض والإشباع لكن هو ده التفسير الدينى والنفسى للقضية دى لكن مقصدش ان ده عذر لكن الى متأكده منه ان غياب الاب بيعمل مشاكل نفسية كتيرة داخل الباولاد حتى لو هما كويسين
    لكن من حقهم اذا كان الاب معندوش وقت انه بدل مايتفرج ع ماتش يقعد معاهم

    لو افترضنا ان الاولاد طلعت نماذج ناجحة وده بفضل تربية الام بردو هيكون عندهم مشااااااااااكل نفسية

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore