عصر العلم

عصر العلم عصر العلم by أحمد زويل

rating: 5 of 5 stars

من أروع الكتب الى تقد تقراها فى حياتك

أحاول أن أصف لكم ماشعرت به وأنا اقرأه ولكن لا يسعنى التعبير كالعادة ولكم أكره هذه العاده
:S

لنقول كأنك تركب فى قطار وتواكب مراحل وخطوط سير هذا القطار الذى يقوده دكتور زويل ولكنك مشاهد فقط فينطلق من قرية دسوق ويمر بالإسكندرية ثم السفر إلى الولايات المتحددة

من يقرأ الكتاب ولم يشعر بدوافع حماسيه فأكرمله ميكملش الكتاب
:D

برغم عدم اندماجى فى المقدمة إلا انى اندمجت وانجذبت من أول سطر فى سرد ذكريات دكتور زويل ومع كل صفحة تزداد رغبتى فى القراءة فكم جميل أن تشعر بأنك ترافق قصة نجاح عالم وتشعر بأن هؤلاء العلماء أشخاص طبيعيه وغير مختلفين عنا غير فى العمل بجدية ونظام وإرادة استمتعت جدا بمسيرة دكتور زويل وزاد إعجابى بشخصيته فعن طريق هذا الكتاب كان بداية معرفتى لتفاصيل كثيرة فى مسيرة دكمتور زويل

وكم ازدت فخرا به وتمنيت ان نجد فى مصرنا الكثير والكثير منه ,كما ازددت حزنا لتدنى مستوى التعليم وتقدير العلماء المنتشر فى بلادنا

ستدرك ماأقصد عندما تقرأ فى الكتاب عن ما يتم توفيره للدكتور زويل من قبل أن يفوز بالجائزة لمجرد انه باحث ومحب للعلم ,فالغرب حقا يقدر العلماء بدرجة لا نتخيلها

بعد قرأتى لوصف دكتور زويل لحظات ماقبل واثناء تسلم جائزة نوبل شعرت برغبة فى مشاهدة الفيديو وبالفعل بحثت عنه ووجدته على يوتيوب وجدت المزيد من الفيديوهات التى تجعلك فخورا بهذا العالم

سيرة ذاتية سريعه

لقاء فى العاشرة مساءً

فى لقاء أجنبى

تسلم جائزة النيل العظمى

تسلم جائزة نوبل

الآن أدركت قيمة أن نقرأ عن شخصيات ناجحه
أكتر حاجة تحمس الإنسان ان يشوف نموذج النجاح متجسد قدامه فعلا فى صورة أشخاص مقولة أؤمن بها بشده منذ قالها عمرو خالد فى صناع الحياة

اقرأ أيضاً

كتاب عصر العلم لـ د. أحمد زويل .. وحديثي مع الحجر !

"عصر العلم" ما لا نعرفه عن الدكتور زويل

زويل يكتب عن ثروة الأمم وثورة الفكر

*.*هوندا*.*


*.*هوندا*.*

4 comments:

  1. اشتريت الكتاب من مدة و في خطتى اني اقراه لكن لما اخلص كتاب سي هتلر اللى واجعلى دماغي بقالى فترة و مش عارفة اكمله و سيبته و دخلت على رواية كنوع من التنويع :)))
    حمستينى علشان اخلصهم هما الاتنين و ادخل فيه
    انتى عارفة انا حاطة الكتاب ده فوق و كل يوم ابصله و اقوله امتى هقراك بقى
    بس مش عايزة ابدأ فيه و انا لسة ما خلصتش اللى في ايدي علشان عارفة اني هندمج

    فعلا العلم عندنا لا يقدر بالبتنجان زي ما قلتى ، أنا شفتله بردو لقاء من قبل نوبل أثر فيه كان بيتكلم عن كم الحاجات اللى كانت في ايده لمجرد انه باحث
    بقارن بينه و بين اخويا اللى في مجال قريب من مجاله و بردو باحث و بشوف قد ايه بيتعب قوي لمجرد انه يحصل على مادة علمية ده غير ال 300 جنيه مرتب و انه قعد حوالى 3 سنين بيشتغل و مرتبه 18 جنيه لأنه مش متثبت و كان بيشتغل شغلانة تانية علشان يصرف على الماجستير و الابحاث
    بجد حياة العلماء عندنا تحت الصفر و لو فيه تحت كمان كنا قلناه
    ربنا يرحم بلدنا و ينور بصيرتها بقى

    ReplyDelete
  2. عايز أقولك إني محمل على الكمبيوتر عندي حلقة العاشرة مساءا للدكتور زويل ,, وبتفرج عليها لما أكون محتاج شوية تحفيز
    :)
    وشكر خاص جدا جدا جدا لمرشح الكتاب وشكر أخر لصاحب الكتاب الحقيقي
    ;)

    ReplyDelete
  3. @الحلم العربي

    تصدقى فكرتينى بكتاب سى هتلر عايزاه اقراه ومحطو قدامى وكل مرة انسى واقرا غيره
    :D
    بجد ربنا يجعل التغيير فى عقول اصحاب البلد دى لحسن الى بيتعمل ده حرام اوى
    نعشق الجهل بغباء
    :D

    @كريم عبد المجيد

    لازم لازم

    @كريم

    فكرة جميلة بردو :)
    وشكرا خاص جدا جدا للى زن عشان اشترى الكتاب
    :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore