بص ياسيدى


الموضوع كبير على فكرة مش زى مانت متخيل دلوقتى عشان تكون إنسان متحضر وتتقبل الراى الآخر مش هيحصل فى يوم وساعة خصوصا ان نشاتنا التعليمية والثقافية لم تكن تهدف إلى هذه المبادىء الثرية فمتجييش فى يوم تقولى انا قلبى واسع وبقبل الاختلاف فى الراى لانك من أقل اختلاف هيظهر عليك , قد تكون متمرس شوية فمش هتقولها صريحة لكن هيبان فى نظرة عنيك وحركة ايديك ونوع الكلمات الى بتستخدمها ومعدل سرعة نطق الحروف وأنا مريت بده عشان كده هقفشك وانت بتمثل عليا

طيب طالما انتى مريتى بده مش عيزانى امر بيه؟
لا طبعا مقلتش كده بس لازم تفهم اننا بنحاول نتعلم تقبل الاختلاف فى الراى مش اننا فعلاً بنتقبله عشان فى فرق
وده بيظهر فى قراراتك التلقائية فى أى موضوع وضيقتك الشديدة لو متنفذ
ش قرارك مع إصرارك بعدم إيضاحها عشان متتفهمش انك متعصب لرأيك فقط .

وفى كام نقطة أحب الفت انتبهاك ليهم :
اننا لازم لازم نحترم رأى الشخص الآخر لانه اتولد فى بيئه غيرنا , قرأ كتب غيرنا , حضر محاضرات مختلفة , قد يكون مرة بتجربة أليمة كسجن أو اعتقال أو عاصرها لاحد أقربائه فبا
لتالى تولدت عنده قناعات زى الى عندك بالظبط وصدقنى صدقنى لو بس حطيت نفس مكانه وفكرت بطريقته هتفهم الى انا بقلك عليه عشان كده الموضوع مش حرب

put ur self in my shoes



لو جربت الموضوع كتير هتقل حدتك فى المعارضة وهتتفهم شوية شوية وهتحاول تسمع الآخرين يإنصات كامل وتطلع نقط الاتفاق بينكم عشان يكون فى جر ناعم وزى ماكان بيعمل أرسطو مع المختلفين معاه يسألهم أكبر عدد من الأسئله يجاوبو عليه بنعم فيوضحلهم ان نقط اتفاقهم أكبر من نقط اختلافتهم

جميل ؟ جميل !

خلى بالك فى اللحظة دى وانت بتخلق نقط مشتركة بينكم متخافش توضح النقط الى معترض عليها بدل ماتفضل ساكت ساكت وبكده تبدأ تمحى رأيك لا إرادياً بأنك توقف مخك عن التفكير وتبدأ تسمع الآخر ده بشكل انه هو صح وانا غلط خصوصاُ اذا كان أكبر منك أو أكثر علم وبكده تذوب فكرك فى معتقداته عشان تبان انك فعلا بتحتر الرأى الآخر وبالوقت تخجل من أفكارك,لكن فكر فى رأيك وأدلته وحاول توصل للرأى الصح

كمان خلى بالك اوقات يوصل الحديث لجدال ع الفاضى لا هو هيغير رأيه ولا أنت فيبقا بلاش نجادل على الفاضى فى حاجت مفروغ منها زى الصلاة , الله , الحجاب والرسول نهى عن الجدال

نقطة تانية بما بتعلق باختلافاتك اوع اوع تقلل من قيمة الشخص المختلف معاك وقول لنفسك ان دى حرية شخصية طالما مش بتأذيك زى النقاب مثلاً نبطل شتيمة فيه شوية ونسيب الناس بحريتها طالما مش حاجة تخصنا ولا تأذينا وخلونا نهتم بحاجات اهم

وللحديث بقية

هوندا

2 comments:

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore