أما فقر صحيح

الفترة الى فاتت كنت بعمل بحث كتير على جوجل فى مجالات مختلفة ,اكتشفت إن عندنا فقر فى المعلومات والمحتوى العربى الى الناس بتنبح صوتها فيه .
ده أنا كنت بعمل مرة بحث عن طريقة عمل المحششششى يعنى أكل لقيت نصف النتائج منقولة من موقع واحد

!!!!

كذا مرة أعمل بحث عن مواضيع فى الجرافيك فجربت اكتبها بالعربى النتائج كانت صفر كمحتوى !

ايه السبب إننا مش قادرين نبنى محتوى عربى محترم على إلانترنت؟

كنت بفكر أول مالإنترنت بدأ اكيد كان فاضى لولا مساهمة كل فرد بما يعلمه ,لم نكن نستطيع أن نفتح جوجل بكل سهولة ونبحث عن أى معلومة

ده كوم ومأسأة ويكيبديا كوم تاااااااااااانى
كل مرة اندهش لو عملت بحث عن أى تفصيلة صغيرة بالإنجليزى ولقيتلها صفح على ويكيبديا هل نجرؤ أن نخاطر بهذه التفصيلة بالعربى؟

الصفحة البيضاء تنتظرك :)

برغم إن فى مجهودات كبيرة بتتعمل لإثراء المحتوى العربى

كريم أوحالى بفكرة إنى أكتب المقال الى ملقتوش بالعربى على ويكيبديا
ومن هنا جتلى فكرة ليه مكتبش على ويكيبديا أى بوست محترم كتبته قد يفيد الآخرين

مهلاً

لا أقصد تحويل ويكيبديا إلى مدونة,أخص المعلومات الواجب تحرريرها على ويكيبديا باللغة العربى مثلاً سيرة كاتب ,معلومات كتاب قيم، .....

بلاش ويكيبديا

أى حد عنده معلومة يكتبها على مدونته موقعه أو حتى المنتدى المشترك فيه ولا تستهون بأى معلومة صغيرة تعرفها فهناك الكثير يبحثون عنها
ونحاول نبتعد قدر الإمكان عن منقوووووووووووووووووووووول ونحاول نبدع شوية ونجدد فى المعلومات أى حركة مش مكلفة والله

وأخيراً

زكاة المال بعض المال وزكاة العلم كل العلم

6 comments:

  1. دي حقيقه فعلا ياهوندا
    عمري مادورت علي حاجه بالعربي ولقيت اللي انا عايزاه
    لازم تكون انجليزي
    بس احنا بردو شايلين المسؤلية
    أتمني ان يجي يوم يكون البحث بالعربي فيه مايفرقض عن الانجليزي

    ReplyDelete
  2. لما بدور علي حاجه في ويكيبيديا فعلاً مش بلاقيها عربي ولو لاقيتها بتكون معلومات ناقصه كتييييير
    والمواضيع المنقوله على النت يا نهاااااري كتير جداً وياريت بيقولوا المصدر منيين ماتعرفيش في الأخر أصلها منيين
    فكرت قبل كده في موضوع اني أضيف معلومه على ويكيبيديا لكن لعدم ثقتي 100000% في المعلومه ماحبتش أكتبها .. فكرتك جميله يا هوندا والله بس ياريت تكون المعلومات مؤكده ومصادرها معروفه وموثوق فيها ... أصلي بيني وبينك عندي مشكلة عدم ثقه في أي حاجه بقرأها الا لما اعرف مصدرها الأصلي وأقتنع بيه
    ربنا يكرمك يارب

    ReplyDelete
  3. كلامك صحيح و المشكلة تكمن في كثرة المنتديات و كثرة النقل .. المدونات قليلة و المنتديات تعتمد على كلمة منقول ..تخيلي لو كان لكل مشارك في المنتديات مدونة يضع فيها كل ما يكتبه على الأقل لن تضيع الحقوق و سنعرف المصدر الأصلي .. أحيانا في مواضيعي احاول ان اضع مصدر كإضافة لكني احتار فأنا لا أعرف أين الموضوع الأصلي ..و المشكلة ليست جديدة فنحن نتكلم عنها من سنوات خاصة بين مصممي و مطوري المواقع .
    مدونتك مفيدة و ممتعة ما شاء الله هذه زيارتي الأولى لكني سأتابعك بالخلاصات Rss.

    ReplyDelete
  4. Yes I notice that problem too , and Still writing English :$

    ReplyDelete
  5. طب ايه مش هنحاول نبدأ بأنفسنا طيب؟؟؟
    مش معقول نفضل نتكلم عن المشكلة بس
    ولا ايه رأيكم
    :S

    ReplyDelete
  6. كلامك صحيح تمامًا
    وفعلًا فيه مشكلة جامدة جدًا في المحتوى العربي على النت

    حضرتك زي ما ذكرتي أن لابد يكون فيه حل وقلتى ونوهتي عن ويكبيديا الموسوعة الحرة

    ولأن المشكلة فعلًا ملحوظة من قبل المهتمين فكان فيه مسابقة معرفش حضرتك سمعتي عنها وللا لأ.. اسمها مسابقة "جوجل نول" لإثراء المحتوى العربي على النت

    الناس لاحظت المشكلة اللي حضرتك بتتكلمي عنها فقالوا أحسن ناس ممكن تقدم معلومات موثوق بها وموضوعات ويملكوا من العلم والحماس "الشباب"

    يبقى نحفزهم ونعملهم مسابقة

    وكانت مسابقة رائعة فعلا ممكن تكتب أي موضوع متعلق بدراستك أو علمى وتوثقه ويكون باللغة العربية وتدخل بيه مسابقة وأحسن 100 موضوع على مستوي الجامعات في خمس دول منهم مصر أخدوا جوائز قيمة

    لكي أن تتخيلي كم الأبحاث التي كُتبت.. آلاف الأبحاث وبالفعل المئات منها رائع بل أكثر من رائع وكشف عن مواهب ما شاء الله لا قوة إلا بالله

    فديه كانت خطوة إيجابية فعلًا وأثرت المحتوى العربي العلمي والأدبي على النت

    ونعتبرها باب لأفكار مثيلة أو مبتكرة لاثراء المحتوى العربي

    فلو فعلا قدرنا نعمل ده خلال جوجل أو ويكبيديا أو أي منفذ من منافذ المعرفة على النت هانحقق نتائج مذهلة

    أعتذر عن الأطالة ولكن موضوعك هام جدًا ويستحق التقدير والمناقشة والتنفيذ

    تقبلى مروري وإعجابي بمدونتك
    : )

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore