السلحفاة العربية والصاروخ الإسرائيلى

بعدما قرأت هذه التدوينة

العرب وإسرائيل ... وطبق الحمص


دعونى أشاركم بعض لقطات تفوق إسرائيل عننا ولن أهتم بمطار تل أبيب فى أحسن ثلاث مطارات دولية ,, ولن أهتم بوجود جامعات إسرائيلية فى أفضل جامعات العالم لكن فلنفكر معاً :

مركز انتل الشرق الأوسط تفتكر يختار إسرائيل مقر ليه وبأكثر من مكتب؟

لغة PHP
برمجية واسعة الانتشار مخترعينها إسرائليين ومقر شركة زند فى إسرائيل

ده كان مقال لدكتور خالد منتصر من 4 سنين ومعتقد ان الحال اتغير كتير بالنسبة لنا بس اكيد زاد بالنسبة لهم

تحتل إسرائيل المرتبة الأولى عالمياً فى حجم الإنفاق على البحوث إلى إجمالى الناتج المحلى .والمرتبة الثانية بعد ألمانيا فى نسبة المهندسين إلى عدد السكان ، والمرتبة الثانية بعد أمريكا فى مستوى أودية السيليكون بواديها مابين حيفا وتل أبيب، والمرتبة الأولى فى نسبة صادرات السلاح إلى إجمالى الصادرات، والمرتبة الثامنة فى نظم الدفع الصاروخى للأقمار الصناعية ، والمرتبة السادسة فى عدد براءات الإختراع متفوقة على بريطانيا وفرنسا، والمرتبة الأولى فى تطوير نظم حماية أمن البيانات وتحصين مواقع الإنترنت، والثانية من حيث عدد الشركات المدرجة فى قائمة شركات التكنولوجيا المتقدمة .

نسبة استخدام الإنترنت لعدد سكانها 16% فى حين انها تقل عن 3% فى المتوسط العربى .

عدد مالكى الكمبيوتر 47 من كل مائة فرد إسرائيلى ،فى حين يبلغ 4% فى عالمنا العربى .

تحتل إسرائيل المركز رقم 12 من حيث مؤشر جاهزية شبكة الإنترنت أما مصر فى المركز ال 65

بالنسبة للنشر العلمى مايقرب من 12 بحثاً منشوراً لكل عشرة آلاف فى إسرائيل ، بينما يبلغ هذا المعدل ثلث بحث لكل عشرة آلاف فى العالم العربى .

الكتب المترجمة إلى العبرية 100 كتاب لكل مليون إسرائيلى ،وفى العالم العربى ثلاثة كتب فقط لكل مليون عربى !!!.

تم إنتاج أول كمبيوتر إسرائيلى إسمه ويزاك فى معهد وايزمان 1949 ، أما أول كمبيوتر عربى مازال فى علم الغيب

11 comments:

  1. السؤال اللي بيطرح نفسه هو اكيد ان فكر زي خالد منتصر من معارضي الدولة الدينية وبشده.
    ليه ما بيتعرضش لموضوع ان اسرائيل دولة دينية من الطراز الاول حتى قيامها قائم على وعد الهي مفيش دولة في العالم قائمة على مثل هذا الا اسرائيل.
    لكن اما تيجي سيرة الاسلام السياسي عندنا تقوم القيامة ويبقى لا بد من فصل الدين عن الدولة عشان الاخر وقيم المواطنة.

    ReplyDelete
  2. وايه علاقة السؤال ده بالموضوع والإحصائيات !!!

    ReplyDelete
  3. علاقة وثيقة ان اسرائيل كدولة دينية لم يمنعها هذا من التطور ولكن مجرد الحديث عن الدين في بلادنا يتحول فجاة الى معول للهدم واغلاق العقول
    فكل من يهاجم اقامة الدولة الدينية بين قوسين كما يسمونها لا يتعرضون الى تلك النقطة عند الحديث عن اسرائيل على سبيل المثال

    ReplyDelete
  4. للاسف
    عندنا هنا فى العالم العربى حاجة وحدة مهمة بس
    وهى تامين الكرسى لابن الحاكم وتوريثنا
    مفيش حاجة تانية مهمة
    هو ليه كل شاب فى مصر حلمه السفر بره مصر؟

    ReplyDelete
  5. يحتل العرب المرتبة الأولى في الرغي
    والمرتبة الثانية في الكسل
    والمرتبة الثالثة في النوم
    والمرتبة الرابعة في الأكل
    والمرتبة الخامسة في البطالة
    أكمل ولا لسه .. لكن عما قريب إن شاء الله سيحتل العرب المراتب العشرين الأولى في كل حاجة

    ReplyDelete
  6. @ احمد عادل
    اسرائيل فعلا دولة دينية ، لكنها مجرد تسمية لجذب الانتباه والاستعطاف فقط
    لكن ايا من قادة الدولة لا يعرفون عن الديانة شيء ولا تسير اسرائيل بأي مبادئ يهودية إطلاقا وكلها مجرد شكليات للتأثير علي العالم وفقط

    بخصوص التوبيك مفيش تعليق محترم يتقال

    ReplyDelete
  7. فعلا قادة اسرائيل معظمهم علمانيون لكن لا يمنع ان بقاء اسرائيل مرهون باحتفاظها بالهوية اليهودية
    ودي الفكرة اللي مجمعه يهود العالم حواليها عشان كده العرب والمسلمين عموما عمرهم ما هيتقدموا الا برجوعهم للفكرة اللي كانت مجمعاهم وهو الدين لانه يقضي على حواجز اللغة والعرق
    فقادة اسرائيل برعوا فعلا في استخدام الدين كمحفز لبناء دولة من اغرب دول العالم فلا هم من المنطقة ولا عاداتهم ولا اسلوب حياتهم ولا لغاتهم حتى لكن اللي بيجمعهم يهوديتهم
    في حين عندنا هنا محاولات مستميته لالغاء اي احساس بالدين رسميا بالطبع وشعبيا الناس تمسكت مش هقول بقشور لان دينا مافيهوش قشور ولكن بعبادات الجوارح من غير ان يصل تاثيرها للقلب
    فلو كل طالب حط هدفه انه بيذاكر عشان يرضي ربه ويبر بابوه وامه اللي بيتعبوا عليه وعشان يبني امته هيحصل فرق والحال مع الطبيب والمهندس والمبرمج
    لكن الناس بتشتغل وخلاص كغاية مش وسيلة

    ReplyDelete
  8. تعليق صغير بس يا هوندا..
    PHP
    تم اختراعها و نشأتها على يد
    Rasmus Lerdorf
    (دانمركى)
    وهو اللى اصدر النسختين الأولين منة كلغة مفتوحة المصدر و بعد كدة اشترك مع جروب تانى فى تطوير باقى النسخ و منهم الناس اللى عملوا شركة زند ,

    بس طبعا لا جدال حول نقطة تقدمهم التكنولوجى والا كان بقى لنا السبق فى تطوير اللغة بدلا منهم

    تحياتى

    ReplyDelete
  9. بجد انا مش عارفة أقول إيه ,,,أنا احبطت خلاص كفاية على الأنظمة العربية تبدد الثروات عشان تحافظ على عروشها لكنهم مش محتاجين يطوروا التعليم و البحث العلمي حيطوروه ليه ؟؟ انا كنت بقرى مجلة علمية بتهتم بالهاي تيك و كان أغلب المقالات اللي كتبنها عن أبحاث اتعملت في الجامعات الإسرائيلية اسرائيل الدولة للقيطة عملت كل ده و العرب مش قادرين
    بجد زهقت ومش عارفة حالنا ده يتصلح منين ؟؟

    ReplyDelete
  10. أخي العزيز , مقالة رائعة
    أعلم مدي تقدمهم ولكم عفواً php هم ليسو مخترعينها ولكنهم مجرد مطورين لها
    وممكن ترفق الاساس اللي حضرتك قلت عليه الاحصائيات دي :)
    شكرا لك

    ReplyDelete
  11. @المدثر جبر

    كان مكتوب فى ويكيبديا ان مخترعها الأصلى يهودى لكن تقريبا اتحذفت دلوفتى عموما هما مطورينها ومعديلنها وهما الى خلوها اللغة الى بنستخدمها دلوقت مختلفناش

    اما الأساس اكيد مش من ذهنى دى إحصائيات من
    2005

    من كتاب دكتور خالد منتصر فوبيا العلم وهو كاتب موثوق فيه ولينك المقال على جريدة إيلاف ياأخى

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore