افتح خزاين ذكرياتك


أصبح من هواياتى المتأخرة تعديل ألوان الصور وتظبيها لتكون أجمل وأقرب للواقع على قدى كده،، بس بستمتع بالتغيير الى بيحصل بقالى كام يوم عاملة حملة على كل الصور بتاعتى مع عائلتى وأصدقائى وزوجى والصور الى صورتها لأشياء وأماكن بعد تعديلها حسيت كأنهم اتغسلو هههههه

لا فعلا بعد تعديل الألوان أصبحت أقرب إلى الحقيقة فمررت بكل لحظة قضيتها مع أخواتى وأهلى ولحظات المناسبات الفارقة زى الزواج ,الخطوبة , السفر ,كورسات مع أصدقائى , أيام الخروج مع الأصدقاء قبل السفر ,قبل ارتداء الإسدال وبعده حسيت بمرور شريط حياتى قدامى .. شريط حياتى ياعين
:D

انا حسيت بمتعة لا يمكن وصفها لما اتفرجت على كل الصور دى واتبسطت فعلا اننا افتكرنا نتصور فى الأوقات دى بجد الصورة الشىء الوحيد الى بيعبر عن ألف كلمة فعلاً وبيعبر عن أحاسيس كتير عشناها واتفرج على ضحكتك فى كل صورة هتلاقيها مختلفة فعلاً فى أوقات هتلاقى وجهك بيتسم لوحده من غير ماتضطر تقول شيييييييييييز

صور الأماكن دى لوحدها نستولوجييييييا حنين لكل مكان بتحبه أو شارع مشيت فيه كتير أو أشياء بتحب تتفرج عليها كتير

وحدها الصور التى تتحدث عن أجمل أوقاتك...
جميل أن يكون لك استديو خاص بك :)
وافتح خزاين ذكرياتك شوف الصور :)

2 comments:

  1. جميل جداً يا هوندا بس عارفه أنا لما بتفرج على الصور أكيد ببتسم بس جوايا بيكون في حزن على الناس والأيام اللي مش هترجع تاني بلحظاتها الجميله :)
    by the way :) check ur gmail inbox :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore