نظرة خاطئة

من أسوء العادات الموجودة فى مجتمعنا النظرة المتخلفة لمن قامت بفسخ خطبتها سواء أكانت قراءة فاتحة فقط أو كان "كتب كتاب" تحديداً نالت الجزء الأكبر من التحسر والنظرات وقد يتم ترحيلها إلى آخر القائمة للمطلوبين للزواج !

لأنها "اتكتب كتباها "!! برغم إن المكتوب كتابها دى لم تفعل إلا بما شرعه الله ولكن إذا كانت مجرد خطبة عادية عادى جداً حتى لو خرجت معاه لوحدها أو مسك إيدها أو أو برغم ان ده حرام بس يقلك متكتبش كتابها كأن الشرع هو الى غلط ! بصراحة انا بستغرب من ده جداً

يعنى فى بنات ولا بتكون اتخطبت أصلاً وتكون ارتبطت كتير مع أولاد بطريقة غير شرعية وعشان محدش يعرف محدش بيعلق لكن الى راعت شرع ربنا بيستغربولها انها مأجلتش كتب الكتاب ليوم الدخلة !

لكن الى متأكده منه ان ربنا عمره ماهيظلم واحدة راعت شرعه وخدت طريق سليم لحفظ نفسها من أى ضعف ولإتقاء أى شبهات قد تقع فيها .

وعشان محدش يقولى مش مستحب كتب الكتاب بدرى وندخل فى جدالات كل واحد حر فى اختياره انا بتكلم عن الشرع الى أكيد محللش ان الواحدة تعامل خطيبها الأجنبى عنها كأنه زوجها ومحدش يقنعنى ان اتنين اتقرأ فاتحتهم بس لمدة سنتين أو أكثر محصلش بينهم أى حاجة خاطئة حتى لو كلمة محرمة .

اعتقد ان ناس كتير محتاجة تعيد تفكيرها فى انطباعتها الخاطئة حتى لا تأذى الآخريين.. .

4 comments:

  1. القصة قصة فروقات فردية
    كل حالة بحالتها و كل مجتمع و له نظرته المختلفة
    مش قاعدة

    ReplyDelete
  2. لا مش بس في مصر في كل الدول العربية نفس التفكير

    ReplyDelete
  3. عندك حق في اللي كتبتية يا أختي نظرة الناس بتكون فعلا مزعجة
    وأن كانت الظاهرة مش في مصر بس .... لكن دائما الله مع من يخافة

    ReplyDelete
  4. كثيرٌ من النظرات الإجتماعية والعادات والموروث الأخلاقى لهذه الأمة يجب إعادة التفكير فيه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore