Every child is special



برغم إنى مش من هواة الأفلام الهندى لكن الفيلم ده جذبنى قصته فعلاً من فيديو لأغنية الفرحة لمحمد منير


بعدها اتفرجنا على الفيلم وبصراحة انبهرت بالقصة أوى وأثرت فيا جداً ,,البطل الرئيسى هو الطفل إيشان عنده 8 سنين تقريباً بيواجه صعوبة فى التحصيل الدراسى فخطه سىء ومبيعرفش يقرأ ولا يكتب صح ويبدأ يظهر ردود أفعال من حوله وتعنيف والده له بالوقت بيتأثر الطفل ويفقد ثقته كاملة وبيتوقف عن هوايته الوحيدة الرسم وفى الآخر بيكتشف مدرسه انه عنده عسر قراءة وده أقرب إلى قصور فى المخ محتاج تدريب صحيح عشان يقدر يتعلم .

طبعاً القصة بتسلط الضوء على مظاهر عديدة خاطئة فى التعامل مع الطفل منها :

تعنيف الأسرة ولو بالكلام من نوع انت فاشل ,, كسلان,,غبى غلط جداً والطفل ممكن يقتنع بيها خصوصاً فى المرحلة دى الى كل طفل لسه مفقدش فيها ذكائه وعنده مهارات كتير محتاجة تشجيع واننا نزود ثقته بنفسه وليس العكس.

النقطة التانية أن أغلب الآباء لما بيلاقو أولادهم كده مبيحاولش يبحث عن المشكلة الرئيسية وعلاجها بدل من التركيز على النتائج فقط لو كان اهتم الوالد بإيشان مبكراً بطريقة إيجايبة لعرف أنه يعانى من عسر قراءة يجعله يفقد القدرة فى التمييز بين الحروف المتشابهة.

نقطة أخرى وهيا وسائل التعليم التقليدية العقيمة لا تصلح لجميع الأطفال فكل طفل له مفتاح للفهم وكلما كانت الوسائل المرئية متوفرة كلما كان الطفل أكثر استجابة وفهماً خصوصا فى السن الصغير المتميز بقوة التخيل فإذا استطعت أن تمده بذلك سهلت عليه الكثير والكثير

كل ماشجعت الطفل يكون مساهم فى تعليم نفسه وليس متلقى فقط كلما كانت العملية التعليمية أفضل وأسهل وأمتع له.

لا تبخلو على أطفالكم بالفرص فقط شجعهم وأحسن مساعدتهم وستجد منهم مايبهرك وتذكر سن الطفولة هو أكثر سن قادر على تكوين شخصية الطفل فاعتنو بهم جيداً


9 comments:

  1. أنا بحب الأفلام الهندى جدا
    وشفت الفيلم ده السنه اللى فاتت ومع انى كنت هقوم أنا لكن الفيلم شدنى جدا ومقمتش غير لما خلص وكمان عيطت وانا بتفرج من شدة ما اتأثرت بيه

    ReplyDelete
  2. هو فعلا الفيديو يشد الواحد انه يشوفه
    هنزله واشوفه
    شكرا

    ReplyDelete
  3. أول مرة اجي هان بس عرضك للفيلم هايل وبسيط..
    وبجد خلاني عاوز اشوف الفيلم لاني باحب طرق التواصل مع الاخرين.
    مدونتك حلوة جدا

    ReplyDelete
  4. الفيلم جميل جدا فعلا و انا كام فادني كتير جزاكي الله خيرا

    ReplyDelete
  5. خطيبي اداني الفيلم ده واتفرجت عليه بجد جميل وقة رائعة

    ReplyDelete
  6. الفيلم ده تحفة بجد بجد بجد

    شوفته بعد وفاة ابني بإسبوعين تقريبا وكان نفسي اكتب عنه بوست ودخلت على النت بحثت عنه ولاقيت ان البطل امير خان هو المخرج والمنتج للفيلم

    المعنى تحفة

    الاخراج تحفة

    الكرتون تحفة

    فى روعة فى عرض وتقديم مشكلة الولد

    طريقة اروع واجمل فى حلها

    الاغاني مؤثرة جدا

    واهتمام بطل شاب ومشهور زي ده بالنوع ده من الافلام بجد شئ جمييييييل جدا وراقي وواعي جدا

    بجد لما الواحد بيشوف النماذج دي فى بلاد نامية زييه بيحصل عنده غبطة وبيتمنى ان صناع الفن فى بلده يبقى عندهم الوعى والدماغ ده

    مش كله العنب والبلح وبحبه يا بابا

    ReplyDelete
  7. فعلا ياانسانة انا كنت بفكر فى ده الطفل نفسى عبقرى بجد متحسيش انه بيمثل الاطفال اهم سن يتوجهله ده يارب حد يعمل حاجة

    ReplyDelete
  8. السلام عليكم
    للتو حصلت على نسخة من هذا
    الفيلم من أحد الزملاء
    كم هو مؤثر
    مع تحياتي

    ReplyDelete
  9. وعليكم السلام
    الفيلم مؤثر فعلاً فى لحظات كتيرة كنت بدمع :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore