مقهورة أنا

أنا مقهورة على مصر

وفاقدة التعبير عن الى بيحصل مقدرش أقول غير أن مصر بتنهار فعلاً قدامنا واحنا مش عارفين نعمل حاجة
تخيل بيتك بيقع منه كل يوم حجرة وأنت مش عارف ترممه !

حسبى الله ونعم الوكيل

عرقلة معونات لغزة

جدار ومش عارف ايه

موت عسكرى على الحدود

خضوعنا للضغوط الخارجية

نفاق نفاق

شعب بينحدر أخلاقياً وتعليمياً ونفسياً واجتماعياً

قتل مسيحيين فى يوم عيدهم

لسه فى ايه مستخدمنهوش عشان نسىء لدينا وبلدنا

حكومة هم هم هم

خلتونا نتكسف من جنسيتنا الله يكسفكم

14 comments:

  1. ـ" بت أخجل أنني مصرية"
    مقولة قلتها تعليقًا على بناء الجدار العازل فكانت الردود كلها عليّ تدور حول " الآن فقط بتِ تخجلي"..نحن نختبيء من هذا العار منذ سنين

    للأسف الشديد أتفق معكِ في كل كلمة قلتها.. لم أنفك بانهاء محادثةاليوم عن الوضع بمصر من جدار، انتخابات ، وتصرفات حمقاء، وقرارات هوجاء، وأوضاع يندي لها الجبين

    أنتهت المحادثة وكانت النتيجة أننا أخرجنا الاحباط من داخل اعماقنا لنجعله يطفو على نفوسنا

    لنا الله
    .

    ReplyDelete
  2. سكت الكلام يا هوندا
    بجد مفيش تعليق

    ReplyDelete
  3. قلوبنا معكم والله ،

    أمس وانا اشوف الاخبار واشوف الاحداث اللي صارت بمصر حسيت بحسرة كبيرة،

    الله يصلح الحال :(

    ReplyDelete
  4. اللهم أصلح احوالنا
    واحوال جميع المسلمين
    واحوال العالم أجمع ياقدير

    ReplyDelete
  5. أنا لا أعرف ماهى مصادر المعرفة التى التى تستقى منها معارفك و معلومات حول ما يحدث فى مصر، و لكن من كلامك أظن أنك تستقينها من عدد قليل من القنوات الفضائية و الصحف التى إعتادت دائما على مهاجمة مصر و كل أمر تقوم به، و كل إجراء تتخذه.

    أنا لا أعرف ما هو أساس إعتراضك على أن تحمى مصر حدودها ضد من يتسللون عبرها و يقومون بأمور تضر بأمن البلد، أليس لكل بلد كامل الحق فى حماية حدودها بما تراه من إجراءات أوإنشاءات، و من قال أن مصر عرقلت دخول المعونات لغزة، هل إذا أصرت مصر على ضرورة إلتزام القادمين لتقديم تلك المعونات لأهالى غزة على أن يلتزموا بالضوابط و القواعد المصرية للمرور عبر أراضيها تكون بذلك قد أعاقت تقديم المساعدات للفلسطينيين. هل ترى أن من حق كل من يريد إدخال مساعدات لفلسطين أن يدخل من المكان الذى يريده هو و ليس الذى تحدده له السلطات المصرية. إن لديك نقصا كبيرا فى المعلومات حول هذا الامر، أرجو أن تحاولى القراءة بشكل محايد حتى تعرفى الحقيقة

    أما موت العسكرى المصرى على الحدود مع غزة، فهل ترى أن الحكومة المصرية هى التى قتلته، أم أن الذى فعل ذلك هو قناص خسيس من حركة حماس. بل أننى أندهش حتى الآن كيف لم تأخذ مصر تجاه حماس إجراءات إنتقامية، حتى لا يكرروا ذلك مرة أخرى. للأسف إن بالنا طويل جدا معهم، و نلتزم دائما بضبط النفس مع من لا يستحقون ذلك. هل تذكرين أيضا الضابط المصرى الذى قتلوه فى نفس هذا الوقت من العام الماشى على الحدود ايضا.

    أما عن قتل المسيحيين يوم عيدهم، فكيف تطلقى أحكاما عامة هكذا دون أن تعرفى أصل الحكاية أو الحادثة، إن جملة مثل التى كتبتيها حول قتل المسيحيين يوم عيدهم توحى لمن لا يعرف شيئا عن الموضوع أن الحكومة المصرية أو الناس فى مصر تنتهز الفرصة لقتل المسيحيين، و كأنهم يترصدونهم، مع أن أصل الحكايةالذى أتمنى أن تكونى قد قرأتى عنه هو مسألة ثأر بسبب إغتصاب فتاة صغيرة هناك. و قد تم القبض على مرتكبى الحادث و إعترفوا بذلك. يحب أن يكون كلامك دقيقا أكثر من ذلك و لا تنجرفى وراء الجمل القصيرة التى تختصر مسائل كبيرة مثل هذه إختصارا مخلا.

    أما عن الخجل الذى تشعرين به من الجنسية بسبب كل هذه المشاكل، فدعينى أقول لك أن الإعلان عن كل هذه المشاكل المصرية لا يعنى أن مصر أسوأ من بقية البلدان العربية، و لكن لأن حرية النشر و التعبير فى مصر تفوق مثيلاتها فى جميع الدول العربية الأخرى، بإستثناء لبنان، فإنك تشعرين بأن المشاكل فيها أكثر من المشاكل فى أى دولة أخرى. إن فى مصر صحفيين و إعلاميين يشتمون كل أعضاء الحكومة فردا فردا ليل نهار، و يصل بهم الأمر لتوجيه النقد العنيف و السخرية أحيانا من الرئيس مبارك نفسة و كل أفراد عائلته دون أن يتعرضوا لأى عقاب. فهل تستطيعن انت أن تذكرى لى بلدا عربيا آخر يحدث فيه ذلك.

    شكرا

    ReplyDelete
  6. @Amr
    لا يحق لك أن تقيم مصادر معلوماتى أو تستنج من أين أتى بها ياسيدى واعتقد أن الفضائيات والصحف أنت من تقم بمتابعتها للتحدث بهذه الطريقة

    أمور ايه الى بتضر البلد عشان مصر تحمى حدودها لا مؤاخذه هيا البلد محتاجة حد من بره ييجى يضرها حضرتك عايش فى مصر ومدرك الى فيه ؟
    اعتقد أنك من خُدعت بفيلم الأمن المصرى هما خلاص الفلسطنيين الى خطر علينا وفين تأمين الحدود ده بينا وبين إسرائيل سيادتك؟؟
    ومصر تأمن زى ماهيا عايزة بس متخنقش ناس مش لاقيين يأكلو

    أما عن عرقلة المعونات الى العالم كله اتكلم عنه مسمعتش عنه خالص؟
    عايزين يحددو المكان الى المعونات تروح منه يحددو من وقت مالناس المحترمة دى طلبت التصريح مش يقولو كلام ولما ييجو مصر يقولو كلام تانى لأن لمؤااخذه ده معناه وحش

    أما عن موت العسكرى فين حضرتك الشعللة دى لما اسرائيل قتلت طفلة مصرية فى رفح؟
    وقتلت عساكر ع الحدود ونكتفى اننا نقول غلطة !
    ثم من أشار هنا ان الحكومة الى قتلته ؟؟ولا يمكن عند حضرتك شكوك مثلاُ؟

    لدينا مثل عبقرى بيقول الى على رأسه بطحه

    أما عن قتل المسيحين فلتعذرنى نظرى يضعف بشدة اليومين دول أين وماهو الحكم الذى أطلقته؟
    هل تجد ذلك مبرراً لقتل المسيحين ؟هذه حريتك فى رأيك ياأخى ولكن أنا مسلمة ترفض شريعتها مثل هذه الأفعال المجرمة
    هل ستقتنع بهذا المبرر عندما يغتصب مسلم مسيحية ويثأرو بقتل مسلمين فى يوم عيدهم؟

    أدعوك ياأخى أن تقوم بزيارة بعض البلدان العربية الوحشة دى عشان تشوف الناس عايشة فيها ازاى والحكومة موفرهلم خدمات ازاى
    ومبتسيبهمش يموتو م الجوع والمرض
    وبتدعم أولادها من الى عندهم أفكار وطموح
    وتشوف المنح الدراسية الى بيطعوها
    وتشوف كتير عمرك ماهتلاقيه فى مصر

    ومتفتكرش ان الى قلته ده ديمقراطية كل الحكاية ان الحكومة سيبانا نفضفض لكن هيا بتعمل الى عيزاه

    ReplyDelete
  7. الأخ عمرو رده غريب فعلاً
    ....
    فيه مصريين كتير ماتوا من رصاص الإسرئليين على الحدود
    و صعب كنا نسمع عنهم
    كنت ممكن تسمع إن قصف اسرائيلى قصف الحدود بالخطأ
    و كل ده و مكنش الإعلام المصرى بيعمل الضجة ديه
    و هو ده اللى يخلى الواحد يشك فى نزاهة أى خبر منهم و التشكك دائماً من وجود نوايا خفية و ده اللى بيحصل دلوقتى
    يبرروا اللى بيحصل على الحدود بسبب العنف اللى بتعمله حماس

    و طبعاً اللى حصل من حماس ده قمة الغباء و عدم الإحترام

    كل كلامك يدل إن أنت راضى بمصر كبيئة و مناخ تعيش فيه
    و إن النظام اللى بيحكمنا صح !!!1
    و ده صعب جداً الأقيه الأيام ديه

    ReplyDelete
  8. الأخ عمرو

    أحييك على رأيك...ياجماعة مش شرط عشان واحد رأيه مخالف يبقى يكون بيقبض ومش معنى تأييدي لبعض القرارات اني شايف مصر خلاص وصلت ومافيش أحسن من كدة....بس احنا لازم نكون واقعيين ونشوف الكباية بكامل تفاصيلها

    وللي مش عاجبهم الحال وشايفيين انه احنا انتهينا ياريت يبصوا حواليهم على السودان وليبيا ولبنان واللي بيحصل بين حماس وفتح واليمن وووو

    يعني ماليزيا امبارح فيها مشكلات بين المسلمين والمسيحين وهاجموا شوية كنائس ...نقول ماليزيا انهارت

    وقبل كدة الصين كان فيها اضطرابات دينية و الهند وباكستان وافغانستان وسيريلانكا والكويت والبحرين ووو

    مصر احسن من غيرها وبتتطور سنة عن سنة (دا مش كلامي ولا حتى كلام الحكومة ....دا كلام البنك الدولي والمؤسسات الدولية ) بس لسة عندنا مشوار طووويل نمشيه عشان نبقى زي سنغافورة أو أي دولة متقدمة بجد
    ودا مش هيحصل من الحكومة بس لازم الكل يشارك

    وسؤال أخير : هل لو تغير النظام بكرة مصر هتبقى جنة ؟ وبعد كام شهر ؟ وايه الحاجات اللي هيعملها عشان نبقى كدة

    تحياتي
    عبدالرحيم

    ReplyDelete
  9. @Amr @عبد الرحيم
    بجد بجد يا جماعة يعني إنتوا عايشين في مصر؟ مصر اللي هي في شمال أفريقيا دي ؟! الأخ عمرو مش هزيد عن الردود اللي موجودة في الموضوع هنا .. لأن كل الحجج اللي بيطلع بيها النظام بتاعنا بقت حجج فاضية لا يقتنع بيها طفل صغير ومستغرب إن المفروض شباب عاقلين بقوا بيرددوا الكلام اللي بتعلنه الجهات الإعلامية في بلدنا بدون تفكير منطقي ولا حتى نظرة بسيطة للأمر .. فيارب يحاول يقعد مع نفسه كدة ويتأمل ويفكر .. بس يفكر إنه لو مكان الناس دول هيقول أيه وهيصر على كلامه ده ولا لأ ..

    أما بالنسبة للأخ عبد الرحيم .. برضه أنا مٌصر إني أتأكد إن حضرتك بتتكلم عن مصر اللي إحنا بنتكلم عنها ولا لأ ؟ تطور أيه يا مولانا؟ أنا مش معترض بالمناسبة بس ياريت تديني المصادر اللي حضرتك بتقول إننا إتطورنا دي ؟ ولو إن برضه الواقع يغني عن 1000 كلمة .. فياريت حتى تحاول تقولي عن نتايج التقدم اللي فيه مصر دلوقتي ..

    وبالنسبة لسؤالك الأخير عن إن مصر لو إتغيرت هتبقى جنة ولا لأ .. فيمكن مش بعد فترة صغيرة هيقدر يصلح .. لإن النظام الحالي أفسد كل ما يمكن إفساده حتى من كرامة الناس وإمكانية إنهم يبقى مشغولين بأي حاجة تانية غير لقمة العيش وبرضه مش هيجيبوها .. وأفسدت كل ذرة أمل موجودة عند الناس .. فأكيد النظام اللي هيجي بعد كدة (لو جه) هيعاني جدا عشان يصلح ..

    ReplyDelete
  10. انا متفقة مع كلام الأخ عمرو مع اعتراضى على اسلوب التوضيح شوية
    اولا بالنسبة لموضوع ان مصر تحمى حدودها فده حقنا لأن الشعب الفلسطينى اللى مضيعه اصلا لحد وقتنا ده الخونة اللى فيه ومن حقنا نحمى حدودنا من ناس زى دى هتضرنا وتضر فلسطين كمان وعلشان نقدر نحدد عدونا
    لأن زى ما الأنفاق هتودى حاجات فى تخيلنا هتساعد الفلسطينيين أكيد هتودى الفلسطينيين أكيد هتجيب على مصر اللى تضرها يعنى هنضرب من تحت لحت وبسهولة جدا

    اما بالنسبة ان مصر منعت المعونات هتلاقى ان ده كلام مش صحيح وكلام صحف سودة لأن مصر فعلا بتدخل المعونات واللى مش راضية تدخله حاليا لأن بعض القوافل رافضة تفتيش المعونات اللى جايباها ومعتقدش ان فى اى بلد بتعدى معونات أد مصر بس لازم الموضوع يكون محكوم علشان نقدر نحدد ايه اللى داخل وايه اللى خارج مينفعش تكون مفتوحة على الفاضى

    بالنسبة للعسكرى اللى اتقتل بتقولى ليه معترضناش لما الاسرائيليين قتلو طفلة على الحدود المصرية زى ده
    لأن دى حاجة طبيعية من الاسرائيليين وعارفين انهم أعدائنا من زمان ومن القرآن ان لا سلام مع اليهود

    انما لما الرصاصة تيجى من الشخص اللى انتى بتساعديه ومن واحد مسلم زيك المفروض دى اللى توجع أكتر من لما تيجى من عدوى
    العسكرى او الظابط اللى على الحدود اللى اتقتل بإيد اسرائيلى غير لما يتقتل بإيد عربى مسلم

    ReplyDelete
  11. حقيقة أنا مش مكسوفة من جنسيتي انا مكسوفه من حكومتي

    ReplyDelete
  12. السلام عليكم
    لماذا هذا التهويل ؟
    فيها إيه يعني لو الحوادث اللي حدثت ده حدثت .. هل هذا معناه إن البلد خربت . ليه الإحساس ده ؟!
    بصراحة كلامك مردود عليك .. البلد بخير .. أمال لو عشتي مصر أيام اقتصاد الحرب أو أيام الاشتراكية وأيام الاحتلال الانجليزي والصخرة وقوانين الغاب

    بصي شوفي الدنيا بره إزاي شوفي الكوارث اللي بتحصل في كل شبر من العالم .. بصي على أمريكا حتى .. كل يوم كم عدد المنتحرين وعدد الجرائم والحوادث

    ليه التضخيم ده ؟! أنا مستعجب .. بدل ما يكون همك التركيز على السلبيات ..حاولي تخلي عينك تشوف الإيجابيات الكثيرة واسرديها للناس علشان تزرعي الأمل والعزيمة جواهم

    الله المستعان

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore