أنا المصرى

أنا المصرى بغلبه وجبروته وطولة باله يدعبس فى الرزق عن ضحكة ويتمسح فى قفا نكته ويتمسخر على حاله..
أزيح الهم باللقمة وأدارى جروحى فى الهدمة وأقول فى العشق مواله وفاكر فى الضحى صلاة عصرى ..

أنا المصرى أنا

أنا المصرى بفنه وسكوته وأنا الى أديت وأديت للحجر صوته وجلدى بلون الأرض شرقانه وأموت من الجوع وعمرى مامت شبعان
أموت ولسه النفس فيا عشان صبرى ...

أنا المصرى أنا

أنا المصرى بشكلى ولونى وبهمى أقول لده خالى وده عمى وأحبك عشان شبه أمى،
وأحدف حالى واتكلم وأقوم من النفضه واتعلم ولا تبصش على عيبى أنا قلبى دنيتى وقصرى ...
أنا المصرى أنا




2 comments:

  1. الكلمات جميلة اول مرة اسمعها ;), بس اللحن مش اد كدة , اللحن بيوصل الكلمات برضة

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore