ميزانية البيت ياأمينة




مع بداية العام حددت هدف إنى أحاول أظبط ميزاينة البيت الفلوس الى بنصرفها على الأكل والشرب قبل كده كنا بنروح نشترى أكل الأسبوع وندفع من غير مانحدد المفروض نصرف كام بس بالوقت اكتشفت انه تقريباً مبلغ ثابت لكن لما حسبته شهرياً حسيت إنه كتير أو بمعنى أدق محتاج تنظيم لأن فى أى وقت بنحتاج حاجة بنجيبها وده مش صح دائماً .

فاقترحت على زوجى انه يدينى مبلغ محدد كل أول شهر بحيث أقدر ارتب احتياجات البيت على قد المبلغ ده بتقسيمه على 4 أسابيع ،
وجبت ورقة وقلم وكتبت الأكل الى هعمله طول الشهر وعلى أساسه كتبت الإحتياجات المطلوبة بأسعار تقريبية .
وكنت كل ماشوف أسبوع بينتهى بميزانية المحددة كنت بكون مبسوطة قوى وكنت واخدها تحدى ان لازم اقضى الشهر بالمبلغ ده .

وبالفعل حصل وفى نهاية الشهر كان باقى 50 ريال من الميزاينة الى كانت نصف الى بنصرفه كل شهر تقريباً،حسيت بسعادة غير عادية إنى نجحت فى تنظيم الأكلات والإحتياجات طول الشهر كمان وفر عليا سؤال كل يوم هطبخ ايه بكرة
وكمان مهم انك ترحلى بعض الاحتياجات لأسبوع تانى عشان متصرفيش فى اسبوع زيادة قوى وتيجى فى التانى تلاقى العملية مزنفة .
بجد أنصح كل ست بيت تجرب الموضوع ومش هتخسر



7 comments:

  1. منكم نستفيد بجد
    لاني انا
    a big spendthrift!

    ربنا يكرمك ويسعدك

    ReplyDelete
  2. عين العقل ^^..
    الله يبارك لنا في أموالنا وأوقاتنا..

    ReplyDelete
  3. برافو عليكي
    ما هو ده الاصح فعلا، تخطي ميزانية و تلزمي نفسك بيها و تمشي عليها

    يلا ياستي، اللي يتجوز ياما يشوف :)

    ReplyDelete
  4. فكره لطشيفه
    لما اتجوز هعملها

    ReplyDelete
  5. :lol:
    فكرة جااامدة جداااا
    اهم حاجة في ست البيت انها تكون مدبرة
    :D

    ReplyDelete
  6. فكرة حلوة وياريت كل النساء يعملو الحركة هي..
    بس للاسف بينسو نفسهم لمى يدخلو السوق وعاوزين يشترو كل حاجلة :)
    شكرا حزيلا.
    تحياتي

    ReplyDelete
  7. ميرسى على النصايح الجاااااااامده دى
    فعلا فكره تحفه ان شاء الله اعملها لما اتجوز

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore