الأمر بالمعروف والنهى عن المنكر

لقد أمرنا الله تعالى بالأمر بالمعروف والنهى عن المنكر بما شرعه الله فى ديننا الحنيف واعتقد ان هذا هو مايؤدى إلى إعمار الأرض والإصلاح والنهضة لمواجهة الفساد ولكن هذا الأمر تم توجيه للمسلمين جميعاً وليس لفئة معينة فكل منا يجب عليه الإصلاح من نفسه ومما حوله وكما قال رسوال الله صلى الله عليه وسلم :


واعتقد ان يعدد رسول الله طرق الإصلاح فلأن بعض الأمور يمكن إصلاحها باليد , البعض الآخر لا يمكن إصلاحه باليد وهكذا

لكن أرفض تماماً أن يتم اختزال هذا المعنى والدور لهيئة تسمى بالأمر والمعروف لها كيان هام فى السعودية أعلم أنهم قد يكونو اختارو هذا الإسم ليعبر عن رسالتهم ومع التأكيد بأنى لأ أحب التحدث عن نظام دولة غير دولتى فأنا لست سعودية حتى انتقد وأحلل ولكن سأتحدث فى نقطة تخصنى كمسلمة وتؤثر على سمعة دينى .

هذه الهيئة تقوم بدور المراقب على أفعال الناس هنا فيجب إغلاق جميع الأماكن والمحلات فى أوقات الصلاة وتحديداً قبل وقت الصلاة بنصف ساعة مما يصيب المدينة بشلل قبل الصلاة وقد يكون من حظك العاثر أن تكون فى مكان ما قبل الصلاة بنصف ساعة ويتم طردك ، الفكرة أن الناس فى الأماكن بتكون قاعدة وقافلة المكان وتاخد الوقت ده استراحة والناس واقفة بره مستنياهم يفتحو وده يدل على أن الإنسان لو مش عايز يصلى مهما اتحطله قوانين مش هيصلى دى علاقة بين الإنسان وربه .

الى غاظنى بصراحة موقف أمامى ناس من الهيئة كانو بيمرو فى حديقة وفجأة انتبهت لصوت عالى من احدهم لبنت منتقبة وأصحابها وقاعدين لوحدهم مكنوش بيعملو حاجة يعنى وبيقول احترمى نفسك ومشى فهل هذا هو الأمر بالمعروف؟؟
وكان بجوارهم شباب منهم واحد كان بيدخن وسبحان الله راح كلمهم بهدوء وسلم بالإيد ومطلعش صوت ولا أى حاجة إلا أن الولد رمى السيجارة لما شافهم الأسوء من كده انهم بعد مامشيو الولد ده بص وراه يتأكد انهم مشيو ورجع أخد السيجارة من على الأرض !

فهل ده لأنها بنت ؟

السعودية مليئة بالجنسيات المختلفة وأغلبهم غير مسلمين لما يشوفو واحد زى ده بيزعق فى بنت بالطريقة دى تفتكرو انطباعهم عن الإسلام هيكون ايه؟؟

هناك أشياء كثيرة يتم تحريمها من المجتمع وهيا ليست حرام مثل كلمة الاختلاط التى ليس لها أصل ولكنها آداب التعامل مع الآخر بدليل أن النساء فى عصر الرسول كان لهم دور فعال ويحتكون بالرجال ولكن بآداب الإسلام .
أما أسلوب الرهبة لن يجدى نفعاً ابداً, الرسول نفسه لم يكن يتبع هذه الطريقة والبرهان على فشل هذا الأسلوب :

المولات والمطاعم الى بيدخلها بيسيب شعره ومكياج ووو
آخر أيام الأسبوع عادى جداً ناس مشغلاين كاسيت فى العربيات .
الأماكن بتتقفل وقت الصلاة والناس واقفين مستنينها والغالبية لاتذهب للصلاة .
شباب متأمرك فى اللبس والقصة لن تتخيل أنهم مسلمين .
رغبات مكبوتة تخرج على الشبكة العنكبوتية .

وهذا يطرح سؤال هام:

حين يتم الإلتزام بزى معين والإلتزام بقواعد معينة خوفاً من هيئة الأمر بالمعروف والنهى عن المنكر فأين الخوف من الله؟

اعتقد أن الدعوة إلى الله والأمر بالمعروف والنهى عن المنكر حين يكون خالى من الخوف والرهبة وتكون جماعة حرة وليست منظمة يخاف منها الجميع ستجدى نفعاً أكثر. واعتقد أننا فى حاجة لهذه الدعوة بشكل عملى بدون كبت داخلى ويؤثر على أخلاقنا يجعلنا مسلمين بالعمل والأخلاق ليس بالمظهر فقط !

8 comments:

  1. oppaa يا هنودا هايرحلوكي على مصر :D
    أنا معاكي في اللي بتقوليه و فاكرة حاجات كتير منها أيام ماكنت في السعودية و كنا بنتخنق منهم جدا

    ReplyDelete
  2. according to my memory
    د كانت فكرة عمر إبن الخطاب
    بس طبعاً احنا الوقتي بنسيب الجوهر ونمسك في الهياكل
    وكل ماشوف مشكلة قدامي زي دي ألاقي إن حلها العلم
    سواء البيأمر بالمعروف وشكله مش عارفه أصلاً
    أو الشباب إلي المفروض يبقوا فاهمين إن الذكري تنفع المؤمنين
    أو حتى الاجانب وفعلاً بنقابل ناس كتير غير مسلمين سواء عرب أو اجانب فاهمين إن الإسلام مش كدة عشان مثقفين
    وأمثلة على رايي المثقفين بس هما إلي عاملوا مشاكل مصر مع الجزائر بشكل صحيح

    كل إلي نقصنا اننا نتعلم، دينا و دنيتنا

    ReplyDelete
  3. يا مدام هوندا
    هدى اللعب شوية انتى لسه جديدة فى الملعب
    شوفى موضوع الهيئة حلو ووحش فى الوقت نفسه
    حلو وجود جهة ما للحفاظ على القيم والأخلاق
    وحش لأنها غالبا اسلوبها سئ جدا فى التعامل وغالبا ما تأتى باثر عكسى
    للأسف اسلوب المعظم هنا فج للغاية
    المشكلة ان الأخلاق يفترض ان تنبع منا مش تفرض علينا

    على فكرة الوضع دلوقت اتغير كثير فين ايام زمان من 10 سنوات
    كانت الحكاية بهدلة وكانت سلطاتهم غير محدودة لكن
    دلوقت قلت شوية

    الوضع هنا مربك اصلا لكل الناس وبالأخص الناس اللى بتكون على نياتها

    لك ان تتخيلى ان مجرد اللعب مع اى طفل هنا يعنى الأشتباه فى افكارك وانك مش مضبوطه

    تحياتى

    ReplyDelete
  4. السلام عليكم ورحمة الله
    بصراحة أنا لم أزر السعودية من قبل فمش عارف الوضع هناك مع الهيئة عامل إزاي
    بس إللي أقدر أقوله إن الفكرة في أساسها جميلة ومن أشكال تغيير الأمر بالمعروف والنهي عن المنكر خصوصاً لمن له سلطة، ولكن طريقة التنفيذ هي إللي ممكن تكون بتعطي إنطباع سيء.
    أما كون الناس بتقفل المحل ومتروحش تصلي أو غيره فهذا عيب في الشخص نفسه ولا يعيب الهيئة، فأنا مثلاً لو صاحب شغل وأعطيت العاملين راحة وسط العمل ليصلوا فيها، فأنا بهذا أرفع عن نفسي الحرج ولا يعيبني إن واحد راح يشرب سجارة بدل ما يصلي، المهم إن انا عملت إلّي عليا.
    وأخيراً فبالنسبة لموضوع الإختلاط، فهو له أصل في الدين وهناك تفصيل في الموضوع، ولم أسمع سوي الشيخ القرضاوي هو من قال أن هذه الكلمة ليس لها أصل في الدين، ولكن هناك العديد من الأدلة على هذا الموضوع ليس هذا مكان التوسع في سردها ولكن يمكنك مراجعة درس الشيخ العريفي على الرابط التالي
    http://www.islamway.com/?iw_s=Lesson&iw_a=view&lesson_id=67513

    ReplyDelete
  5. لما قريت عنوان البوست بتاعك .. و قبل ما أعرف انتي هتتكلمي عن ايه
    قفز الى ذهني جماعة الأمر بالمعروف في السعودية
    و بصراحة مشاعري ناحية الجماعه دي من المضض و الامتعاض و الضيق انعكست كلها على البوست بتاعك في البداية
    :P

    انتي عبرتي عن رأيي فيهم بالظبط
    و عن الرؤية الدينية المعتدلة كمان
    متفقة معاكي ميه في الميه

    الدين مش بيتفرض بالقوانين

    ReplyDelete
  6. معجب جداً بكلام حضرتك في البوست يا استاذتنا
    :)
    ممكن في بداية الأمر الجماعة دي كانت فعلاً بتقوم بالأمر والنهي بوجه سليم وبشكل اسلامي حقيقي ... لكن طغيان الطاعة بيخلي الانسان ينسى ان اللي فيه ده من فضل ربنا ... زي ما تلاقي واحد بيعزم على واحد ع الغدا ف يوم الاتنين مثلاً وتلاقي التاني يقول له : غدا ايييييه؟؟ انت فاكرني زيك؟؟؟ انا بصوم يوم الاتنين
    لو أخلصوا النية وأحسنوا الدعوة كانت هتبقى النتيجة فعلاً فعل المعروف وترك للمنكر لله وليس خوفاً من البطش
    احييكي جداً على التدوينة

    ReplyDelete
  7. كلامك صح وغلط في نفس الوقت
    انا مصري وعايش في السعودية من صغري يعني يمكن من 30 سنة
    واي جهة لازم تلاقي فيها الصح والغلط ، وما يصحش اننا نعمم الخطأ على الكل!!!
    على العموم يوجد مشروع تطوير حاليا للهيئة واعادة هيكلتها بالتعاون مع جامعة الملك فهد للبترول والمعادن تحت اسم مشروع حسبة
    نسأل الله ان يوفقهم للحق والصواب
    موقع المشروع
    http://www.hisbah.gov.sa/

    ReplyDelete
  8. حسناً فأنا وضحت أنى لا أعارض فكرة وجود جماعة تهتم بالأخلاق والقيم ولكن لا تكون هيئة ترهب الجميع
    فهناك بعض الأفعال قد تكون مقبولة بسنها كقوانين وهناك بعض الأشياء يجب النصح
    فيها
    أى كان فلا نريد أن يكون هناك شىء يبعد الناس عن الله ولا يعطى انطباعاً سيئاً عن الإسلام لمن يرى تصرفات المتدينون منه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore