تقلبات الجو



لمدة 4 شهور ونص تقريباً الجو فى الرياض كان حلو قوى والهواء فيه كان جميل كان شبه مثالى يعنى الشتاء فيه مكملش شهر كامل :D

لدرجة إنى نسيت ان البلد دى فيها حر دلوقتى الجو بدأ يقلب ابتدى بعواصف ترابية ويوم تلاقيه برد ويوم تانى حر ، والهواء بدأ يسخن ويتكتم ونتيجة التقلبات دى إصابات برد والتهابات فى الزور فكرتنى بأول أسبوع جيت فيه الرياض فما أشبه اليوم بالبارحة
:D

طبعاً ده حسسنى أن جو مصر مثالى وقد ايه كنا فى نعمة طبعاً اقصد الجو فى الدلتا أوقات حر اه بس عمره ماييجى جمب حر الرياض
ع الأقل من بعد العصر هتلاقى هواء بارد نوعاً ما عكس سخونة الجو فى القاهرة لكن مش هتوصل للرياض

انا بس حبيت اوصل للناس انكم فى نعممة وكل ماتحسو ان الجو حر قوى افتكرو الجو فى الرياض
:D :D

لكن مش عارفة هل جسمى هعمره ماهيعتود على الجو هنا ولا ايه؟ يعنى السكان الأصليين للبد دى مبيتأثروش زيى مثلاً؟
بس سبحان الله بعد الدور البرد الى بيجيلى فى كل موسم ده جسمى بيتعود نوعاً ما على حرارة البلد أنا فاكرة أول ماجيت مكنتش طايقة سخونية الجو لكن بعد ماجالى البرد حسيت ان ربنا كده بيكيف جسمى على حرارة الجو وبقيت منفرش منه بالشدة الى كنت عليها الأول وكل ماحاول اهون من نفسى أقول اكيد فى أصعب من كده حتى لو أنا معرفش فين بس اكيد مش زى نار جهنم ربنا يعافينا :D

الحمدلله على كل الأحوال :)


4 comments:

  1. الحمد لله رب العالمين
    سبحان الله فعلا التكيف ده نعمة كبيرة اوى
    بس عارفه الجو فعلا بدأ يحرر عندنا
    واحشنى يا هنود

    ReplyDelete
  2. ربنا يقويكوا في الحر , بصراحة قاتل في كل مكان الحر ده :)

    ReplyDelete
  3. بقالي 23 يوم في الرياض ، الحر و التراب تأقلمت عليهم
    بس الجفااااف بشع

    ReplyDelete
  4. جفاف بقا مش هيسيب حتة فى جسمك هههههه ولا الكهرباء بقا الى فى الجو

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore