استمتعوا حيث انتم



خسارة !نقضى مراحل من عمرنا فى البكاء والحزن على ترك الوطن ونتجاهل فرصة وجودنا فى مكان جديد وثقافة جديدة والأفضل ان نستمتع بكل لحظة نقضيها هناك لأننا هنفتكرها لما نرجع وطنا ونقول كانت أيام جميلة , ميهمش المكان الى أنت فيه بقدر الناس الى أنت معاهم.

ليه مناخدش كل رحلة سفر على انها مغامرة قد لا تحدث مرة أخرى؟ ونستمتع فقط ونكشتف جمال خلق الله وتنويعه للبشر بإختلاف ألوانهم وأشكالهم ولسانهم ونتأمل فقط ونكتسب منهم الثقافة الجميلة عندهم ,الأخلاق أو العادات ونفكر فيها ونضيف إلى نحبه ونتجاهل الى منحبوش ولا يناسبنا بس نحترمه لأن كل شعب ليه مميزاته وعيوبه ،ونحاول نتعامل كأننا مسلمين فى المقام الأول أى أخوة فقط ,
ونحاول نكون نماذج مشرفة للمصريين فى الخارج وتحسين صورة من أساء إليها ،فى يوم م الأيام هيتقال أنا عرفت ناس مصريين محترمين.
ليه لازم حياتنا تكون روتين واحد؟ برغم أن تكسر الروتين شىء مهم عشان تفكر فيه من بعيد ,كل بلد هتلاقى فيها حاجات مش موجودة فى بلدك استمتع بيها سواء جمال فى الطبيعة أو الأماكن أو النظافة :D
ولا تسىء لأى بلد تقيم فيه ولا تسب أهلها فهذه البلد هيا التى تأويك وتصرف متربك منها وتوفر لك خدماتها التى تستمتع بها ,فمن يعمل ببلد، ومع أهله او أصدقائه يظل يسب فيها وفى أهلها ينكر جميل هذه البلد التى سمحت له بالإقامة فيها والعمل ,الذى لم توفره له بلده .فهو مثل الذى ربته ام غير أمه ويسكن بمنزله وعندما يخرج يظل يسبها وينعتها بأفظع الكلمات.

أيها المصريون استمتعوا حيث أنتم

6 comments:

  1. حبيبتي حبيبتي حبيبتيييييييييييي
    اموت فيك وانتي بتتكلمي في الاموضوع ده
    خصوصا واني سعودية المنشأ:D
    السعودية مش وحشة .. ومش كل السعودين وحشين
    زي مش كل المصرين حلوين :S
    ليه الناس بتزعل اوي وبتضايق لما تسافر لدول الخليج وبتنبسط انها مسافرة امريكا ولا اوروبا
    بتفرسني ده
    هل حقد على بقية العرب ولا هي حب للنكد
    مش عارفة
    عاما احييكي يا هوندتي

    ReplyDelete
  2. حبيبتى ياطمطم واخنا متفقين
    :D
    الحقيقة انا فكرت فى نفس النقطة ليه الناس مبتحسش بالأحاسيس السلبية دى غير فى بلاد الخيج وبيكونو غير ده فى امريكا واروبا بس ممكن يكون فعلا عقدة النقص اننا بنشوف ناس عرب زيينا وعايشين أفضل مننا ,,خصوصاً للأسف البعض بيبص للخليج باحتقار لكن كلها حجج فارغة ونقص ليس إلا
    أتمنى فعلا اننا نتغلب على الحاجات العبيطة دى ونركز فى تحسين علاقتنا ونكون ايد واحدة

    ReplyDelete
  3. أرض الله و اسعة

    ReplyDelete
  4. الواحد يقدر يستمتع ويحاول يكتشف ثقافات والإحساس بالمغامرة وما إلى ذلك لو الواحد في رحلة سياحية لفترة محددة، أما لو الواحد بداخله شعور بالغربة فصعب جدا يقدر يحس بالحاجات دي.

    كان لي حظ العمل في السعودية لمدة عام واحد، والشهادة لله اتعاملت مع ناس في منتهى الذوق، ورأيت نظرات إحترام وتقدير بالمصريين أدهشتني من كتر الكلام إللي كنت بسمعه قبل ما أسافر.

    إحنا فعلا بنفرق في التعامل بين الشعوب، ومش كدة وبس، لأ وبين شعب الوطن الواحد كمان، في مصر مثلا الصعيدي غير بتاع وجه بحري، غير القاهري غير النوبي، للأسف عندنا ما يشبه العنصرية، في الوقت إللي العالم كله اتخلص منها هي لسة موجودة عندنا.

    ReplyDelete
  5. العقول الضيقة هي التي تضيق علينا الغربة

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore