السعادة فى جيب الزوج

لا فعلاً فعلاً نفسى افهم ليه البنات بيفرحو لما يتسوقوا؟
ويشترو حاجات جديدة حتى لو للمطبخ؟
انا عن نفسى بكون فى قمة السعادة حتى وأنا بجيب تموين الشهر :D
ولو مزاجى سىء بمعنى الكلمة لو خرجت واشتريت أى أى حاجة حتى لو شراب مثلاً
ببقا فى مزاج مختلف تماماً
ونفسى افهم السبب بجد
:D

9 comments:

  1. أنا ممكن أشتري شنطة ، تصالحني ع الدنيا ...
    و مرة اشتريت شبشب ، و عرفت إن الدنيا مليانة متع ، قدمت استقالتي و سايبة شغلي ، و فاعدة ف البيت بالشبشب الجديد ...

    إحنا حاجة تانية ،
    ريَّح نفسك ...
    مش هتفهم ...

    ReplyDelete
  2. ههههههههههههههههههه
    عسل يا هوندا والله
    انا بسميها متعه البعزقة :D:D
    يا بنتي انا ببقى مبسوطة جدا وانا ماشية في الشارع وصرفت شوية فلوس في شيبسي وشوكولاتة ومستيكة
    المهم ارجع البيت صارفة فلوس وخلاص
    :D:D

    ReplyDelete
  3. يمكن دي من الحجات اللي اتزرعت فينا من الاعلام يعني معلش في الكلمة .. مشفتيش مرة حد وليكن جدي اللي مشفتوش زعل ستي ..قامت ستي الله يرحمها قالت " طب والله لنزل اعمل شوبنج "

    المهم الحجات اللي بنشتريها دي اي كلام ولا ليه لازمة .. انا عن نفسي كولد بكره التسوق مش عشان له علاقه بالستات لكن عشان دي حاجة رزلة اخرج وافضل ابعتر في المصروف والمهية .. صدقيني الموضوع بيقهر بالنسبة للرجالة طبعا عشان المحفظة

    ReplyDelete
  4. أنا دلوقتي بس عرفت ليه الرجالة الطيبين هيدخلوا الجنة حدف ,, والباقي إن شاء الله حدف برضه .. بس من الشباك
    :D

    @Sara Swidan
    أنا مقدرتش أمسك نفسي من الضحك على جزئية

    ""قدمت استقالتي و سايبة شغلي ، و فاعدة ف البيت بالشبشب الجديد ""

    :D :D :D

    ReplyDelete
  5. بالمناسبة المتعة دى مستمرة حتى لو بنشترى حاجة لأى حد هدية مثلاً أو أو
    يعنى متعة شراء عموماً ولا تتعلق بكمية الفلوس المدفوعة
    :D

    ReplyDelete
  6. بجد يا هوندا جاااااااااامد جدااااااااااااااااااا
    انا لسه بسأل نفسى السؤال ده انا ليه بفرح وانا نازله اشترى حاجه اىىىىىى حاجه حتى لو حاجه لحد من اخواتى يعنى مش انا اللى هاستعملها ويا سلام بقى لو الحاجه دى هاجيبها للجهاز افضل كلللللللل يوم اتفرج عليها ولو طرحه كل يوم اقيسها وافتكس بيها اشكال لفات جديده مع انى فى الاخر هاعملها بنفس الشكل وخلاص
    لدرجه انى لما اتضايق بقيت انزل استرى اى حاجه حتى لو شيبسى عشان اخرج من المود
    انا رأيى نستشير دكتور نفسى فى الموضوع ده خصوصا انى لما اتجوز ان شاء الله المفروض ابقى موفره مش مبذره كعهدى دائما يعنى لو اتخانقت مع طارق هنتسول طووووووول الشهر :D

    ReplyDelete
  7. حلو اوي العنوان .. هتقليبيهم علينا :D
    انا فعلا بفرح لما بشتري حاجة، بس مش بحس انها ممكن تطلعني من مود لو مزاجي وحش او كده ، انا من زمان بدأت اكتشف حقيقة اني اصلا مش بحب الشوبينج

    يعني انا لو طلت الاقي حد يجيبلي حاجتي لحد عندي - بس واثقة في ذوقه و اختياراته طبعا - ولا كنت اهوب ناحية المخلات ولا ادخلها
    هههه

    ومش بحب اشتري لمجرد احساس اني اخلص فلوس ... بالعكس ، ده انا مش بحب اشتري عشان مش اخلص الفلوس اللي معايا ... مش بخل والله لا سمح الله ، بس الموضوع ده زاد معايا لما اشتغلت و بقيت بصرف من فلوسي الخاصة

    اشفقت اوي على بابا واللي كنت بعمله فيه ، و على جوزي كمان

    بحس اني فعلا غريبة في موضوع التسوق ده ... ماليش فيه نهائي

    بس ده مايمنعش اننا نسعد نفسنا من جيوب الرجال ٠ زوج - اب - اخ ) اللي موجود يقضي

    شكرا

    ReplyDelete
  8. غريبة فعلا!
    أنا كمان باستمتع لما أشتري حاجة جديدة، بس مش عشان اشتريت.. عشان جديدة!
    لكن تموين الشهر؟
    وشبشب ومستكة؟
    صعبة دي!

    ReplyDelete
  9. أنا عن نفسي أكتر حاجة بتحسسني بالحرية هي الشراء... و شراء أي حاجة فعلاً

    أسعد لحظات حياتي بقضيها في المولات
    :))))

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore