حوارات الستات



الست دماغها لما يكون فاضى بيبقا كارثة نووية أعترف بذلك !
انا فعلاً مصدومة من آثار الفراغ الى بشوفها قدامى فى الستات والمتزوجات منهم تحديداً ,,مش معقول مفيش حاجة بارعين فيها غير انهم يتكلموا على بعض !
تخيل نفسك قاعد فى مكان كل يوم يجيلك ناس تتكلم ع الناس الى جتلك امبارح والى جايين بكره هيتكلموا عن الى جايين بعده وهكذا

أنا زهقت فعلاً ! استغفر الله العظيم على فراغ العقول والقلوب
فى ثانوى اتعرفت على بنات اتعلمت منهم ان لما واحدة تحكيلى أى حاجة أى حاجة حتى لو مقالتليش انه سر محكيهوش واعتبره أنا من الآسرارلأن ممكن كلمة عادية فى وجهة نظرى تقلب حياة شخص تانى لما انقلها ! وتوقع ناس فى بعض !

وبما الإنسان هو المسئول عن اختيار أصدقائه ومش مسئول عن اختيار أقاربه،فصدق الى قال الأصدقاء هم العائلة ،والحمدلله على نعمة الصداقة تحديداً الصالحة منها اصل عمرى ماهصاحب واحدة كل ماشوفها تقولى فلانة وعلانة !
ربنا يرحمنا ويهدينا كلنا

4 comments:

  1. الإنسان بطبيعته مش كامل .. والستات عندها مشكلة الثرثرة أو بالأحري النم .. والمشكلة حاليا بدأت تنتقل للرجال .. هيا ديتها حاجة بسيط .. إنك تقولي لهم إنك مش عايزة تسمعي بطريقة لطيفة .. زي انك تعرفيهم انك مش بتحبي النم .. وعلي فكرة دا ميدلش ان دماغهم فارغ فقدر انهم بيقتلوا الوقت اللي مش عارفين يستغلوه .. واللي بعرف يقتل مشكلة الوقت .. بيحل مشكلة النم

    ReplyDelete
  2. جيتي على الجرح يا هوندا
    كنت من يومين ست عجوزة بتشتكيلي من مرات ابنها
    اكتشفت ان فعلا الستات فاضيين فاضيين فاضيين

    ربنا يهدي يارب

    ReplyDelete
  3. والله يابنتي كلام جمييل وصح أويييييي
    ربنا يكرمك بجد :)

    ReplyDelete
  4. يا جماعه افيدوني زوجي ليه \ميله في الشغل بتجيب له شغل خاص و انا حاسه انها معجبه بيه و غلي طول عايزا تعرف اخباره و انا من غير ما اقصد لمحتله ان كدا كفايه و هو بدا ياخد باله انها معجبه بيه و بدا يحب الشعور دا بس انا عندي ولدين منه و تعبت منها اوي و كل لما اقول له ما تعرفهاش تاني يقول لي دا شغل بس انا مش طالبه منكوا غير انكوا تدعولي بجد انا بخاف ربنا اوي و مش عايزا اخرب بيتي ادعولي ان ربنا يبعدها عننا انا بكتبلكم و انا بعيط و تعبانه اوي

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore