مبدعون مسكوت عنهم

مقال رائع للكاتب فهمى هويدى
مبدعون مسكوت عنهم

وهيا دى نتيجة العمل فى صمت بعيداُ عن الكلام الكتير الى الحكومة قرفانا بيه ولا بنشوف منهم حاجة عدلة ، وده سبب يخليك تحس ان فى أمل فى البلد دى ويخليك تتفائل وتدور انت كمان ايه تقدر تقوم بيه ومتعملش حجة البلد والحكومة ، كمان عجبنى فكرة الخروج من قلب العاصمة لأنى فعلاً عندى مشكلة نفسية ناحية القاهرة ان كل حاجة متمركزة فيها وبقيت المحافظات بتنش واحتياجتها كبيرة، برغم ان التمركز ده سبب رئيسى للزحمة والتكدس السكانى فيها ، فياريت الناس تفكر انها تعمر فى كل مكان وميستجيبوش لإغراءات العاصمة ، والعمل الجيد بيجذب الناس من كل مكان :)

تذكر: يجب أن نكون التغيير الذى نحب أن نراه .
تذكر : إن الله لا يغير مابقوم حتى يغيروا ما بأنفسهم .
تذكر : إن الله لا يضيع أجر من أحسن عملا.
تذكر : ومن أحياها فكأنما أحيا الناس جميعاً
تذكر: لقد خلقنا الله لعبادته وإعمار الأرض وليست العبادة فقط

6 comments:

  1. على رأيك يا هوندا
    الحاجات دي سبب يخليك تتفائل بعيد عن اللي بيتشاف كل يوم من حكومة او حتى ناس في الشارع مكسلة ترمي زبالتها في الصندوق و بتفضل ترميها قدامه بالظبط !

    و مفيش فعلاً غير الخروج من القاهرة اللي على رأي أحد التصريحات " بعد خمس سنوات القاهرة ستصبح مدينة مغلقة " !!!!ا

    (Y)

    ReplyDelete
  2. جامدة مدينة مغلقة بس فى مشكلة ياصوفى فى موضوع الزبالة ان صناديق الزبالة قليلة فى الشوارع انا بتعذب لما باجى ارمى حاجة فى الآخر بروح بيها :D

    ReplyDelete
  3. جزاكم الله خيرا أخت هنادي
    الإبداع فعلا موجود واللي في دماغه حاجة وعايز يعملها هيعملها، لكن اللي بيقول حكومة وماحكومة عمره ما هيعمل حاجة

    عندي تعليق بسيط على نقطة عمارة الأرض
    في الحقيقة الجملة دي منتشرة إن ربنا خلقنا للعبادة وعمارة الأرض
    لكني عن نفسي أعرف إن عمارة الأرض دي شيء غير مقصود لذاته
    عمارة الأرض ما هي إلى جزء في منظومة نشر كلمة الله سبحانه وتعالى والدعوة إليه وخدمة المسلمين
    أما كونها مقصودة لذاتها فدي محتاجة دليل، بل أنا شايف إنها بتصادم النصوص اللي بتذم الدنيا والانشغال بها!

    وربنا سبحانه وتعالى قال: وما خلقت الجن والإنس إلا ليعبدون ما أريد منهم من رزق

    و"ما" و"إلا" للحصر
    ولا أي حاجة خالص إلا العبادة وفقط
    ده في حدود علمي والله أعلم

    لو حضرتك عندك دليل على إثبات الجملة دي ياريت تتفضلي بيه لأني شايف الكلام ده بيتكرر كتير ومش لاقيله أصل

    ReplyDelete
  4. إعمار الأرض جزء من العبادة غير منفصل يمكن انا موضحتش ده فى كلامى لكن كنت اقصد ان فى ناس بتكتفى بالصلاة والصوم ومبتعمرش فى المكان الى فيه ومتعقدش ابداً ان ده يرضى ربنا

    ده الرسول قال
    ((إن قامت الساعة وبيد أحدكم فسيلة، فإن استطاع ألا تقوم حتى يغرسها، فليغرسها)).

    ده غير ان المفترض ان فى حاجة اسمها فرض مفاية وفرض عين اكيد حضرتك تعرف النقطة دى
    ومن الفروض الكفاية الى يأثم المسلمون لو محدش اسقطها عنها اى نقطة خاصة بإعمار الأرض يعنى الى بيعمل مصنع لمنتج معين بيسقط فرض عن المسلمين بدل ماحنا قاعدين كده وبنستورد كل حاجة ده حد علمى

    ReplyDelete
  5. المقال ده من أروع ما قرأت
    شعرت بتفاؤل محستوش من زمان لأني كنت بدأت افقد الأمل إن حال مصر يتعدل أو يتغير
    بس بجد مصر دي هايفضل فيها الخير علطول
    شكرا جزيلا ع المقال :)

    ReplyDelete
  6. افتكر ايام حكومة الجنزوري كان في فكرة مشورع توزيع الوزارات والمقرات الرئيسية للدوائر الحكومية على المحافظات لانعاش الحركة في جميع المحافظات
    ياترى الفكرة دي اخبارها ايه ؟؟؟

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore