زحمة الضوضاء


استقريت جسدياً فى القاهرة منذ أسبوعين لكن لم استقر نفسياً حتى الآن فى حاجات كتير طبعاً مضايقانى منها زحمة الضوضاء أيون
ودى غالباً فى مصر كلها بس كثافتها عالية حبتين فى القاهرة يعنى مثلاً دلوقتى فى الشارع فى اغانى عالية قوى شغالة وقرآن بصوت عالى وكلاكسات موتسيكلات صينى وعربيات ملاكى وتاكسى وعربيات ملاكى تاكسى وناس بتزعق وناس بتنده على البضاعة بتاعتها

الأغانى مثلاً والقرآن ليه الناس مش بتشغل الصوت على قدهم؟
ليه لازم الشارع التانى يسمع ؟
انا فعلاً أعصابى بتتعب وأنا ماشية فى الشوارع من الزحمة الصوتية دى وكلله كوم والأفراح والمآتم الى فى الشوارع كوم تانى، مكبرات صوت ........ !!

انا عارفة إنى مش هقدر اغير حاجة بس على الأقل لو كل واحد قدر يمنع نفسه وأسرته انه يشغل الأغانى والقرآن بصوت عالى ممكن الموضوع يقل شوية؟ ممكن؟
ولو نفهم الناس ان مؤذى قوى موضوع الديجيهات ده؟ وصوان العزاء ده ملوش أى معنى ! لو مصاريف الصوان ده طلعت صدقة للمتوفى أفضله والله أعلم !!!


3 comments:

  1. السلام عليكم
    معك حق يا ريت كل واحد يسمع على قده . و حتى في المواصلات و الباصات لا يجوز للسائق أن يسمع الركاب ما يريد

    ReplyDelete
  2. بعد فترة ستصبحي من الكائنات القاهرية
    علي رأي احمد خالد توفيق وهي المدينة التي أكرها ويكهرها من كل قلبه
    بس كله بالتعود

    ReplyDelete
  3. هي المشكلة انك تعودتي على جو السعودية
    :)
    انتي مشوفتيش شارع المديرية عند عبدالله
    الشارع ده حاجة فظيعة
    :)
    انا اتعودت اني مشتغلش الا وفي دوشة جمبي
    :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore