فى بكورها

قال رسول الله "اللهم بارك لأمتى فى بكورها" ، انا فعلاً مؤمنة بالحديث ده قوى لكن من وقت ماتجوزت وانا كل فترة امر بمشكلة عصيبة مع النوم ويحصلى لخبطة فى مواعيد النوم والصحيان ، لكن للأسف عمرى مابرتاح لو صحيت بعد الظهر ابداً وده بينعكس على جسمى وعدد ساعات نومى وحالتى النفسية بشكل بشع وممكن توصل معايا لإكتئاب ، قمة راحتى ان اصحى واشوف نور ربنا وهو لسه بينور الكون وبكون أكثر إنتاجية طول اليوم وحالتى النفسية معتدلة وبكون طبيعية !

نفسى فعلاً أقدر أسيطر على مواعيد نومى وصحيانى لأن كل مرة اظبطها أقول دى آخر مرة وللأسف بيتكرر الموضوع ، مش عارفة الحل ايه بس عندى أمل إن قدرتى على المواظبة ممكن تزيد مع الأيام ، ماهو مش كل فترة نفسيتى تتعب بسبب القلبان ده مبحسش إنى عايشة بمعنى الكلمة :(

الله المستعان وتكون دى تظبيطة دائمة ...يارب

وَجَعَلْنَا اللَّيْلَ لِبَاساً * وَجَعَلْنَا النَّهَارَ مَعَاشاً

5 comments:

  1. انا بتفق معاكى تماما

    ReplyDelete
  2. في الحقيقة
    استغلي الليل في ايجاد فترة ترتاحين فيها
    فعلي نضام اليوغا لديك فهي تحسس بالاسترخاء وصفاء الذهن
    كتجربة شخصية مني انصحك بها

    ReplyDelete
  3. فعلا مشكله كبيره
    كل صيف اقول مش هغير مواعيد نومي وللاسف من غير محس يتقلب الليل نها والنهار ليل
    مفيش غير الكليه هي اللي تزبط الدنيا

    ReplyDelete
  4. انا سنتين كنت بعاني من نفس المشكلة وخصوصا عشان صلاة الفجر لكن أخدتها بالتدريج وبعد اسبوع واحد اتعودت علي الصحيان بدري ودلوقتي الحمدلله في نفس الميعاد بلاقي نفسي صحيت
    وانك تصلي الفجر وتشوفي نور ربنا بيملأ الكون
    احساس بيكون رائع جدا قد ايه بتحسي بعظمة الخالق

    حاولي تاني والله المستعان

    ReplyDelete
  5. فعلًا يا هنادي، انا محسش اني عملت حاجة في اليوم غير بعد الفجر أصليه واشوف هعمل أيه، بيبقى فعلًا الوقت مبارك وبتنجز فيه جامد .

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore