الصراحة مش راحة

لابد أن يحتفظ الإنسان ببعض أفكار وخلجاته النفسية وألا يصرح بها دائماً فقد تكون محيط بجوانب هذه الفكرة أو هذا الإحساس ولكن إذا صارحت بها أحد قد لا يتفهمها بشكلها الصحيح وقد لا يتفهمها على الإطلاق إذا كنت تحتاج المساندة أو الفضفضة وقد تصبح شقى بهذه الصراحة .

كنت أظن ان الصراحة المطلقة تقصر عليا مسافات وكلام وتوضيحات ولكن للأسف ولأول مرة أجد أن هذه الصراحة غير مناسبة فى كل الأوقات وليست مناسبة مع كل الناس ، فهناك من يعتبرها وقاحة وستلبسك تهم صادمة تجعلك تقرر فى النهاية ألا تكون بمنتهى الصراحة مع هؤلاء الأشخاص

كما أنه ليس من الضرورى الإفصاح عن كل ماتفكر به طالما لا تستطيع توضيحه بالشكل المناسب حتى لا تندم على هذا التصريح
فليرزقنا الله بالحكمة التى تجعلنا نميز ونضع الشعرة بين الصراحة والوقاحة و الحرص والخبث والكذب !

10 comments:

  1. على فكرة انتى عندك حق جدا .. أصلا مش من حق الآخرين يعرفوا عنك كل حاجة و انتى لو خبيتي بعض اللى عندك علشان مش عايزة الناس تعرفه يبقى مش مهم يعرفوه المهم انتى تكونى فاهمة نفسك كويس
    و ساعات كتمان الجروح اللى جواكي بيساعدك على الشفاء منها أسرع لكن لما تتكلمى بيها بيخليكي دايما تشوفيها في عنين اللى حكيتي لهم عنها

    و ربنا يرزقنا الحكمة للفصل بين الحق و الباطل دايما

    ReplyDelete
  2. كلامك جميل و صح غالباً ... بس لو هنفترض ان مشكلة الصراحة في الضيق اللي بيترتب عليه بعدها ، فأنا شايفة انه بيروح مع الوقت و بترتاحي نفسياً انك طلعتي اللي جواكي
    أياً كان اللي جواكي ده كان عبارة عن ايه (رأيك في حد ، رأيك في موضوع ، ردك على كلام ... )

    يعني بتتكلمي مع حد في موضوع ، قلتي رأيك بصراحة ، رأيك ضايقه أو جرحه أو خلاه ياخد عنك فكرة وحشة .. ف إنتي اتضايقتي بعدها على طول او لما جيتي تفكري فيها بعدين

    بس على مدى أبعد بتتبسطي انك في الموقف الفلاني اتكلمتي بصراحة

    "كما أنه ليس من الضرورى الإفصاح عن كل ماتفكر به طالما لا تستطيع توضيحه بالشكل المناسب حتى لا تندم على هذا التصريح
    فليرزقنا الله بالحكمة التى تجعلنا نميز ونضع الشعرة بين الصراحة والوقاحة و الحرص والخبث والكذب " >>> متفقة 100%

    ReplyDelete
  3. الحقيقة ان الناس تخلط بين الصراحة والصدق، الفضيلة في الصدق أما الصراحة فليست دائما فضيلة
    فالصراحة احيانا ما تكون غيبة وبالتالي تكون ذنباً!! يبقى الهدف هو الصدق مش الصراحة
    :)

    ReplyDelete
  4. عارفة
    تعلمت فعلا ان صغار العقول هم من يحتاجون لمراوغة لان عقولهم الفارغة تضخم اي شئ و تكسبه ابعاد غير حقيقية
    تبقي بتتعاملي و بيتم اتهامك علي شئ في دماغتهم فقط بناء علي استنتاجات الناس استنتجوها من كلام قيل وسط الكلام عادي ... و هي ملهاش لا منطق ولا اساس من الصحة

    الواحد مبيتعلمش فعلا ببلاش !!!

    ReplyDelete
  5. الصراحة راحة والصمت حكمة
    ^^

    ReplyDelete
  6. مشكلة حياتي الصراحة دي... ياما خسّرتني ناس و جابتلي مشاكل
    بس معتقدش إني فعلاً عايزة أغيّر الصفة دي فيا

    ReplyDelete
  7. اممممممممممممممممم رائع

    ReplyDelete
  8. @الحلم العربى
    فعلاً ياآية ان اوقات لما بتكون فى مشكلة معينة داخلية لما بتحاولى تحليها مع نفسك بيكون اسهل من انك تفضلى تدوسى عليها طول الوقت بإنك تتكلمى عنها

    @ صفا حرك
    المشكلة تكمن فى الإنطباعات الى بتتعاملى على أساسها بعدين :|

    ReplyDelete
  9. @محمد شدو
    شكراً على اللخبطة :D
    الحقيقة مفكرتش فى العلاقة دى قبل كده بس فعلاً الهدف هو الصدق وان الصراحة اوقات فعلاً بتكون وقاحة ونفهم غلط

    @شمس agree with u :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore