احتفظ باهدافك لنفسك

ديماً بيجى فى بالى أفكار او خواطر بكون عايزة اسجلها فى المدونة وبمجرد انى اتكلم فيها مع أصدقائى أو زوجى بشكل لا إرادى مبسجلهاش على البلوج ، لدرجة انى قلت بعد كده هسجلها ع البلوج بعدين اتناقش معاهم فيها .

وأوقات تانية أقول لحد انى ناوية اعمل كذا او اتعلم كذا والاقى انى فقدت الحماسة ليها زى الأول ومبعملهاش وبقيت احس انى باقول اكتر من الفعل برغم انى ديماً اقول لنفسى العمل فى صمت العمل فى صمت
وفعلاً لما بعمل فى صمت بنجز وبحقق كتير !

فى مرة كنت بحكى لكريم على النقطة دى وقالى على الفيديو ده


انه بيتكلم عن نفس النقطة ، وفعلاً عرفت منه تحليل منطقى للى بيحصل وهو ان العقل بيتعمله زى إرضاء كده لما اتكلم عن اهدافى وبالتالى بيعتبرها اتحققت بالفعل وهيا لم تتحقق وبالتالى بتقل الحماسة وممكن العمل ميكملش او ميتعملش على الإطلاق .


واعتقد ان خير الامور الوسط بأنى ابداً اتكلم مع الناس الى بثق فيهم او عارفة انهم ممكن يفيدونى فى حالة انى اكون بدأت بالفعل ومحتارة فى خطوة معينة او ان زى مالفيديو موضح انى اتكلم بشكل عام وبدون تفاصيل .


4 comments:

  1. استعينوا على قضاء حوائجكم بالكتمان


    داري على شمعتك تقيد

    ReplyDelete
  2. فعلن الكلام تمام فعلن انا بيحصلى مفس الموضوع اذا صحرت عن فكره او موضوع بواجه احباطان من الى حوليا وبتبقى كارسه لو من الاقارب والمقريبن عشان كده اتفق مع راى انه اصرح ولاكن ليس بالتفصيل ولاكن لازم اصرح عشان المخ يتبرمج على انه متمسك بحلمه ديما المخ متصور حاله تحقيق الهدف ولاكن بدون تصريح ممكن يبقى حلم بس مش أكثر
    بجدراااااائع وبالتوفيق

    ReplyDelete
  3. موضوع جميل و فيديو جميل

    نفس الأحساس اللي بيجيلي

    الواحد لما بيقعد يتكلم عن حاجة عايز يعملها ، غالباً ما تخلصش أنما بيقعد يتخيل أنها حصلت بدليل أنه اتكلم عليها

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore