وانا كمان نفسى قوى يامصر



نفسى لما اوقف تاكس اركب وبعدين اقوله راحه فينمتحايلش عليهم نص ساعة لحد ماواحد يقفلى
نفسى اركب الميكروباص ميزودش عليا الأجرة وانا راجعة البيت واضطر اتنح قدامه عشان مزودهاش
نفسى الأقى خامات الملابس نضيفة وبأسعار معقولة والأقى عبايات حلوة ميتطلعش روحى عشان الاقى
نفسى الجمارك تتشال خالص عشان أسعار كل حاجة تبقا معقولة زى دول الخليج كده
نفسى أكل الخضار والفاكهة من غير مبيدات وبردو أسعارها تكون معقولة ومتتجنش
نفسى يكون فى وعى دينى صح مش استغفال عقول
نفسى اشوف الولاد رجالة كده مش مسقطين البناطيل ولابسين تيشيرتات بترتر
نفسى نستغل قدرات كل طيور مصر المهاجرة والى عايزة تهاجر
نفسى محدش ييشغل أغانى ولا قرآن بصوت عالى فى الميكروباص أو المول أو الشارع
نفسى الشباب يقدر يشترى شقة عشان يتجوز من غير مايحتاج قعد سنين يحوش فى سعرها
نفسى أسعار السلع تكون فى كل مكان واحدة مش يزودها عشان جمب مستشفى أو نادى أو ....
نفسى يكون فى وعى ثقافى لكل فئات الشعب وميبقاش مقتصر على لفط المثقفين لفئة محددة
نفسى ملاقيش طفل شوارع ولا راجل نايم فى الشارع
ونفسى ونفسى ونفسى ونفسى

4 comments:

  1. نفسي نستغل الطاقة الشمسية
    نفسي نتميز في صناعة معينة او تقنية جديدة بدلا من اعادة اختراع العجلة

    ReplyDelete
  2. وانا كمان نفسي نبقي أيجابيين ونبطل سلبية منسحمش لحد يغلط ويتمادي في غلطه ونوقف كل واحد عند حده ونصنعش فراعييييييييين ثانية وكفانا فراعييين

    نفسي نبقي بجد أيد واحدة ضد الفساد نبقي شعب وشرطة وجيش ايد واحدة ضد الفساد

    نفسي نكون قبلة العرب والمسلمين مش بس في الفن والكورة والاثار لكن في العلم والتكنولوجيا

    نفسي ابقي مصري بجد نفس اسمع كلمة لو لم اكن مصريا لو وددت أن أكون مصريا من كل الناس

    ReplyDelete
  3. إن شاء الله هنكون طالما احنا عايزين :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore