سياسة غسيل دماغ الأمن المركزى



يوم 28 يناير كنت واقفة مع زوجى الصبح نركب مواصلة من عند ملف نادى السكة فعدت من قدامنا عربية أمن مركزى فلأننا واقفين فى ملف فكان فى وقت اننا نشوفهم كويس ونسمع الكلام الى بيقولهولنا الى هو " والله لنقطعكم النهاردة ونغسلكم " وطبعًا مع إشارات بالوش وتمثيل بالإيد فطبعًا أنا تنحت فى وش كريم من الطريقة بس طبعًا تأكدنا انهم مغسول دماغهم بشكل متقن قوى انهم داخلين ع حرب ضد فئة الشباب بدليل ان مجرد شاف اتنين شباب نزلو شتيمة فينا

وفعلًا اليوم انتهى بمجزرة بكل المقاييس ومحدش عارف مغسول دماغعهم بإيه بالظبط

نفس الفكرة للى حصل فى التحرير اليومين الى فاتوا ومع انتشار فيديو عسكرى الأمن الى بيرقص للمتظاهرين بالسيوف وبيستفذهم هو فى ايه؟
نفسى افهم العساكر دى ايه مبرر أفعالهم غير ان فعلًا مغسول دماغهم ؟ هما بياخدوا كام عشان يحسو بالإنسياق الكامل للسلطة بتاعتهم وينقلبو علينا ؟

هما المتظاهرين هيضروا عسكرى أمن مركزى فى ايه؟؟؟ مع انهم بيندوه بحقه زى حقوق باقى الأفراد بالظبط !
انا بجد بيصعب عليا شكلهم لما بشوفهم بس بيصعب عليا اكتر إن أحس ان دماغهم واقفة كده وبيتغسل دماغهم بسهولة !

2 comments:

  1. التعود على الذل هو ما جعلهم يفعلون ذلك

    ReplyDelete
  2. جنود الامن المركزى
    جنود يؤدون الخدمة ويطيعون الاوامر فقط
    وليس لهم حق فى عصيان الامر والا ستتم محاكمتهم
    ومعظم جنود الامن المركزى
    ليس احتقارا من شأنهم
    ولكن هذه حقيقة
    ليس لديهم ما يتم غسيله اصلا!
    فيتم اختيارهم كالآتى
    من يعرف يقرأ ويكتب يأتى على اليمين
    ومن لايعرف يأتى على اليسار
    ومن يظل فى المنتصف
    هؤلاء هم جنود الامن المركزى :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore