ركن روحانى

كتير بحس إنى غرقانه فى الحياة وماديتها بحس وقتها شوية بالحيوانية لأنى أهملت روحى وعلاقتى مع خالقها وده بيخلينى مش سعيدة بالحاجات الى كنت بتخيل انها هتسعدنى واكون نفسى فيها ومستعجلاها كمان 
ده غير إنى كل ماتكلم مع الناس بمختلف عقلياتهم نادرًا مابلاقى حد نتكلم سوا فى إيمانيات واحس انى مشحونة كدا زى زمان
طبعًا مش حلو ابدًا إن الإنسان يعتمد على مصادر تقوى روحه زى "الناس مثلُا" ولازم يجاهد ويجاهد نفسه لحد مايقدر يهتم بروحه زى الأول
بدأت اطبق حاجة من فترة ولقتها نوعًا ما مجدية جدًا كل اما احس بالدنيوية قوى وانى غرقانة فى الدنيا بعمل حاجة واحدة
بروح اقعد فى الركن بتاعى واجيب مصحفى واقرأ كلام ربنا لى وكل اما احس ان الكلام بيمر قدام عينى ومش بيدخل دماغى افضل اقرأ لحد مااحس انى فهمت الرسالة بحس ان القرآن بيغسل القلب وينضفه من الصدأ ويوقظه تدريجى من غفلته المتراكمة الحمدلله على نعمة القرآن :)

8 comments:

  1. لستِ وحدكِ من يشعر بهذا
    خصوصًا مع افتقاد الرفيق
    ربنا يوفقك
    ودى مقالة للشيخ اسامة السيد الأزهرى عن المعنى ده بشكل مختلف قليلا
    http://www.boswtol.com/religion/islam-our-lives/09/november/5/2733

    ReplyDelete
  2. الحمد لله على نعمة القرآن
    الله يعلمنا منه ما جلهنا وينفعنا بما علمنا

    ReplyDelete
  3. بارك الله بكم ... على المدونة المميزة

    ReplyDelete
  4. بشكركك على المقولة المدرجة لدكتور مصطفى محمود

    ReplyDelete
  5. اللهم اجعلنا مما يستمعون القول فيتبعون احسنه

    ReplyDelete
  6. شكراً لكم ع الموضوعات المتنوعة ...

    ReplyDelete
  7. انا حاسه باللى انتى كاتباه اوى يا هنوده
    علشان الدنيا اخدتنا جامد
    بقينا مسؤلين شويتين
    حمد الله على سلامتك
    اكيد ولدتى لانك كنتى كاتبه شهور الحمل من فتره
    الامومه شئ جميل جدا ولا يمكن حاجه فى الدنيا تشبهه
    انا كمان جبت رشا
    هى حياتى كلها وطبعا واخده وقتى كله
    وحشتينى يا هنوده
    ادعيلى كتير بالله عليكى ربنا يفك كربى
    ويهديلى نفسى واللى حواليا ومعايا

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore