عندما تحولت حياتنا للسياسة فقط

من بعد ثورة 25 يناير وتحول اهتمام المجتمع المصرى لشىء واحد فقط السياسة ومايدور بها وأصبح حديث جميع طبقات المجتمع وتحول الجميع لمحللين سياسين بما فيهم الأطفال وربات البيوت والبائعين ووووو

وطبعًا كل واحد شايف ان تحليله هو الى صح وهو الى فاقس الليلة كلها ويتخانق معاك عشان يقنعك بوجهة نظرك وممكن تتحول لخناقة فى الآخر وتحزبات داخل العائلة الواحدة ولزق تكت على كل واحد عليه تصنيفه ثورجى ، يسارى ، إخوانى ، علمانى ..... فلول !

وتحولت الشبكات الإجتماعية لمكان للتعليق على كل كحة يقوم بها أى حد فى الحكومة أو المجلس العسكرى  والتأهب لمواجهة مجلس الشعب وتفصيص حركاته وبعد كل خبر أو قرار أو أو يرتدى الجميع نظارته ويضع يديه على كيبورد ويكشر عن أنيابه ويرزع الشتيمة المتينة فى الاستيتس على الفيس بوك او كتويتة على تويتر ويبدأ فى تجهيز ردود لمن سيخالفه  وقد ينتهى الأمر بعمل بلوك للشخص المخالف لرأيه او انتهاء علاقة صداقة بسبب اختلاف رأى ، ناس كتير خسرت أصدقائها بسبب اختلاف توجهاتهم السياسية .

ونقضى طول اليوم وكل يوم فى شتيمة وسخرية وتعليق ،،، وسخرية وتعليق وشتيمة ،،، وهكذا دواليب دواليب :D

طبعًا الواحد حصل له حالة تشبع من الكلام عن السياسية لأننا سبنا مصالحنا وبطلنا نفكر ونقرا ونكتب ونفيد العالم ونستفيد منه واقتصرنا نشاطنا على متابعة الى بيحصل فى البلد ، مش بقول ان الإنسان المفروض يبالى لكن المفروض ان كل حاجة لها حدود ، يعنى بصراحة مش متخيلة ان الناس تكون بتتقدم كل دقيقة واحنا بنرجع وراء لأننا مبناخدش خطوة لقدام .

الناس بتجرى وتتعلم وتشتغل واحنا فاتحين تويتر والفيس بوك عشان نشوف الى بيحصل فى البلد كل يوم طول اليوم.

انا عن نفسى بقيت بنفر جدًا من اى كلام سياسى افتح تويتر وفيس بوك الاقيه سياسة ، اركب ميكروباص او مترو او حتى تاكس الكلام عن السياسة ، ازور قرايبى لازم يتحول الكلام عن السياسة ، امشى فى الشارع  سياسة بردو واضطريت اوقف متابعتى لأغلب الأشخاص الى كلامهم سياسة طول الوقت وبطلت ادخل فى نقاشات حتى من هذه النوعية حتى الناس الى كنت بستمتع بقراءة أفكارهم ومناقشتها وجهو كل طاقتهم للتفكير والتحليل السياسى تقدروا تقولولى استفادنا ايه من كل ده؟

قرأت كام كتاب من بعد الثورة؟
اتعلمت مهارات جديدة من بعد الثورة؟
ايه الحاجة المفيدة الى بتعملها كل يوم؟
ايه الخطوات الى اخدتها لتحقيق أهدافك من بعد الثورة؟
 لما بتفكر فى آخر اليوم ايه الى انا عملته انهردة بتبقا راضى عن نفسك؟
متخيل ان صحيفتك يوم القيامة تبقا فاضية كدا ؟ ان مكنتش اخدت ذنوب بس سب شخص أو ماشابه؟

زى ماكنا بثور على حاكم ظالم لازم نثور على أنفسنا الأول البلد مفيش اى حاجة اتغيرت فيها عارفين ليه؟ لأن احنا نفسنا مش بنتغير مش رابطين ان احنا اما نكون أشخاص ناجحين وبتفيد وتساعد الى حواليها هو الى هيخلى بلدنا ناجحة ومتقدمة بينا ، مش هنعلق كل حاجة على الحكومة كل واحد له دور ولو صغير ولو كل واحد اتقن دوره مشاكل كتير هتقل الحياة مش سياسة بس افتكرو ده

13 comments:

  1. زورونا تجدوا كل ما يسركم
    ما بنجيبشسيرة السياسة خالص:)

    ReplyDelete
  2. Thank you for your wonderful topics :)

    ReplyDelete
  3. هههـــ اذا نحنا بسوريا شو نحكي ....

    صرنا نركب السيارة ع اغاني ثورة

    نلتقي باماكن ثورية مع ناس ثورية ..

    وكله سياسة ...
    في سياااسة .؟؟!!؟!؟؟!

    حتى اول مدونة بعملها لاكتب فيها ما كتبته بقلمي

    بدون ما ادري صارت كلها سياسة ... واندساسية !!!!وكتير

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore