الله يجحمك يامبارك أينما كنت

مشكلتى مع حسنى مبارك مش فى الدكتاتورية ولا التزوير ولا السرقة ولا ولا مشكلتى معاه فى انه أفسد تفاصيل حياتنا الصغيره كلها
مشكلتى معاه انه سمح ان الفساد يوصل لكل طبقات المجتمع ولكل بيت فى المجتمع وانك تشك فى نفسك ان جواك جزء من الفساد ده وانت مش واخد بالك
مشكلتى معاه انه دمر بنيتنا التحتيه وكان لازم يعمل كدا عشان محدش يكلمه كان لازم يسمح للى تحته انهم يكون فاسدين عشان محدش يبصل لفساده

انا فعلا نفسى يىتعلق فى ميدان عام وكل واحد يعمل فيه الى هو عايزه لانه ببساطة دمرنا كلنا مفيش بيت فى مصر مسلمش من ضرره من حكمة بشكل ما

 انا فعلًا مبقدرش ابطل دعوه عليه كل اما اسمع اسمه او شوف مظهر من مظاهر الدمار حواليا وافتكر انه السبب على سبيل المثال وليس الحصر إطلاقًا 

أمس فى بلدتى "بلقاس - محافظة الدقهلية " كان ضرب نار والناس خايفة تطلع من بيوتها وكله كان بيكلم كله عشان يقوله متخرجش لان فى ناس كتير ببنادق والبوليس نزل ووو ليه بقا لأن الناس دول ابنهم اتخطف يوم الجمعه ولقو جثته مسروق منها كل الأعضاء تقريبًا وكتير خيرهم رميو الجثه عند المقابر "وده المكان المتعارف عليه عندنا لرمى الجثث بعد قتلها او اغتصابها او سرقة أعضائها "

مثال بيتكرر كتير هتيجى تفصصه هتلاقى ان ده طفل عنده 13 سنه - سائق توك توك بسبب ان الناس مبقتش لاقيه تاكل بقت تشغل ولادها من بدرى امشى فى الشوراع وهتلاقى طفل فى كل شارع تقريبًا بيشتغل وتقتل طفوله هؤلاء فى أكل العيش ومعاملة غير أدمية من أرباب العمل طبعًا 

عصابه خدرو الولد واخده وطبعًا دكتور سرق الأعضاء ورميو الجثه خلاص بقا ... طبعًا بسبب البطالة المريعه مقدرش ألوم ان الشعب بقا فيه فئه لا يستهان بيها حرامية وبلطجية تفتكرو لو كان اتوفرلهم حياة كريمة كانو هيلجئو بسهولة للطرق دى؟

غياب الوازع الدينى والأخلاقى كلمنى عن أخلاقنا كمجتمع؟ كلمنى عن تطبيق الدين؟ كلمنى عن شيوخ تصلح من حال الإنسان ؟ مفيش حتى أئمة المساجد بخطبهم الطويلة المملة الرتيبة المنفصلة عن مايمر به المجتمع أصبحت لا تؤثر على أحد ونفرت الكثير من الناس من الذهاب للمسجد 

من المسئول عن تدمير كل هذا ؟ من المسئول عن فصل الدين عن دنيا الناس ؟ من المسئول عن تدميرهم أخلاقيًا ؟ من المسئول عن نشر البلطجة والسرقه فى المجتمع ؟ من لم يضع قانون صارم ينفذ لمن يخطف او يسرق طفل او يسرق أعضائه؟ من من من من .......؟ أسئله لا تنتهى احنا وصلنا لحالة متردية جدًا مش عارفه حلها يبتدى منين بس الى متاكده منه ان التعليم والبطاله هم أساس كل الى بنمر بيه 
لنا الله وربنا يصبر أهل الطفل ويصبرنا على البلد المدمرة الغير آمنة دى !

8 comments:

  1. كل عام وأنت بخير ..الفساد مستشري في أمتنا من ساسها لرأسها

    اللهم أجرنا منه تحية ود وإعجاب

    ReplyDelete
  2. ربنا يرحمنا برحمته

    ReplyDelete
  3. موضوع ممتاز جدااً....ونتمني لكم التوفيق الدائم
    umzug-umzug
    wohnungsräumung wien

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore