نعمة أم نقمة؟

قدرتى على مواجهة اللحظات الصعبة فى حياتى تتجسد فى وسيلتين الهروب والبكاء لحد ماربنا يفرجها ، ديمًا يقولو البكاء رحمة وانه بيخرج الشحنة

وووو بس لحد امتى يفضل الإنسان يبكى ؟ ويتحمل حرقان العين الناتج من طول البكاء كتير بتمنى انى اكون باردة متبلدة عشان مبكيش يمكن لان ده هيحسسنى بقوة اكتر؟ 
لاننا ورثنا ثقافة ان البكاء ضعف؟
فى مواقف الواحد بيرتاح فعلا بعد البكاء وفى مواقف تانية بيكون البكاء فيها نتيجة شعور بالضعف والعجز وأحيانًا الإهانة ..

كتير بكره نفسى انى بنت لان فى ضعف ملازم ليا مهما حاولت اكون قوية برغم ان الناس بيحاولو يصبرونا بده ان ضعف المرأة قوتها لكن انا مبحسش كدا ،، قوة لمين لها ولا لغيرها؟

فى أوقات السلام النفسى الواحد بيتعايش وبيحمد ربنا على المميزات لكن فى أوقات تانية بكون هتجنن من عدم تقدير ضعف المرأة الخارج عن إرادتها والى بيحسسنى فعلًا وقتها برغبة فى الإنفجار نتيجة الإحتراق الداخلى 

4 comments:

  1. نقول ايه بس ما انا قوي وكلامي ممكن ميقنعكيش بس لو قلتلك ضعفك هو نفسه قوتك كبنت اللي به تاخدي به قلوب وعيون الناس البنت ضعفها جمال و ضعفها متورى فيه دهاء و عشان كده لازم تحبي ضعفك لانك بنت مش علشان الناس حوليكي مريضه يبقي معناها ان ضعفك وحش او ان ضعفك مرض بالعكس هو ده الكمال في البنات (ضعفها و مخها) بس سيبي القوه لعديم الاحساس العضلات و متتعبيش نفسك

    ReplyDelete
  2. ثانيا كنت عايز اسئل سؤال هو كل اعلانات ما فيش تعليقات

    ReplyDelete
  3. مش قادرة اشوف القوة الى فى ضعف البنات الحقيقة :) اما بالنسبة للاعلانات فدى منتشرة قوى اليومين دول وبكسل ادخل احذفهم

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore