الجمال نسبى

من رحمة ربنا انه خلق لكل عين رؤية مختلفة لجمال الأشخاص والأشياء كانت هتبقى مشكلة لو كلنا شايفين الجمال واحد والتفاوت فى معايير الجمال بيساوى الفرص بين كل الناس الى ممكن واحد يشوف واحدة حلوة قوى فى حين انك شايفها بعينك انت عادية ماهو لكل الناس شافتها زيك هتتظلم :-)  والعكس صحيح . 

اختلاف المعايير بيخلينا نكمل بعض لانى بحب الى انت مش محتاجه وانت بتحب الى انا مش محتجاه وبالتالى محصلش ضغط على حاجة واهمال لحاجة تانية وده بيخلق توازن فى الحياة عشان ميحصلش انقراض :-)
عشان كدا مش المفروض نقول على حد وحش وده احلى من ده ودى مش حلوة لان بغض النظر عن انها مخلوق من ربنا يجب احترامه واحترام صنع الله هى مش حلوة بمعاييرك انت مش معايير كل البشر .

معاييرك مناسبة لك انت بس،وزى مانت متحبش حد. يقول عليك وحش متقولش على حد وحش :-) 

وفى كل الأحوال قناعتى الشخصية ان جمال الروح اسمى واهم من جمال الشكل لأن جمال الروح بيخليك تشوف حد جميل قوى وسوء خلقه ودنائة قلبه بتخليك تشوفه قبيح جدًا

No comments:

Post a Comment

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore