لـلـرغـى فـنــون

ركن روحانى

2012-02-07T19:33:00.000-08:00

كتير بحس إنى غرقانه فى الحياة وماديتها بحس وقتها شوية بالحيوانية لأنى أهملت روحى وعلاقتى مع خالقها وده بيخلينى مش سعيدة بالحاجات الى كنت بتخيل انها هتسعدنى واكون نفسى فيها ومستعجلاها كمان

ده غير إنى كل ماتكلم مع الناس بمختلف عقلياتهم نادرًا مابلاقى حد نتكلم سوا فى إيمانيات واحس انى مشحونة كدا زى زمان

طبعًا مش حلو ابدًا إن الإنسان يعتمد على مصادر تقوى روحه زى "الناس مثلُا" ولازم يجاهد ويجاهد نفسه لحد مايقدر يهتم بروحه زى الأول

بدأت اطبق حاجة من فترة ولقتها نوعًا ما مجدية جدًا كل اما احس بالدنيوية قوى وانى غرقانة فى الدنيا بعمل حاجة واحدة

بروح اقعد فى الركن بتاعى واجيب مصحفى واقرأ كلام ربنا لى وكل اما احس ان الكلام بيمر قدام عينى ومش بيدخل دماغى افضل اقرأ لحد مااحس انى فهمت الرسالة بحس ان القرآن بيغسل القلب وينضفه من الصدأ ويوقظه تدريجى من غفلته المتراكمة الحمدلله على نعمة القرآن :)

فيما وراء الضى

2012-01-27T06:16:00.000-08:00

انا مؤمنة جدًا ان كل نهاية حارة سد فى خرم بيدخل ضى شعاع نور ولو بسيط يارب ساعدنى اوصل لنقطة الضى دى حتى ولو كانت سراب قد تقودنى للحقيقة

آمين

تجزئة المبادىء على الأهواء

2011-12-21T01:16:00.000-08:00

أسوء شىء ان تجد من يقوم بتجزئة ماينادى به ويؤمن به حسب أهوائه برغم أن المبادىء لا تُجزأ فكيف تصدق هذا او هؤلاء عندما ينادون بقيم وشعارات رنانة وعند وجود حدث ما تنتظر وتترقب رد فعلهم وقد تكون تتمناه حتى يشفوا غليلك من ظالم ولكن يخيبوا آمالك التى تمنتها ويؤكدا ماأنت مقتنع به تجاهم بانهم أصحاب مصالح وليسوا أصحاب مبادىء للأسف

فى الظروف الى بتمر بها مصر من شهور لحد الآن متجددة هى المواقف الظالمة ويزيد عدد المظلومين ولكن تجد من ينصرهم أقل بكثيير ممن يخذولنهم لمجرد انهم يختلفون مع أفكارهم او لا ينتمون إلى جماعتهم !

الظلم الواحد والحق أيضًا واحد ونحن يجب علينا نصرة الحق فى كل مكان وزمان ليس ان نجلس وننتقى من نكن بجوارهم ومن نعطيهم ظهورنا لأننا مختلفون معهم

ابرز المواقف سجن المدون علاء عبد الفتاح فتجد من يقول لا تقفوا بجواره فهو ملحد !

واحنا مالنا ياأخى هذا شىء بينه وبين ربه هل نصرة المظلوم لمن لا يترك أمامك الصلاة فقط؟ إذا كان نحن مأمورين مثلًا بنصرة أصحاب الديانات الاخرى ممكن يشاركونا الوطن فمن فسر لك بان لا تنصر من لا يؤمن بعقيدتك أو أفكارك

لقد أُمرنا بحسن معاملة الجيران لنفترض ان جيرانك فى البلد الغربية التى تعيش بها كلهم ملحدون ألن تحسن إليهم؟ ألن تقف بجوار أحدهم إن تعرض للظلم ؟

ألن تتمنى أنت ان ينصروك إذا تعرضت لموقف عنصرى او ظلم لأنك الأقلية فى بلادهم؟؟

ألم يشارك رسول فى حلف الفضول لنصرة المظلوم قبل الإسلام وبعد أن أصبح رسول قال لو دعيت إليه لأجبت النداء لم يقل لا أنصر مظلوم غير مسلم !!!!!

الكارثة الثانية الفتاة التى عراها الجيش وغيرها من البنات الذين يُسحلونهم وتنتهك عروضهم لمشاركتهم فى المظاهرات والتعبير عن آرائهم

تجد من يقول لك لما تذهب هناك؟ لماذا ولماذا؟

حقيقى لا أفهم مشهد كهذه البنت كيف لا ينتفض المسلمون له ؟ دى لو كانت فى بلد أجنبيه كان انتفض لها الغرب الى بنقول عليهم دول كذا وكذا

وكان زماننا بنلحن اصلهم بيكرهوا الإسلام ولازم نقاطعهم ومش عارف ايه

لا أفهم سكوت النا س كلهم أنعدم الرجال؟هل اختفت النخوة؟

كيف تسكت القوى السياسة جميعها وخصوصًا الجماعات التى ترفع الشعارات الدينية الرنانة وتطبيق الشريعة ووووو على انتهاك عرض مصرية ناس تقولى اصلهم ساكتين عشان الفتنة فتنة ايه؟

الفتنة مش اختلاط حق وباطل بردو فين الاختلاط ده بين حقير بيعرى البنت وحقير آخر بيضربها برجليه فى بطنها أين نخوتكم ؟

كيف اثق بك وانت بتنادى بتطبيق الشريعة الى من اول حروفها العدل ولما يحصل موقف زى كده الأقيك ساكت وواخد موقف خزى وعار لانها لا تنتمى لجماعتك؟؟ مالاختلاف بينك وبين الآخرين ممن يقولون مالايفعلون؟

فأنت تريد حكم بلد وليس حكم فئه يامسلم ! أليس من المفروض ان تعدل بينهم جميعًا وترفع الظلم عنه؟؟

اتقوا الله لقد ظهرت نواياكم فانتم لا تريدون إلا مناصب دينوية وسلطات ودائمًا عند ما
يوجد موقف يتطلب فعل
تنزوون إن لم يتفق مع مصالحكم وأهوائكم حتى لا تؤثر على مصالحكم وفى داهية الوطن

لا بارك الله فيكم وفى كل مسلم ماتت فطرته عندما ماتت نخوته ولم ينصر مسلمة او مسيحية محجبة او غير محجبة عشان مش مقتنع بلى بتعمله

الحق حق فى جميع صوره لم يصنف الله من نقف بجوارهم ومن لا نقف بجوارهم إذا لم نوافق على مايفعلون !لماذا لا ندافع عن المبادىء بشكل عام؟ لماذا ننتقى المواقف التى نأخذ لها رد الفعل؟

ربنا مايحكمكم على ولايا ياأخى

الفقير والمسكين

2011-12-15T08:21:00.000-08:00

الفقير هو الإنسان المعدم تمامًا أما المسكين فهو ليس معدم ولكن مايملكه ليس بكاف له لذلك قُدّم الفقير على المسكين فى الأحاديث والقرآن

ولكن يبقا السؤال المحير بما ان الصدقات فى أولويات خروجها بنشوف من الأهل والأقارب المحتاجين

إذا كان هناك فقير ليس من أقاربى أو جيرانى هل له الأولوية عن مسكين يوجد فى أقاربى مثلًا؟؟

سأحدث التدوينة بالإجابة عندما استطيع الوصول إليها عن طريق التعليقات او سؤال أهل العلم حاولت ابحث امبارح بس معرفتش اوصل لإجابة .

الحمل من الشهر الرابع للسادس

2011-12-13T00:00:00.000-08:00

بعد الجزء الأول من أعراض الحمل فى الشهور الثلاث الاولى ، احاول انا ارصد الجزء الثانى من الحمل فى الثلاث شهور الوسط

الشهر الرابع :

مع بداية الشهر الرابع تجددت آلام الظهر وأصبحت تتجدد فى بداية كل شهر بسبب زيادة حجم الرحم والجنين وبالتالى زيادة ضغط الرحم على الأربطه.

فى منتصف الشهر الرابع توقف أخيرًا القىء بعد أن ظننت انه سيتستمر معى للأبد :D

كنت طلبت من الدكتور فيتامين لمعالجة سقوط الشعر وكتبلى كبسولات "Pantogar"

ثم وقفت حمض الفوليك بعد المواظبة عليه طوال الشهور الثلاث الأولى بناء على كلام الطبيب وتم استبداله بكبسولات فيتامينات مجمعة "Haemotal"

أجريت اختبارات الدم والبول التى تم إجرائها فى بداية الحمل للتأكد من عدم وجود سكر حمل ونسبة الهيموجلين ف الدم وكانت النسبة أقل عندى درجتين سببت أنيميا خفيفة ونصحنى الدكتور وقتها بالاهتمام بالبروتين اكتر جمبرى بلدى ، لحمة ، أسماك عمومًا

كانت اكتر مشكلة تواجهنى زيادة نسبة الأملاح بشكل مؤلم جدًا لكعوب رجلى بالمواظبة على شرب شعير وماء قلت الأملاح

وطبعًا المشروبات الغازية فى اول 3 شهور كانت ممنوعة

الشهر الخامس :

لا جديد غير آلام الضهر ومشاكل فى النوم أرق شديد والنوم بالنهار لمدة اسبوعين تقريبًا مع الإحساس بحركة الجنين بشكل أوضح

ومع كل شهر جديد تزداد حركة الجنين ويزداد وضوحها
أخدت جرعة تطعيم تيتانوس والجرعة الثانية أخذتها فى الشهر السادس لتحسب حصول أى حادثة مفاجأة كدخول مسمار او اى قطعة حديدية فى يدى أو رجلى او حتى أن تكون إبرالخياطة بعد الولادة بها اى شىء بعد تعقيمها .

الشهر السادس:

ظهرت مشكلة جديدة فى آلام الظهر صعوبة التقلب من جمب لآخر أثناء النوم وأحيانًا لابد من الإستعانة بيد زوجى لأنهض من السرير

كنت بحس ان الفقرات ماسكة فى بعضها بشكل مستفز

بعد استشارة الطبيب كان أفضل الحلول تدفئة الظهر وفى حالة تكرار الآلام ممكن دهن مكان الآلم بأى مرهم عضلات وفعلًا لم احتاج المرهم عندما اهتممت بتدفئة جسمى جيدًا

ومن الأشياء الغير جيدة فى هذا الشهر تدهور الحالة المزاجية بشكل متكرر :(

ويبدأ فى هذا الشهر الشعور بالحموضة بالذات فى بداياته وبيكون افضل تعامل مع الحموضة تقليل المسبكات والمقالى واستخدام زيت الذرة عند القلى،واستخدام برشام او فوار حسب مايوصف الطبيب ، انا اتوصفلى برشام اسمه "Histac Randaxy" ومفعوله كويس جدًا.

تعتبر هذه الشهور كما يسمونها شهور العسل فهى أفضل شهور الحمل قد تنسين فيها انك حامل وتمارسين حياتك بشكل طبيعى جدًا :)

من وحى التسوق للعيد

2011-11-03T09:05:00.000-07:00

سؤال قد يبدو ساذج فى بلدنا العزيز بس ليه أسعار الأكل بتزيد قبل العيد؟؟ مش ده نوع من الإستغلال ولا مؤاخذه؟؟

لحد امتى هنبقا تحت تحكم التجار فين حماية المستهلك ياحكومة :@

يعنى انا نفسى افهم لما اشترى صنفين خضار مثلًا ب8 جنيه وصنف فاكهة يقارب عشرة جنيه ده يرضى مين فى بلد مرتباتها كحيانة اصلًأ؟

طيب واحنا الحمدلله قادرين نشترى طب الناس الغلابة مش من حقها تاكل؟ مش من حقها تشترى خضار او فاكهة؟؟

لو افترضنا ان الأكل رفاهية ومش من حقهم ياكلوا لما تكون واحدة حامل واهم حاجة انها تتغذى ومن أسرة فقيرة ذنبها ايه هى ومولدها يطلعوا بأمراض الدنيا عشان مش قادرة تشترى خضار ولا فاكهة؟؟

ولا اغلب رجال الأسر الفقيرة الى هما بيفحتو فى الصخر وفى الآخر مقابل جنيهات فى حين ان غيره قاعد باشا وبياخد آلافات مش من حقه يرجع يرم عضمه بأكله؟؟

امال لو كنا بنستورد الخضار كمان هيتباع بكام ؟ ده احنا حتى بناكل خضار وفاكهة متربين على الغالى على اجمد تشكيلة مبيدات !!

لما كنت بشترى الصبح جرجير وخس وبصل فجبت كمية بسيطة يادوب على قد أسرتى الصغيرة فالست الى بتبعيلى كانت قرفانة منى لما طلبت كيس منها وقالتلى كيس على دول بس مش مستاهلة !

انا تنحت طبعًا انا بشترى كمية قليلة لان الخضرة للأسف بعد 4 أيام بالكتير بتذبل وبتضطر ترميها فقلتلها يعنى اشترى كمية وتبوظ وتترمى مش حرام؟ مردتش عليا وادتنى الكيس بس طبعًا كنت مستغربة ان هنا فى المنصورة وفى بلد أهلى بيكون أحيانًا من العيب ان الواحد يشترى أقل من كيلو او حزمة واحدة من الخضار !!!

فى حين انه مش عيب ابدًا انها تبوظ وتترمى !!

كل حاجة داخلها منظره حتى فى دى؟؟ طب الى على قده بقا وميقدرش يشترى كيلو ونفسه يفرح أسرته بحاجة ينتحر ولا يعمل ايه؟؟ يعنى الناس بره بتشترى بالقطعة الواحدة يدخلوا يشتروا موزة واحدة وتفاحة واحدة دول بقا بخلاء ومعفنين؟؟؟

انا بحب ده فى المولات جدًا ان فى بعض الحاجات مينفعش تشترى منها كمية زى الزنجبيل الطازة مثلًأ وبشترى قطعة واحدة على قد استهلاكى ليه الشائع انى اجيب كيلو او اكثر لمجرد انه ميصحش؟

كفار كافر كافرز

2011-10-18T02:32:00.000-07:00

فيديو ملوش حل

التفكير قبل التكفير

2011-10-17T01:07:00.000-07:00

نفسى فعلًا الناس تفهم ان محدش بإيده يحكم على نوايا الأشخاص ولا حد بإيده يكفر شخص والأهم من كده ان أخلاق الإسلام لا تتجزأ ،، وحتى لو اختلفت فى الرأى مع أخ لك ليس من حقك أن تكفره او تسبه أو أو أين الدعوة بالحسنى؟؟

أين الإقتداء بالرسول فى التعامل مع الناس ؟؟؟ الرسول لم يكن يتعامل مع "الكفار" بقلة أدب !!!

هل تحاول أن تفكر فى كلام من تختلف معه؟ هل تحاول ان تحسن الظن به؟؟ هل تحاول ان تفترض ان كان يرى شىء لا تراه؟ من أين حصلت على تأكيد بانك انت من على صواب؟؟ هل حاولت أن تبحث فى دينك عن اصول لما قاله من تختلف معه؟

إلى متى نستقى معانى القرآن من الآيات المجردة؟

لماذا لا نفكر فى قراءة تفاسير الآية وشرحها حتى نفهمها؟؟ فهناك آيات تحتمل عدة تفاسير فلماذا إذا تعتقد بأن تفسيرك هو الأصح؟

لماذا لا تترك الحكم لله ؟؟ هل تريد فعلًا إظهار الحق أم إظهار "بأنك على حق " ؟

مازلت مقتنعة ان المتعصبين والمتطرفين فى آرائهم يعبروا عن مدى جهلهم بالإسلام وقبل ان تتخيلو انكم بالسب والقذف تعلمون الناس الإسلام ،، تعلموا أخلاق الإسلام وتعلموا الإسلام بتفاصيله الكاملة وليس بمظهر المسلم ولا أركان الإسلام فقط !!

مداخلة بلال فضل فى هذه الحلقة حول ماأثير مؤخرًا عن بعض التغريدات التى كان يعبر بها عن رأيه ،، الحقيقة الفيديو محترم جدًا واعتقد ان قبل م الناس تقعد توزع الكلام الى كتبه بلال فضل تحاول تتحرى تفاصيل الموضوع وقبل ماتصدر أحكام وهما غير مؤهلين من الأصل .

فَكَأَنَّمَا قَتَلَ ٱلنَّاسَ جَمِيعاً

2011-10-12T18:30:00.000-07:00

مذبحة ماسبيرو مش قادرة أخرجها من تفكيرى لحد الآن ولا قادرة استحمل حرقة قلب كل من قُتل له أخ ومش هقعد احلل وابرر لأن الموضوع فعلًا مكلكع ومش قادرة اوصل لأول من آخر فيه والبلد حالتها تغم

بس الى نفسى اتكلم فيه انى زهقت من الناس الى بتكره أصحاب الديانات الاخرى ومش طايقة الناس الى بتتمنى للطرف التانى القتل ومش بتتعاطف معاه لمجرد انه مش على ديانته حتى لو اتقتل مظلوم !

مش عارفة مين ادانا الحق اننا نقرر اننا الأفضل؟ ونقعد نحلل ونقرر مين هيدخل الجنة والنار الى هيا ملك وعلم غيب لربنا بس؟

ونفسى افهم هو ربنا مش قادر على جعل الناس كلهم على ديانة واحدة؟؟ يعنى اكيد لما خلق التعددية دى كانت لحكمة؟؟ ليه معندناش ثقافة احترام مخلوقات ربنا كلهم على اختلاف أشكالهم وانواعهم؟

مش احنا الى المفروض نقرر مين الأفضل فينا ومين الى يستحق دخول الجنة او النار ياريت الناس تركز على أعمالها فى دنيتها وتترك الحساب لرب الحساب !

ومتتخيلش ان بأسلوبك ده هتخلى المسيحى مسلم انت اصلًا بتنفره وبتخليه يكرهك وعمره مايفكر فى ديانتك ! الدعوة إلى الله فعلًا قبل أن تكون قولًا يعنى حسن خلقك مع الناس هو الى ممكن يخليهم يهتموا بدينك مش انك تقولهم ياكفار ! او انك متقفش فى صفهم لو مظلومين لمجرد انهم مش مسلمين ولا انك تغضب على دهسهم وقتلهم ايه الى يخلى واحد منهم يهتم بدينك وهو شايفك معندكش قلب وظالم !

ربنا مش ملك لأحد ده رب العالمين سواء مسلم أو مسيحى أو ملحد محدش من حقه يقعد يصنف وياريت الناس تبطل تفتى استنادًا على آية أو اتنين لان ده اكبر خطأ ممكن تعمله مش كل الآيات بتدل على المعنى الى حضرتك بتفهمه منه بعقلك الخاص لازم ترجع لكتب المفسرين ،، ومش كل الآيات ليه تنفيذ لأن فى الناسخ والمنسوخ ان آية تنزل توقف حكم آية أخرى

يعنى حقيقى أصعب حاجة عليا من يوم مابدأت ادرس علوم شرعية ان اقول على حاجة حلال او حرام مش عارفة الناس الى اصلا مبتقراش القرآن ولا حتى قرات تفسيره ولا ملمة بالأحكام الشرعيه يقعدو يفسرو فلان احسن من فلان وفلان هيدخل الجنة وهيدخل النار !

آخر حاجة أحب أضيفها ان التعصب سمة الجاهل

قُلْ هَلْ نُنَبِّئُكُمْ بِالْأَخْسَرِينَ أَعْمَالًا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (104) سورة الكهف

انتهاء تحدى القراءة

2011-10-07T16:30:00.000-07:00

بعتذر عن التأخير فى كتابة المقال الحمدلله انتهيت من التحدى الأول لقراءة 300 صفحة وكانت النتيجة انى قرأت 600 صفحة :)

بجد التحدى فرق معايا نفسيًا جدًا لأن أول مابدأته مكنتش بعرف اركز فى قراءة صفحتين !

ولكن لان العقل يعمل بكفاءة عند وجود تحدى فهذا ما تم !

فأجمل لحظة حين أمسك بالقلم الأحمر لأشطب على انجاز اليوم بأنه تم ، والآن استطيع ان أقول الحمدلله لقد عادت لى عادتى اليومية فى قراءة الكتب :)

وأكررها القراءة حياااااااة

حين كان يحدث ظرف طارىء ويمر يوم بدون قراءة العشر صفح كنت اتحملها على اليوم الثانى مع رغبة شديدة بعدم تكررها لأنى أريد أن أضاعف الهدف لا أن أقل عنه .

أدعوكم لاستخدام تحدى ال30 يوم لإكتساب عادات جديدة مع وجود جدول لهذه المدة أمامك حتى تنظر إليه بشكل مستمر ويحفزك

الآن بدأت عادة جديدة واحاول المواظبة عليها وهيا غسيل أسنانى قبل النوم :D لأن العادة الدائمة غسيلها بعد الصحيان ولكنى أنسى تمامًا قبل النوم ،أتشوق للإنتهاء منها والدخول فى تحديات أكثر وأكثر ....

تحدى قراءة 300 صفحة

2011-09-13T12:44:00.000-07:00

بعد إنتهائى من الإختبارات لعامى الدراسى الأول كنت أشعر بجوع ونهم شديد للقراءة فى الكتب العامة بعد توقفى لفترة حتى استطيع التركيز بالدراسة فكنت اقرأ فى مجال الدراسة فقط

وقرأت لمدة أيام ثم بدأت مرحلة الخمول والكسل بسبب الحمل المستمرة حتى الآن فمن بين كل ثلاث أو أربعة أيام يكن لى يوم به القليل من الطاقة

طبعًا إحساس عدم الإنتاجية يصيب بالإكتئاب لذلك منذ عشرة أيام قررت فى بدء تحدى يومى لمدة شهر بقراءة عشر صفح من كتاب واستمر به حتى نهايته وكان لهذا التحدى أثر محفز واخرجنى من الحالة المزاجية السيئة

واخترت ان ابدأ بعدد قليل حتى لا أرهق نفسى ولا أصاب بالإحباط لعدم الإكمال إذا كثرت عدد الصفح خصوصًا مع إنخفاض قدرات التركيز لدى وعدم وجود طاااااااااقة

كتبت جدول أمامى أراقبه يوميًا للتأكد من السير بشكل سليم لنجاح التحدى وله أثر إيجابى ومحفز للإستمرار حتى تحقيق الهدف وسأوافيكم بعد انتهاء العشرين يوم بما أحرزته وإذا كنت أتممته أم لا

دعواتكم :)

حتى لا تُمح العقول

2011-09-10T04:29:00.000-07:00

لم نتعلم فى ثقافتنا المستوحاة من التعليم او المجتمع أن نتأكد من كل معلومة يتم تداولها وأن لا نصدق كلام أى شخص بمجرد سماعه ، فوصل الحال بنا ان أى شيخ يفتى فتوى بقا كلامه ثقة حتى وإن كان مناقض للعقل، لماذا لا نبحث عن هذا المسألة ونسمع آراء اكثر من عالم ونسعى للقراءة بأنفسنا للنتأكد من هذا الكلام المنتناقض

بالمثل تداول كم كبير من الأحاديث واستخدامها كحجج وفى الآخر نكتشف انها ضعيفة او منكرة اصلًا ! انا للأسف مكنتش اعرف الموضوع ده الا من كام سنة لحد ماتعودت ان اى حديث أشك فيه اعمل بحث عنه وديمًا بيطلع ضعيف ! ، وأى حديث استعين بيه فى الإستدال بشىء ما أبحث عنه أولًا ، ومازلت لحد الآن مصدومة من كم الأحاديث المنتشرة والتى لا أساس لها من الصحة والمحزن انه يتم الإستعانة بها أحيانًا فى خطب المساجد وغيرها

والعذاب قمة العذاب عندما تحاول ان تقنع شخص من العائلة مثلًا بأن هذا الحديث ضعيف او انه غير موجود اصلًا ونُسب للرسول مثلًا : الجنة تحت أقدام الأمهات ،، استعينوا على قضاء حوائجكم بالكتمان، يس لما قُرئت له ، ان للــه عبادا اختصهم بقضاء حوائــج الناس، أبغض الحلال إلى الله الطلاق إزاى يبقا حلال وربنا يبغضه؟؟والقائمة طويلة

ماأريد إيصاله بإختصار ان لا نمح عقولنا عند قراءة أى كتاب او فتوى او سماع أى شيخ فالله لم يخلق لنا العقول حتى نُمحيها ونستعين بعقول الآخرين

عندما تقرأ أو تسمع أى معلومة افترض انها خاطئة او غير مؤكدة إلى أن يُثبت العكس لا تجعل أحد يقوم بغسل عقلك او إيصال مايريده لعقلك بدون تفكير منك حتى ولو كان عالم فكر أولًا لا تمح عقلك !

كن حذرًا فى نشر الأحاديث والإستدلال بها إلا بعد التأكد من صحتها وابحث او اشترى كتاب يتناول هذه الأحاديث الموضوعة للعلم بها

الأحاديث الضعيفة لا يستعان بها فى المسائل المتعلقة بالعقيدة ، ولكن هناك من يبيح العمل بالأحاديث الضعيفة التى تحث على مكارم الأخلاق ولكن مع العلم بانها ضعيفة .

محاولة لفهم القرآن

2011-08-22T05:35:00.000-07:00

ليه ديمًا بنعتبر رمضان شهر قراءة للقراءن فقط ومبنسعاش اننا نقرا تفسيره زى ما بنقرأه سريعًا ونهتم قوى اننا نختمه مرة واتنين

مالفائدة إذا قرائته بعينك فقط ولم يعه عقلك؟
اعتقد ان كلمة اقرأ تشتمل الجزأين القراءة بالعين او اللسان والعقل
نعم القراءة وحتى ان لم نفهمه يثاب عليها ولكن اكيد اكيد القراءة للتعبد والتفكر لفهم كلام الله وتطبيقه على حياتنا
ثوابه اكبر وأعظم

فهناك الكثير من السور نقراها بشكل يومى ولا نعرف لماذا اُنزلت ؟ ومامعناها كاملةً كما انك لا تستطيع استخراج العبر والدروس من الآيات إلا بمعرفة تفسيرها لأن ليست كل معانى القرآن يمكن استنباطاها بشكل مجرد ، فمعظم الآيات ليست بالمعنى الذى يتوارد إلى ذهنك من قرائتها مجردة .

فلنجعل الأيام المتبقية من رمضان محاولة لفهم معانى القرآن ، فلنبدأ بقصار السور أو بشكل عشوائى نبحث عن آيات جذبتنا ولم نفهمها بشكل كامل، او نختار سورة محببة ونحاول فهم معانيها

تفسير مختصر ابن كثير من أبسط التفاسير ، وأيضًا تفسير الجلالين .

الحمل من الشهر الأول للثالث

2011-08-21T05:21:00.000-07:00

انا حبيت اسجل تجربة حملى فى أول 3 شهور يمكن حد يستفاد منها ، طبعًا أعراض الحمل مش ثابتة لكل البنات ولا لكل الحمل يعنى ممكن اعراض تحصل فى أول حمل متحصلش فى تانى حمل وممكن أعراض تحصلى متحصلش لغيرى وهكذا ، لكن فى كل الأحول الحمل جهاد فى سبيل الله :) ونحتسب كل الى بيحصلنا فيه لعل الله يجعل فى ميزان حسناتنا

الشهور الثلاث الأولى بها أكبر الفرص لحدوث الإجهاض فعشان كده لازم نكون حريصين فى كل شىء بنعمله فى الفترة دى يعنى المشى مثلًا يكون بهدوء ، شغل البيت يكون بهدوء وبشكل متقطع ، حركة الجسم كلها تكون براحة

نبتدى بأعراض الشهر الأول:

تغييرات فى الضغط : انا مكنتش اعرف إنى حامل طول الشهر الأول بس كان ضغطى بيعلى كتير مع المجهود البسيط والخروج والسفر وبعد كده الدكتور قالى انه ده بيحصل أول الحمل بسبب التغييرات والحل للمشكلة دى انك لازم تقيسى الضغط لانك ممكن تتخيلى انه عالى ويكون واطى او العكس فلو شربت كركاديه مثلا ع أساس انه عالى هيوطى الضغط زيادة .

النوم المفرط : انا تقريبًا كنت بنام 12 ساعة مقفلة وكنت بستغرب جدًا برغم انى مبذلش مجهود لكن ده طلع طبيعى جدًا لأن تغيير الهرمونات بيرهق الجسد وبيحتاج انه يرتاح

آلام فى أسفل الضهر :وده الى خلانى أجرى اختبار الحمل اصلًا لأنى كنت عايزة اخد مسكن فلازم اتأكد انى مش حامل الاول خصوصًا ان الألم استمر معايا اكثر من يوم وده بسبب ان الرحم اربطته بتكون فى الضهر فعند حدوث الحمل بيزيد الضغط فى الرحم وبالتالى يضغط على الأربطة وحل الألم انك تنامى على ضهرك لحد مالوجع يقل وده بيزود فرص ثبات الجنين وإن كنت مش متحملة الألم تسألى الدكتور عن مسكن بالنسبالى الدكتور كتبلى بروفين "لبوس" فى الحمل يفضل اللبوس عن البرشام قدر الإمكان عشان ميتعبش المعدة
.

إدرار البول : بسبب ان حجم الرحم بيكبر فبيفضل يضغط على المثانة وبالتالى بتحتاجى تدخلى الحمام كتير .

سقوط الشعر : شعرى بيقع من أول شهر لحد الآن بسبب نقص الفيتامينات عندى وليه علاج بس مع منتصف الشهر الرابع وفى وصفة بلدى لكن مجربتهاش لسه وهيا دعك الشهر بزيت الزيتون

أعراض الشهر الثانى :

بالنسبالى ده اصعبهم لان المشاكل فيه بتكون أكثر

1- التقلصات والغازات : لأن الحمل بيسبب تغييرات فى الهرمونات فى هرمون منهم بيريح عضلات المعدة تمامًا وبالتالى بتقل عملية الهضم وده بسبب حدوث غازات وتقلصات بالذات لو مظبتيش طريقة الأكل وهى انك تاكلى مثلًا ست وجبات صغيرة بدل 3 وجبات كبيرة لانه بيمثل ضغط ع المعدة فى وجود عسر الهضم مجرد انك تقللى كمية الوجبات هتقل التقلصات تمامًا وكمان الدكتور كان كتبلى برشام فحم "أوكاربون " عشان يمنع التقلصات وده مصنوع من مواد طبيعية فمناسب للحمل

الغثياااااااااااااان : او مايسمى بغممان النفس وده أرخم عرض ممكن تمرى بيه ليه حلول بس أوقات كنت بحس انها فقدت التأثير منها انك تاكلى اول ماتصحى ثمرة فاكهة أو بقسماط او اى نوع كراكرز قبل ماتقومى مالسرير بربع ساعة مثلًا ، وفى كمان انك تاكلى جبنه قديمة او رومى قطعة منها هتهديكى كتير وفى مشروبات زى الزنجبيل بتهدى العملية دى بس فى آواخر الشهر مكنش حاجة بتأثر معايا غير انى افرد جسمى على السرير وده بينتج عنه فقدان للشهية

القىء : ابتدأ معايا بردو فى أول الشهر الثانى أول ماصحى م النوم بشكل يومى بعد كده الدكتور كتبلى على نوعين من اللبوس للغممان والقىء وفعلًا القىء وقف شوية والغممان قل شوية لكن كام يوم ورجعو تانى برغم ان كنت باخد اللبوس بشكل يومى والى عرفته بعد كده م الدكتور ان القىء والغممان اعراض حمل لا يمكن منعها ولكن تقلليها فقط فى ناس ممكن القىء يوصل عندها اكثر من 3 مرات فاللبوس بيحاول يمنع ده ويقلله لمرة او اتنين او تلاتة حتى فبعد ايام وقفت اللبوس لأن حسيت ان ملوش لزوم خصوصا ان كان القىء بيوصل معايا ل3 مرات وطبعًا اللبوس كان بيمسك المعدة جامد مع عملية القىء فكانت عملية مؤلمة لكن ميزة القىء انه بينزل عصارة صفرة كده بتقلل الغممان وكمان القىء بيطمنك على صحة الجنين لأن القىء ناتج من هرمونات التثبيت الى بتحصل فى أول 3 شهور فبيكون مؤشر ان الحمل مستقر الحمدلله
كمان ممكن تحسى انك بتقرفى من روايح معينة او اكل معين ابعديه عنك عشان ممكن يسببلك قىء بالنسبالى حصل مع البيض المسلوق فبقيت اكله مقلى ، وفى الآخر مع الفراخ فبقيت احاول اكلها باى طريقة تريحنى

الشهر الثالث :

اختفى الغثيان تمامًا ، استمرار الرغبة فى النوم ، تغير الحالة المزاجية والقىء مستمر مع فقدان للشهية فظيع وده انتج عنه خصوصًا مع الصيام انى وصلت لمرحلة مش قادرة اقوم من على السرير ولا اعمل اى شىء وطبعًا ده كان كارثة لأنه تعبنى جدًا لدرجة انى كنت بصحى م النوم بوجع فى بطنى م الجوع فطبعًا اضطريت أوقف الصيام وبقيت احاول أكل فاكهة واشرب عصاير قدر الإمكان لحد ماالروح رجعتلى تانى واختفت علامات البهتان من وجهى بشكل تدريجى ومع نهاية الشهر الثالث بترجع نفسك للأكل من تانى وبتقل أعراض كتيربرغم انى بدأت الرابع إلا إن القىء مستمر لكن ع كلام الدكتور كلها أيام ويقف وفعلًا ده من أصعب الى بيحصل للحامل لأنى بحس وقتها انى بطلع فى الروح خصوصًا لو أكثر من مرة

عودة للنجاح

2011-08-14T04:40:00.000-07:00

امبارح عرفت إنى نجحت الحمدلله فى أول سنة دراسة بمعهد الدراسات الإسلامية
طبعًا الإمتحانات دى كانت تحدى كبير جدًا ليا لكذا سبب أولهم إن دى أول دراسة فى حياتى باللغة الإنجليزية ، وأنا أصلًا مش قوية في اللغة فكنت طول السنة بحاول اصلح اللغة بجانب تعلم المحتوى نفسه واتمنى ان السنة الجاية أحسن اللغة اكتر واكتر إن شاء الله

زطبعًا لذة النجاح فى دراسة انت رايحها بمزاجك غير دراسة أجبرت عليها :~
تانى تحدى ان شهر ماقبل الإمتحانات كان عدم استقرار فى حياتى ونقلنا حياتنا للمنصورة وكنت الشهر ده فى بيت أهلى لحد مانلاقى شقة فى المنصورة وكنت بركز بصعوبة فى المذاكرة خصوصًا من أمى مكنتش معترفة بالدراسة تقريبا هههه وكل شوية عيزانى اساعدها فى المطبخ فكانت تشتيت زى الفل
اما شهر الإمتحانات نفسه فطبعًا لان الدراسة فى القاهرة قضيت الوقت ده فى بيت أهل زوجى وهو عشان شغله كان قاعد عند أهلى فكنا مشتتين زى الفل انا فى القاهرة وهو فى المنصورة
:D

التحدى التالت بقا ان أيام الإمتحانات اكتشفت إنى حامل وطبعًا مذاكرة وتركيز مع الرغبة فى النوم ووجود تعب الشهور الأولى والمواصلات كان حاجة زى الفل الحمدلله
:D :D

بس سبحان الله الأيام دى عدت وعشان كده مبسوطة جدًا بالنجاح ، اما للدراسة نفسها برغم اننا مدرسناش كم كبير بسبب ظروف الثورة والمعهد كان بادىء متأخر اصلا بس الى أخدته أفادنى جدًا جدًا وفعلًا وسع مداركى الفكرية وغير كتير من نظرتى واستفدت بشكل فكرى وعلمى الحمدلله ومقدرش انكر جهود الدكاترة وإتقانهم على قد مايقدرو ورغبتهم انهم يساعدونا بأى شكل ربنا يجعله فى ميزان حسناتهم

كل مااتمناه الآن ان ربنا يوفقنى فى السنة الجديدة لان التحدى فيها أقوى لأن لو ربنا تمملى الحمل ده على خير هكون ولدت أثناء الدراسة وانا نفسى اكمل الدراسة بجد الله يعين

حتى لا نفقد أرواحنا

2011-07-28T06:15:00.000-07:00

الحياة الصاخبة فى المدن لا تعطى لسكانها الفرصة للإسترخاء والتأمل وتجديد الروح وتنقيتها ولكنها للأسف تمحيها جانبًا وتهملها حتى تصل لإنسان ليس له روح ولكنه مهدود منعدم الطاقة التى يفرغها بشكل يومى فى المواصلات وزحمة المرور ودوامة الحياة والمصاريف وووووو

فى آخر أيامى بالرياض بدأت أشعر بأنى أفقد روحى المدينة مادية جدًا ليس هناك وقت للراحة الروحية كل ماحولك مول ومول بينهم مول ومطاعم وكافيهات ، لا أجد أى مكان هناك يجدد روحى اللهم إذا أتت الفرصة أن أجلس بحديقة عامة وهادئة وابدأ استنشق الهواء وهذا فى فصول الشتاء فقط طبعًا :)

حين عدت إلى مصر كنت اظنها الخلاص وعودة الروح وجودى بالقاهرة ظل يضغط على روحى بشكل جعلنى انهار ولا استطيع استحماله ، القاهرة مرهقة للأعصاب ترفع الضغط بشكل غير عادى ، الحميمية بين الناس شبه مختفية ، حين تركب مواصلة ليس لديك راحة الذهن التى تجعلك تفكر فى شىء ما ، تتأمل او أن لا سمح الله تقرأ كتاب كل مايشغل ذهنك متى ينتهى هذا الزحام؟ هل ياترى سأصل فى الميعاد؟؟ هل كف هؤلاء عن الشجار ؟ ما كل هذه المحلات؟ أكره أصوات الكلاكسات متى تنتهى؟

لن تستطيع ان تعطى راحة لروحك غير أن تخرج فى يوم جمعة حيث تصبح القاهرة خالية من كل مايسىء إليها

كانت زيارتى لأهلى فى المنصورة هى المنفذ الوحيد للتأمل ، التفكير ، التنفس فى هواء أقل تلوث ، التفكير فى علاقتى مع الله وتجديد إيمانياتى،ويشاء الله أن ننتقل بحياتنا إلى المنصورة حيث الهدووووء والمزيد والمزيد من الفرص لأن تفكر وتتأمل وتعيش هادىء الأعصاب ...
القاهرة هيا الجحيم على الأرض وإنى أشفق على أى إنسان يقيم بها ولا يخرج منها بشكل دورى كنوع من الراحة لروحه وجسده .
لقد خلقنا فى الأساس لنعبد الله ولكن هذه الحياة المادية التى كلما أحاطتك بشكل أكبر تجعلك تدور فى ساقية مادية بحتة ولا تعطيك فرصة للتنفس وأن تراجع إيمانيتك وتحسنها برغم أن هذا هو الأصل ، تميت روحك بشكل بطىء حينها ستصبح إنسان مهموم مهما أوتيت من ماديه لن تفرج أى منها كربك،فلا تنسى روحك وأعطها حقها مثلما تعطى لمعدتك وجسمك حقهمها وإن كنت تقيم بالقاهرة اخرج منها مؤقتًا كل فترة واستنشق هواء نظيف وهدوء

rebooks.me موقع مراجعات كتب

2011-07-11T01:14:00.000-07:00

مراجعات كتب خدمة جديدة تهدف إلى إثراء المحتوى العربى بكتابة نبذات وتقييمات لما قراته من كتب تستحق الكتابة عنها

الجديد فى الموقع أن إسهامك فى كتابة مراجعة للكتب له مقابل رمزى 30 جنيه للمقال ، وأعتقد الهدف من ذلك جذب القارىء وتحمسيه للكتابة وإتقان كتابة المراجعة .

نحن نشارك بآرائنا على مواقع كثيرة وعلى ومداونتنا ولكن فى إعتقادى تجميع المحتويات فى مكان واحد سيسهل على الباحث أن يجد مايبحث عنه فى المواقع المتخصصه.

لذا أدعوكم لدعم المشروع بالمساهمة فى كتابة مقالات بسيطة تلخص ما تفكر به عند إنتهائك من قراءة كتاب وكأنك تخبر صديق عنه

كل التوفيق للمشاريع التى تهدف لإثراء المحتوى العربى بإيجابية

B-L-A-C-K فيلم

2011-07-08T12:47:00.000-07:00

عمرك تخيلت انك لو خلفت طفل يُخلق أعمى أو أبكم أو أعمى وأبكم؟؟

ماذا تشعر من مجرد التفكير فى الفكرة؟ تشعر بإنقباض؟ أم تتمنى أن يموت هذا الطفل ولا تتحمل عناء تربيته؟؟

عندما شاهدت هذا الفيلم كان هذا أول مافكرت به ماذا سأفعل إن أنجبت طفل معاق مهذه البنت الجميلة؟ لن أكذب لقد انقبض قلبى من مجرد التفكير هكذا أنا لا أنتظر حدوث الشىء ولكن أنقبض مستقبلًا لمجرد التفكير ماعلينا

مأساة طفلة لا ترى ولا تسمع ومأسأة تعامل الأبوين معاها فى غاية الألم ، وأن يهملوها لأنهم يرونها معاقه فلا يحاولو أن يرشدوها للصح والخطأ كيف تأكل كيف تجلس والإهمال التام لها كحيوان أصعب ما تشعر به من مشاهدة الفيلم وللأسف فهو شىء واقعى لقد شاهدت إهمال الأهل للطفل (ة) المعاق وعدم توجيه لأى شىء فتشعر للأسف بأنه حيوان شارد

نقطة التحول فى الفيلم هيا المعلم الذى لديه رغبة واحدة وهيا مساعدة الفتاة بكل مالديه من طاقه ، أجل هو فيلم هندى ولكنه ملهم بشدة ويفتح أفاقك ويسع صدرك لكيفية تعاملك مع المعاقين من حولك وكيف تشعر بهم وعذابهم الداخلى وكيف ترسم الضحكة على وجوههم

الفيلم رائع بما يحتويه من رسالة لن أحرق الفيلم حتى تستمتع بالمشاهدة وحتى نزيد من إنسانيتنا للشعور بالآخرين :)

مشاهدة ممتعة

سياسة غسيل دماغ الأمن المركزى

2011-06-30T03:23:00.000-07:00

يوم 28 يناير كنت واقفة مع زوجى الصبح نركب مواصلة من عند ملف نادى السكة فعدت من قدامنا عربية أمن مركزى فلأننا واقفين فى ملف فكان فى وقت اننا نشوفهم كويس ونسمع الكلام الى بيقولهولنا الى هو " والله لنقطعكم النهاردة ونغسلكم " وطبعًا مع إشارات بالوش وتمثيل بالإيد فطبعًا أنا تنحت فى وش كريم من الطريقة بس طبعًا تأكدنا انهم مغسول دماغهم بشكل متقن قوى انهم داخلين ع حرب ضد فئة الشباب بدليل ان مجرد شاف اتنين شباب نزلو شتيمة فينا

وفعلًا اليوم انتهى بمجزرة بكل المقاييس ومحدش عارف مغسول دماغعهم بإيه بالظبط

نفس الفكرة للى حصل فى التحرير اليومين الى فاتوا ومع انتشار فيديو عسكرى الأمن الى بيرقص للمتظاهرين بالسيوف وبيستفذهم هو فى ايه؟
نفسى افهم العساكر دى ايه مبرر أفعالهم غير ان فعلًا مغسول دماغهم ؟ هما بياخدوا كام عشان يحسو بالإنسياق الكامل للسلطة بتاعتهم وينقلبو علينا ؟

هما المتظاهرين هيضروا عسكرى أمن مركزى فى ايه؟؟؟ مع انهم بيندوه بحقه زى حقوق باقى الأفراد بالظبط !
انا بجد بيصعب عليا شكلهم لما بشوفهم بس بيصعب عليا اكتر إن أحس ان دماغهم واقفة كده وبيتغسل دماغهم بسهولة !

القصاص ياشعب مصر "يلى متدين "

2011-06-29T13:23:00.000-07:00

الحقيقة أنا مش قادرة اتخيل الناس الى بتتكلم عن الشهداء بدم بارد دول بيفكروا إزاى؟
وإزاى احنا مش قادرين نقف وقفة رجالة عشان ناخد حقهم بما يرضى الله
بعد أحداث التحرير الدامية امبارح بدعى ربنا يطول نفس أهل الشهداء لحد مايخدو حق أولادهم وذويهم

انا حقيقى مش قادرة اتخيل اننا باردين قوى كده ياجماعة الناس الى ماات دى مـاتـــت يعنى ممكن ام ملهاش حد غير ابن واتوفى وهو الى كان مراعيها ومونسها فى وحدتها حد حاسس بالست دى دلوقتى عاملة ازاى كل ماتصحى وتبص على أوضته أو مختصاته؟ولا واحدة ملحقتش تتهنى بخطيبها او زوجها وقلبها اتحرق عليه ؟
حد حاسس بحرقة قلب الأم أو الأب الى كان نفسه يفرح بابنه ، حد حاسس بالضيق والكتمة الى بتيجى فى صدرهم من كتر الحزن وهما شايفين العصابة عايشة فى سجن ومستشفى آخر عشر نجوم

حد متخيل ان فى ناس اتقتلت وملهاش علاقة بحاجة زى واحد كان بيمسح وجوه المتظاهرين بخل وخد رصاصه والشاب ده والدته كبيره فى السن ويمكن كانت معتمدة عليه فى حياتها كلها معملش حاجة غير ان فطرته قالتله لازم تساعد أخواتك

والناس الى نزلت عشان تقول لحاكم جائر قتل وأفسد فى الأرض وأورثنا تنظيم فاسد ، ناس نزلت مكانتش جبانة وحكمت ضميرها وفطرتها بما يرضى الله مش قعد يشتم فى الثوار ولا شيخه قاله لا لو مت مش هتبقا شهيد عشان ده خروج عن الحاكم فمشغلش دمغاه وقعد ع الكنبه مع ان شيخه ده هتلاقيه متجوز أربعة وعنده أملاك وأطيان وبياخد م البرامج قد كده

لهو مطحون زيه بلا شغل ولا زوجة ولا حتى علم

لو كل واحد فكر ان كان ممكن اخوه او اخته او زوجته او زوجها او ابنه او والده الى اتقتل كان هيسكت؟
كان هيكتفى بكلمة ربنا يرحمهم وخلاص

مش احنا عاملين فيها شعب متدين طب فين القصاص لدم أخواتنا ليه منقفش مع الاهل دول كلنا
انا بجد طول الوقت بفكر فى الناس ى وبتحرج من نفسى قوى لما افتكر ان الناس دى ماتت عشان تحررنى وانا مقدرتش اعملهم أى حاجة

بس على الأقل على الأقل كل واحد يحاول يشوف أسرة شهيد يراعيها نفسيًا ولو محتاجين يحاول يساعدهم ماديًا
الناس دى لازم نشيلها فوق دماغنا طول عمرنا وعمر ماده هيرجعلهم ضناهم الى مات بس على الأقل نعرفهم اننا مقدرين ومش ناكرين الجميل

بالله عليكم لو اتعمل مليونية ننزل كلنا ونطالب بحاجة واحدة القصاص عشان نار الناس دى تبرد
احنا لازم نتفرج ع صور الشهداء كل شوية ونتفرج على فيديوهاتهم وهما بيتقتلو عشان نفضل صاحيين وعشان نحفز نفسنا ديمًا اننا منسكتش على أى غلط

غير قابل للكسر

2011-05-20T09:33:00.000-07:00

مايُكسر بكل سهولة لا يمكن تصليحه بنفس السُهُولة
لأن سُهولة كسره كانت تقتدى منك الحرص ، فأنت تعلم بأنه قابل للكسر من أقل خدش
الآن أنت حزين لأنه مكسور؟أم لأنك ستقضى وقت كثير فى إعادة إصلاحه وقد لا يعمل مرة أخرى أو سيعمل ببطىء؟أم أنك لا تحتمل تأنيب ضميرك بأنك كسرت شىء ضعيف لا يوجد مقارنه بين قوتك وضعفه؟
ألم تفهمنى بعد ؟ حسنًا دعنى أُعيد الصياغة مرة أخرى أنت تعلم بأن جلد العصفورة رقيق جدًا لماذا تعمدت جرحها ؟ لأنها خدشت إصبعك وأنت تحتضنها؟ هل هذا العقاب يتناسب مع العصفورة؟؟
الآن أصبح لديك عصفورة ضعيفة مجروحة تتألم بأكثر من مساحة جرحها هل بوضع جلدها المنسلخ عنها لمكانه مرة أخرى سيزيل الألم الصادر من جرحها ؟ لا أعتقد ذلك ..

الفجوات العائلية

2011-05-09T23:54:00.000-07:00

عمرك حسيت بفجوة بينك وبين أهلك؟ تحس ان فى مسافة كبيرة قوى بينكم وطول الوقت مختلفين وبتكون النتيجة إنهم يعزلوك عنهم وديمًا يعتبروك ليك دماغ لوحدك ومبيعجبوش العجب ولا الصيام فى رجب؟

من إنشغالى المستمر بالفجوات الأسرية دى وإزاى نقدر نتعامل معاها ألخص الأسباب فى إن الآباء توقفوا منذ زمن عن تطوير أفكارهم وآرائهم وكيفية تعاملهم مع أبنائهم او تقبل شخصياتهم وكل مايقومون به هو أسلوب الهجوم عليه والنقد المستمر بحجة إنهم الآباء وأنهم الأكبر عمرًا شغل ذُل من الآخر .

هل الآباء بيهتموا بطريقة تربيتنا اصلًا وإزاى يتعاملوا معانا ويكون فى بينا مساحات مشتركة ولا بيخلفونا عشان يعذبونا ونربى أنفسنا بأنفسنا؟ لماذا نحن دائمًا مطالبون ببر الوالدين وطاعتهم فى حين إن أغلب اعتقاداتهم وآرائهم تكون خاطئة بنسبة كبيرة وتعتمد على المظاهر او كلام الناس او العيب ، فهم يتمسكون بالعيب أكثر م الحلال ويتمسكون بالعادات أكثر من الحرام ، ولا يهتمون بإسعادنا فى صغائر الامور والأمنيات التى قد تكون مهمة جدًا لنا؟

طيب احنا نعمل ايه؟؟ كل مابنقرأ وبنتعلم ونتطور فكريًا بنرفض عادات كتيرة او قيود ليس لها أى أساس من الصحة موجودة فى الوسط العائلى وهما للأسف مبيتقبلوش ده برغم إنهم فى أحيان كتيرة بيكونوا عارفين إنهم خطأ لكن كبريائهم بيمنعهم إنهم يغيروا فعلهم قدام أبنائهم لأن المفروض انهم على صح دائمًا

بعد تجربة الزواج خصوصًا البعد عن الأهل لفترات طويلة عندما تعود إليهم تشعر بأنك تكتشفهم من جديد ! وهذا الإكتشاف يزودك بصدمات متتالية وبيصعب علينا المعيشة سويًا من جديد .

أكتر حاجة بتضايق انك تفضل شايفهم طول الوقت بيعملوا أخطاء ويصعب إقناعهم بأنهم على خطأ ، فهم لا يتقبلون حتى تصحيح اداء عبادة معينة بحجة إنهم اتعلموها كده !
ناهيك عن رؤيتهم فى الحياة التى يصرون على وضعك فيها بالعافية وإلا تكون فاشل ،مثل أن تؤنبنى أمى طوال الوقت بأنى لا أعمل بعد الزواج وبأنى كنت أعمل أيام الجامعة وكنت أكثر حماسة ولا تهتم بانى أدرس علوم شرعية كواحدة من أمنياتى ولا تراه إنجاز بل الإنجاز الحقيقى هو فى العمل حتى إذا كان هذا العمل لا يناسبنى ، فدائمًا مايصبنى هذا الكلام بخيبة أملهم فىّ من وجهة نظرهم أما من وجهة نظرى فهذا ماأريده العلم ثم العمل المناسب لى فقط

إصرارهم على أن يشعروك بأن حياتك لم تكتمل بسبب عدم زواجك حتى الآن فى حين كل البنات اتجوزت ؟ وعدم وجود اطفال فيها بغض النظر عن رغبتك فى تأجيل الأمر أو عدم الإهتمام به لحين تحقيق أهداف معينة وهم قد يجعولنك أكثر إصرارً على عدم الزواج أو عدم الإنجاب بدون أن يعلموا !

لماذا ننجب إن لم يكن لدينا رغبة مستميتة لتربية الطفل حتى نغادر لحياة بدون أن نفقد حلقات تواصلنا معه؟ من قال ان دور الآباء ينتهى عند بلوغ الأطفال وتعتبر انك كده ربيتهم وأديت مهمتك ؟ هل تفكر فى كيفية تسهيل حياة أبنائك عن إتخاذ كل قرار فى حياتك ولا تفكر فى نفسك فقط ؟هل تتعلم كيف تأتى بطفل تسعده طوال عمره لا أن تقيده بوضعه فى قالبك الخاص الذى قد لا يناسب حجم طفلك ولكنه فرض عليه لأنه الإبن !

مين الى المفروض يحاول يوصل للتانى الآباء ولا الأبناء؟
قد يكون لدينا المقدرة على الوصول إليهم ولكن حتى نحاول نقلل الفجوات دى فمهما كان ده مش دورنا لوحدنا كأبناء لازم الأهل يحاولوا يقللوها من جانبهم،لكن لو مش عارفين نوصلهم لازم يساعدونا إننا نوصل لبعض مش هما الكبار بردو؟لازم يحترموا أهدافنا ورغباتنا وأحلامنا وميكسروش مقادفنا ، وزى مابيكون همنا إرضائهم وسعادتهم وتقبل عيوبهم لازم هما كمان يحاولوا يسعدونا أو على الأقل مينكدوش علينا ويتقبلونا كما نحن وليس كما يريدون هم .

نحن نحب آبائنا وسنحزن عليهم كثيرًا بعد رحيلهم ولكن لا نريد منهم ترك آثار غير مرغوبة تستمر معنا طوال العمر :(
وعلى رأى دكتور أحمد خالد توفيق الى مشبعش على طبلية أبوه عمره مهيشبع فى أى مكان

TEDxCairo 2011

2011-05-09T00:31:00.000-07:00

لتسجيل حضور مؤتمر
TEDxCairo 2011
آخر ميعاد للتسجيل 14 مايو..أسرعوا ;)

أفكار تستحق الإنتشار :)

يارب استخدمنى

2011-05-07T03:58:00.000-07:00

انا مش هموت زى ماتولدت لازم اسيب بصمة أنا لم أُخلق عبثًا كى أموت عبثًا

الفضوليات الفاضيوااات

2011-05-04T23:41:00.000-07:00

انا بكره فكرة الفضول فيما لا يخص الفرد من خصوصيات الآخرين وأخبارهم وحياتهم ، ويمكن كنت فى يوم ما فضوليه مش فاكرة اخر مرة كنت فضوليه فيها امتى؟ بس اعتقد قبل الثانوية العامة كانت دماغى فاضية بقا!

ويمكن الى كرهنى فى الفضول نفسه لما شفته متجسد فى ناس حواليا اوقات مبتحسش بقبح صفة ما فيك غير لما تشوفها متسجده فى شخص غيرك
المهم ان دلوقتى فكرة البنات دول بتغيظنى جداص خصوصاصًأ لما تكون مصحوبة بوقاحة وصراحة انهم عايزين يعرفوا لمجرد انهم يعرفوا

وهيا أصلاً أشياء لن تفيدهم بشىء فقط يريدون معرفة كل شىء عن الآخرين وبس
اعتقد ان دول لو حولوا طاقة الفضول دى لفضول معرفى هينجحوا جداً بس للأسف الى زى دول أغلبيتهم مش بيهتموا باستغلال ذهنهم وعقلهم فى أشياء مفيدة ويفضلون فلانة وعلانة .

فقط أقول لهم : "من حسن إسلام المرء تركه ما لا يعنيه"

خاطرة اليوم

2011-04-28T19:48:00.000-07:00

المرأة تحتاج لمن يروضها لا لمن يقيدها

إلهى ينتقم منكم :@

2011-04-20T02:51:00.000-07:00

حقيقى أنا لحد دلوقتى مش قادرة اتخيل ان فى بنى آدمين عملوا ده حسبى الله ونعم الوكيل فيهم كلهم الى خططوا ونفذو ربنا ينتقم منهم جميعاً
والله كل ماشوف فيديو زى كده بندهش ومش قادرة اتخيل ان ده عندنا احنا !كل ده ليه؟ عشان كرسى ؟ وفلوس؟
فعلاً ناس ربنا أعمى قلوبهم وغطاها بشهواتهم

بجد عار على كل مصرى كان حزين برحيل مبارك او شفيق الى قال محدش هيمس المتظاهرين وعلى رقبتى وتانى يوم كانت المعركة دى؟
عار عليه اصلا لو محترم زى مابيقولو انه كان يستمر

شكراً للجنة تقصى الحقائق على مجهودها

مش ممكن بجد الناس دى نسيت ربنا أكتر من أى ملحد مش مؤمن بوجود ربنا اصلاً

ربنا يذل كل واحد شارك فى قتل أو إصابة شخص بدءً من مبارك الى مش هيشفى غليلنا منه غير الإعدام ده أقل حاجة لظالم ، أفسد فى الأرض وقتل الناس جميعاً

انا آسف يابرنس

2011-04-11T03:42:00.000-07:00

حتى لا أنسى

2011-04-01T09:06:00.000-07:00

المكان : صالة الشقة -ترابيزة الكمبيوتر وعليها اللاب توب
اليوم : الجمعه 1-4-2011
الوقت : 3:35

الحدث: فى هذه اللحظة قمت بفتح ملف نصى لكتابة الخطوط العريضة لحلم حياتى كبداية لتنفيذة حصل الآتى لقيت الترابيزة بتتهز والكرسى الى قاعدة عليه وطلع زلزال متوسط القوة وهنا هى الحظة التاريخية التى عرفت فيها ماأريد أن أفعله فى حياتى حصل زلزال أمال لو نفذته بجد بقا هيحصل ايه :D

عزيزتى طمطم

2011-03-31T15:29:00.001-07:00

بعد التحية والسلام

امبارح كنت بفكر قد ايه أنا ممتنة ليكى يمكن عشان ربنا خلاكى سبب انى ابدأ المدونة دى لولا زنك عليا مكنتش فكرت خالص إنى اعمل مدونة لانى مكنتش مقتنعة انى بعرف اكتب فى أى حاجة ويمكن وقتها كنت كده فعلاً

ومش هتتخيلى المدونة دى نمتنى جداً وفى ازدياد بشكل فكرى واجتماعى ولغوى
والأجمل إنها بقيت ركن جميل فى حياتى

المدونة ماشية فى السنة الرابعة وبرغم ده أنا لسه مشفتكيش لحد دلوقتى

بس الأكيد إنى بحبك فى الله يا طمطم <3

استخدمه أو افقده

2011-03-30T00:54:00.000-07:00

جه فى ذهنى ملاحظة بسيطة كده وأنا بعرف سن كاتبة مفضلة ليا انه 73 سنة ماشاء الله ربنا يبارك لها فى عمرها
إن أغلب المثقفين البارزين فى مجتمعاً ،والى بيأرخو احداث كتيرة حصلت فى مصر فى كتبهم كبار فى السن فعلاً وبيرو علينا كل فترة أحداث من وقت الملك فاروق ومابعده .
وده خلانى احس ان قوة الذاكرة عامل مشترك كبير بين هؤلاء المثقفين فى حين أن أماهتنا مثلاً موصلوش للخمسين حتى وبيحسسنوا انهم خلاص هيموتو بكرة وديماً مش عايزينا نقولهم انتى نسيتى كذا؟

الى عايزة اقوله ان يمكن لأن أغلب أمهاتنا مبيمرنوش عقولهم فى حاجة مفيدة وبتقتصر على حفظ وصفات الأكل أو المسلسلات وماشابه من الأشياء الصغيرة حجماً وإفادة ، فده مبيكنش نوع من التدريب لذاكرتهم وعقلهم وبالتالى تهدر قدراتهم بشكل مستمر عكس المثقفين مثلاً أو أى إمرأة تطلب علم او تعمل بشكل فتجد قدرات عقلها وذاكرتها فى زيادة مستمرة أى ان الأصل والله اعلم ليس فقدان الذاكرة كلما تقدم الشخص بالعمر او ان قدرات الذاكرة تقل بنسب تختلف من فرد لآخر ومن حالة ذاكرته من البداية

وهذا يذكرنى بمقولة
Use it or lose it
فالعضو الذى لا يستخدم يضمُر

إحباط السنين

2011-03-29T05:04:00.000-07:00

مابين أحلامى وأفكارى وطموحاتى ومابين واقعى فجوة كبيرة جداً مسببالى إحباط شديد،انا شايفة انى كان بإستطاعتى أكون أفضل من كده بكتير وأحقق حاجات كتيرة،لكن حاسة انى بيضيع منى وقت كتير من غير مااستفيد منه
السنة الى فاتت مثلاً كانت سنة البحث عن الذات مريت بشهور عصيبة عشان اعرف أنا عايزة ايه ومكنش فى أى إنجاز غير إنى دخلت المعهد
الىّ زود إحباطى الفترة الأخيرة إنى بدأت أشوف بنات كتير من سنى وحققو إنجازات وشبه ماشيين على طريق تحقيق أحلامهم وأهدافهم.
حسيت إنى فعلاً ولا حاجة وإنى مبضفش أى حاجة برغم إنى حاسة بطاقة كبيرة جوايا ونفسى اطلعها لكن مش عارفة فين وإزاى؟
نفسى اركز أكتر واشتغل على حاجة واحدة وأنجح فيها
بجد ماتمناش أبداً إنى أموت زى ماتودلت
أنا بجد مش مبسوظة ولا راضية عن نفسى ابداً
يارب أعنّى

اسكندريلا :))

2011-03-25T15:24:00.002-07:00

من سنة تقريباً عرفت الفريق ده ب3 اغنيات :

حيوا أهل الشام

بشويش

يحكى أن

الحقيقة انى مكنتش بسمع اغانى بقالى كذا سنة وحتى لما كنت بسمع مكنتش عرفت أتذوق الهادف منها وفى خلال السنة الى فاتت دى بقيت استمتع بالأغانى الهادفة دى وبحس فعلاً انها بتسببلى حالة نشوة فكرية وشعورية برغم ان لو حد جمبى سمعها ممكن يستغرب م الى بسمعه بس فعلاً قمة فى الرقى والذوق .

فريق اسكندريلا وده رقم واحد فى فرقى المفضلة امبارح أول مرة احضرلهم حفلة كانت فى الأوبرا قبل صالون دكتور علاء الأسوانى بجد كنت مستمتعة جداً وكنت حاسة ان المسرح بيتهز من أصواتهم القوية "ماشاء الله " كمان الأغانى حماسية بشكل غير عادى واعتقد دلوقتى بعد الثورة النوع ده بقاله مذاق خاص يعنى فى أغانى كنت بشوفهم بينهجو جامد بعد مايخلصوها من شدة التفاعل فى الآداء امبارح بس عرفت ان الغالبية الى بيغنو بيغنو علينا

:D الأغنية دى عملوها أيام الثورة وهتلاقو على اليوتيوب حاجات كتير ليهم أغلبها تراثية

فى ناس ممكن يكون اللون ده جديد عليها ومتعودين على النوع الدارج :D
واحدة واحدة هتقدر تتخلصو من إدمان الصنف ده وتستبدلوه :D

عيد الإستفتاء

2011-03-20T05:45:00.000-07:00

امبارح كلنا رحنا الإستفتاء كأننا فى العيد وفرحانين ، ووقفنا فى طوابير من غير تذمر ولا ملل،يمكن لأننا من زمان نفسنا نعمل كده بس دى أول مرة نثق ان صوتنا هيفرق ،وعندنا أمل اننا نقدر نغير بجد الأيام دى.

انا كنت مبسوطة قوى بالتنوع الإجتماعى فى الطابور وان فى ناس من كل الاعمار وناس كبيرة جداً فى السن سواء ستات او رجال،ناهيك عن الإستمتاع بالنقاشات الجانبية .

لكن اسوء شىء هو التحزب الى موجود على الساحة بين فريق نعم ولا،والفتاوى العجيبة بتاعة لو مقلتش نعم عتروح النار وهتقول لربنا ايه والكلام ده ، بصراحة المتاجرة فى الدين دى لازم تقف استغلال جهل الناس لآراء ومصالح شخصية شىء مقزز جداً!
من الامانة انك تعرض وجهتى النظر والشخص الى ربنا اداله عقل يفكر بيه هو الى يختار! واصلاً اصلاً محدش يقدر يثبت ان الى بيقول نعم صح ولا الى بيقول لا صح ، بسبب فقدان حلقات كتيرة مش واضحه وكلام متضارب
كل واحد بياخد قراره على أساس المعطيات الى قدر يجمعها من كلا الطرفين مش عشان حزب ما ينزل الإنتخابات ولا الكلام الفارغ ده

امبارح فى شاب جه يوزع علينا ورق واحنا فى الطابور نقول نعم اتنرفزت جداً ، رحت قلت للظابط وادتله الورق قطعه ورح كلمه من حقه يعلق ع صدره يفطة نعم لكن مش من حقه ييجى يدينى ورقة يقولى قولى نعم انا !

نفس الكلام لأئمة المساجد الى بيحرضو الناس يقولو نعم أو بابا الكنيسة الى بيحرض الناس يقولو لا
انتو وظيفتكم تحرضو الناس على المشاركة وتعرضولهم الآراء بمنتهى الحيادية مش على خط واحد

وأتمنى ان التحريض ده كان يبقا موجود أيام مبارك بس الى فات فات عشان منقلبش كتير فى الماضى :D
اتمنى بجد حوار الإخوان والسلفيين والعلمانين ده ينتهى قريب ونبطل خناقات واتهامات وكل واحد يعلم نفسه أحسن ازاى يتعلم الديمقراطية ويقدر يتعايش مع الناس بشكل مهذب ربنا هو القادر ع توحيد العالم كله تحت راية واحدة لكن اكيد يعنى خلق التنوع والإختلاف لكذا حكمة معتقدش من ضمنها اننا نقطع بعض شتيمة وإتهامات فى الأول والآخر لازم نراعى اننا كلنا مسلمين لازم نحترم بعض اكتر من كده
ونحترم مشاركة أخواتنا المسيحيين فى الوطن لأننا يجمعنا مكان واحد والدين لله والوطن للجميع

قلت نعم قلت لا خلينا نتفق اننا عايزين مصلحة بلدنا رقم واحد وندعى ربنا انه يوفقنا لما فيه الخير والصلاح لنا أجمعين

وكان التوثيق ضرورى لهذا اليوم التاريخى فوثقه غالبية الشعب وأنا منهم بصورة للصوبع البمبى
:D

العلم والعقل

2011-03-15T13:11:00.000-07:00

إن المعرفة الجيدة أسبق عند الله من العمل المضطرب ، ومن العبادة الجافة المشوبة بالجهل والقصور
قال رسول الله : فضل العلم خير ممممن فضل العبادة وقال "قليل العلم خير من كثير العبادة " وقال " أفضل العبادة الفقه " وقال رسول الله " ياأباذر لأن تغدو فتعلم آية من كتاب الله خير لك من أن تصلى مائة ركعة : ولأن تغدو فتعلم بابا من العلم عمل به أو لم يعمل به خير لك من أن تصلى ألف والسر فى هذا الحكم أن عبادة الجهال - كصداقتهم - قليلة الجدوى ، وهم يضرون أنفسهم من حيث يريدون نفعها ، ويؤذون أصدقائهم من حيث يبغون راحتهم ، وجهلة العباد يستمسكون الذين استمساكاً شديداً ، ويتعصبون له تعصباً ظاهراً ، ولكنهم فى ساعة رعونة وغباء يقفون منه الموقف الذى يلحق به الأذى والمعرة ، ويجر عليه المتاعب الجمة ، أما أولو العلم فإن بصيرتهم الذكية تحكم مسلكهم وتلهمهم الرشد ، فلو قل عملهم كثر مايصحبه من سداد وبصر.

ولذلك يقول رسول الله :"فقيه واحد أشد على الشيطان من ألف عابد " ، ويقول :"فضل العالم على العابد كفضلى على أدناكم رجلا " .ولما كان ضيق الأفق لا يدع للإيمان امتداداً ، قال الله عز وجل : " وتلك الامثال نضربها للناس وما يعقلها إلا العالمون "

والعلم الذى يقبل عليه المسلم ، وتستفتح أبوابه بقوة ، ليس علماً معيناً ، فكلما يوسع منادح النظر ويزيح السدود أمام العقل النهم إلى المزيد من العرفان وكل مايوثق صلة الإنسان بالوجوه ، ويفتح له آماداً أبعد من الكشف والإدراك .
قال رسول الله : " من سلك طريقاً التمس فيه علماً سهل الله له به طريقاً إلى الجنة ".
وقال : "مااكتسب مكتسب مثل فضل علم يهدى صاحبه إلى هدى أو يرده عن ردى ! وما استقام دينه حتى يستقيم عقله ! " .وقال : "إن الله وملائكته وأهل السموات والأرض ،حتى النملة فى جحرها وحتى الحوت فى جوف البحر ليصلون على معلم الناس الخير".

فالسياق فى هذه السنن يوجه إلى أى علم يطلب : تعلم الخير ، الحكمة ، مايقى من الضرر ، مايقرب من النفع .وتخصيص العلم بلون معين من الثقافة كتخصيص المال بنوع معين من الأملاك لا وجه له .ولا شك أن فى طليعة ما تجب معرفته حق الله على الناس ، وحق الناي بعضهم على بعض ، فإن هداية السلوك إلى الصالح العام كبيرة الأثر فى تنظيم الجماعات وتوجيه السياسات لكن من الخطل أن نظن العلم المحمود هو دراسة الفقه والتفسير وما شابه ذلك من فنون فحسب . وأما ماورائها فهو نافلة يؤديها من شاء تطوعاً أو يتركها وليس عليه من حرج .. !!

هذا خطأ كبير ، فإن علوم الكون والحياة ، ونتائج البحث المتواصل فى ملكوت السماء والأرض لا تقل خطراً عن علوم الدين المحضة ، بل قد يرتبط بها من النتائج ما يجعل معرفتها أولى بالتقديم من الاتستبحار فى علوم الشريعة .

وحسبنا أن القرآن الكريم عندما نوه بفضل العلم وجلال العلماء إنما عنى العلماء االذين يعرفون عظمة الخالق من عظمة الخلق ، وإنما عنى العلم الذى ينشأ من النظر فى النبات والحيوان وشئون الطبيعة الأخرى .

محمد الغزالى- خُلق المسلم

استفتاء التعديلات الدستورية

2011-03-12T02:09:00.000-08:00

الحقيقة انا محتارة جداً مش عارفة اقول نعم ولا لا شوية اقتنع بأنه نعم وشوية اقتنع بأنه لا

اعتقد انى لحد قبلها بيوم هفضل محتارة :S

دى التعديلات الدستورية للى مقرأهاش لسه
ودى مقالات كتبت عن الموافقة أو الرفض ياريت كلنا نطلع على جميع الآراء عشان نقدر نقول اه أو لا ونكون رؤية واضحة

I will Go and say No !

نعم للتعديلات الدستورية المعدلة

نتكلم فى المفيد بقى

حديث الساعة ...1- التعديلات الدستورية

الوجه الآخر للتعديلات الدستورية .. صلاحيات الرئيس

التصويت بنعم للتعديلات اسرع طريق لدستور جديد! دعوة لنقاش اكثر عمقا

سأصوت بنعم للتعديلات الدستورية ،وأدعو الناس للتصويت

الإستفتاء على التعديلات الدستورية

قرب قرب تعديلات تعديلات

انا رحت محاضرة دكتور سليم العوا يوم السبت الى فات اقتنعت أقول اه

رحت ندوة دكتور علاء الأسوانى يوم الخميس الى فات اقتنعت إنى أقول لا

كل واحد ليه أسبابه الوجيهة بردو :S
ياريت تشاركونى بآرائكم
ولو حد عنده مقال أو بوست يحطه عشان كلنا نقرأ آراء بعض

الإمام النووى

2011-03-07T00:33:00.000-08:00

أدرس هذا الكتاب فى مادة الحديث وهو شرح لأحاديث الأربعين النووية وفى مقدمة الكتاب كان هناك سرد عن حياة الإمام النووى لم أكن متحمسة للقراءة فى البداية ولكنى قرأت أول صفحة حتى آخر صفحة فى سيرته ، أنا مكنش عندى معلومات عنه لكن سيرته ملهمة قوى

طبعاً طول الوقت بتحس انك عمرك ماهتوصل لدرجة الجديدة دى لكن كل مابقرأ عنه بتحمس انى اكون جادة على قد ماقدر فى حياتى ، وهو طفل كان بيحفظ القرآن وبكى مرة عشان الأطفال أجبروه يلعب معاهم وراح عليه وقت القرآن

برغم انه توفى وهو عنده 44 عام إلا أن ربنا باركله فى وقته قوى وأنتج ودرس وتعلم مايقوم به الآخرين فى ضعف عمره
فكان النووى يسكن فى غرفة صغيرة جداً بالمدرسة التى التحق بها وكان يحضر المحاضرات ثم يعود للإستذكار ثم يلخص ويكتب وهكذا كان يومه

لا ينام إلا إذا غالبه النوم وهو جالس يقرأ أو يكتب لدرجة أنه يقول مرت سنتان لم ينام بالوضع الطبيعى للنائم وكان لا يتوقف عن الكتابة إلا حين تألمه يداه

كانت غرفته صغيره جداً كما ذكرت وكانت مليئة بالكتب لدرجة من يزوره يظل يزيح فى بعض الكتب حتى يجد مكان يجلس فيه ويقال ان الكتب فى الفقه فقط كانت 100 كتاب فما بال المجالات الاخرى؟

فعندما اشتعل الإمام بالتدريس تقاضى مرتبه لمدة عامان فقط اشترى بهم مايحتاجه من كتب ولم يتقاضى المرتب مرة أخرى ويقال انه كان يتركه عن صاحب المدرسة حتى نهاية العام ثم يشترى بهم أملاك للفقراء أو مدارس والله أعلم

فعندما غضب منه الظاهر بيبرس ذات مرة فهو كان والى دمشق فى هذا
الوقت قرر قطع المرتب عنه فلما أخبره المساعدين بأنه لا يتقاضى مرتبه قال فمن أين يأكل قال والده يرسلان الأكل له فقام بنفى الإمام من دمشق إلى موطنه الأصلى وهى قرية نوى

فالإمام النووى كان يرسل بخطابات للظاهر بيبرس كلما قام بشىء به ظلم لبعض الناس مثل فرض الضرائب عليهم بحجة الجهاد فأرسل له النووى خطاب يثنيه عن ذلك ولكنه لم يستجب ومرة أخرى استولى على أراضى وبساتين لأهل الشام فظل يرسل له النووى خطابات من باب الدين النصيحة

الكلام لا ينتهى عنه ولكنه يحفز للمزيد والمزيد من العمل والإجتهاد ....

كتب الإمام النووى

سيرة صوتية عن الإمام النووى

الإختلاف فى الرأى ..رحمة

2011-03-01T02:18:00.000-08:00

من يومين وأنا بتفرج على برنامج دعوة للتعايش الى بيتناول قصة الأئمة الأربعة وازاى كانوا بتعاملوا مع الإختلافات الفقهية بينهم

فكرت فى حاجة كده ، ان كتير لما نيجى نشوف حكم مسأله معينة إذا كانت حلال أو حرام بنلاقى اختلافات كتيرة فى الرأى من يقول حلال وآخر يقول حرام وآخر يقول مستحب وهكذا

وقتها بنقول ان اختلاف العلماء رحمة لأن أوقات بيكون فى حالة ما مختلفة فتحتاج حكم مختلف مثلاً وهكذا
ويمكن بسبب ده كان الإجتهاد شىء مهم جداً فى الإسلام وكما يقول ابن القيم للمجتهد أجران إذا أصاب وأجر إذا أخطأ ، لأن الإجتهاد مطلوب فى كل العصور عشان يقدر يربط بين الشريعة والحياة حتى لا يشعر المسلم بجمودية الشريعة فيفتن منها وهو ماقد يؤدى إلى تركها

جميل ... زى ماقلنا إن الإختلاف بين العلماء رحمة ، ليه مش موجود بينا كمجتمع مسلم يحرص على التدين ثقافة الإختلاف فى الرأى انها رحمة بردو ؟

للأسف أغلبنا كمصريين مثلاً وأنا منهم نتعلم تقبل الرأى الآخر تعليم ذاتى والإختلافات فى الآراء على أحداث مصر مؤخراً وضحتلنا قد ايه اننا بنكره الرأى الآخر يمكن لأننا عايزين الناس كلها متختلفش على فساد الفاسدين وانهم مفسدين فى الأرض
بس الحقيقه ان الثورة كانت حدث عام فالكل اهتم بيه وبقا بيتكلم فيه لكن ده لا يمنع ان الكل ده مختلفين فى المستوى العقلى ، والعلمى والثقافى،لكن ده لا يتعارض مع ان كل شخص بيبنى رأيه من خلال منظور معين شايف بيه الأمور
فأى ان كان اعتقد انه مفترض علينا احترام جميع الآراء يمكن بإحترامنا ده الشخص يغير رأيه إذا استخدمنا نقاش معتدل بيننا
ويمكن نستفيد من الإختلاف ده فى وقت ما زى مابنستفيد من الإختلافات فى الرأى بين الأئمة

قسم شعب مصر

2011-02-24T16:57:00.000-08:00

حبنا لبلدنا وإحساسنا بكرامتنا مخلينا كلنا عايزين نعمل أى أى حاجة عشان ننهض بيها خلاص وش الكآبة الى كان مرسوم على وجوه المصريين اتمسح تماماً ، كله حاسس بالامل والتفاؤل طالما الطاغية مشى مفيش اسوء منه هيحصل لنا
خلاص انتهت مقولة مفيش فايدة ، يارب اشوف حكومة نضيفة افخر بيها واحبها زى مالأتراك بيحبوا حكومتهم كده وكنت بقول يابختهم :))

?انا فى حلم

2011-02-22T14:55:00.000-08:00

انا مش مصدقة التطورات الى بتحصل بشكل سريع قوى فى مصرنا الحبية وفى وطنا العربى كمان
ده حلم ولا علم ياربى :))

التعديلات الوزارية برغم انها مش نهائية ،،تجميد نشاط رئيس أمن الدولة، حل وزارة الإعلام ، سجن العادلى وعز وجرانه و القوات المسلحة ومحاولاتها التواصل معانا بشتى الأشكال ،، اللقاءات الدورية الى بتعقدها مع الشباب والمفكرين وامبارح لقائهم فى العاشرة مساء قمة الرقى والتواضع والثقافة ناهيك عن السماحة والصدق الى بيشع فى وشوشهم
انا بجد متفائلة قوى ومقبلة على الحياة بشكل غير عادى ورغبة حماسية عالية ،، الشعور بالظلم ده والكبت كان قاتلنا كلنا ومعيشنا فى هم إلى الأمام يامصر عقبال باقى البلاد الى حاكمها ديكتاتوريين وعقبال ماتشرق شمس حرية لبيا :)

صفحة القوات المسلحة على الفيس بوك
لقائهم فى العاشرة مساءً

وانا كمان نفسى قوى يامصر

2011-02-17T05:44:00.000-08:00

نفسى لما اوقف تاكس اركب وبعدين اقوله راحه فينمتحايلش عليهم نص ساعة لحد ماواحد يقفلى
نفسى اركب الميكروباص ميزودش عليا الأجرة وانا راجعة البيت واضطر اتنح قدامه عشان مزودهاش
نفسى الأقى خامات الملابس نضيفة وبأسعار معقولة والأقى عبايات حلوة ميتطلعش روحى عشان الاقى
نفسى الجمارك تتشال خالص عشان أسعار كل حاجة تبقا معقولة زى دول الخليج كده
نفسى أكل الخضار والفاكهة من غير مبيدات وبردو أسعارها تكون معقولة ومتتجنش
نفسى يكون فى وعى دينى صح مش استغفال عقول
نفسى اشوف الولاد رجالة كده مش مسقطين البناطيل ولابسين تيشيرتات بترتر
نفسى نستغل قدرات كل طيور مصر المهاجرة والى عايزة تهاجر
نفسى محدش ييشغل أغانى ولا قرآن بصوت عالى فى الميكروباص أو المول أو الشارع
نفسى الشباب يقدر يشترى شقة عشان يتجوز من غير مايحتاج قعد سنين يحوش فى سعرها
نفسى أسعار السلع تكون فى كل مكان واحدة مش يزودها عشان جمب مستشفى أو نادى أو ....
نفسى يكون فى وعى ثقافى لكل فئات الشعب وميبقاش مقتصر على لفط المثقفين لفئة محددة
نفسى ملاقيش طفل شوارع ولا راجل نايم فى الشارع
ونفسى ونفسى ونفسى ونفسى

الثورة منتهتش

2011-02-11T09:34:00.000-08:00

الصورة من عند مريم :)

حد مصدق انا من ساعة ماشفت البيان بجد وحاسة انى قلبى هيقف وفضلت شوية كده مش مجمعة الحمدلله الحمدلله الحمدلله

انا فعلاً حاسة بالنصر شكراً يارب انك مبترضاش بالظلم ،يارب يسرلنا الخير

انا كنت متفائلة ومبسوطة انى كنت متفائلة واعتقد ان اكتر الناس المتفائلة هيا الى حاسة بالنصر :))
لأننا كنا بنكافح عشان ننشر التفائل والإيجابية فى كل المواقف الصغيرة قبل الكبيرة

ثورتنا هتكمل لما نحقق كل مطالبنا ونمشى ايد واحدة فى تعمير بلدنا وتقليل اختلافتنا عشان نتحد فى أهدافنا العالية لمصلحة البلد ، مش مهم مين بيتكلم فى التلفزيون ، مش مهم مين قعد مع الجيش ، الأهم انهم بيعرضوا مطالبنا وانها تتنفذ مش وقت غيرة ونفسنة
ولا وقته تشويه رموز باينة لمجرد اننا بنختلف معاها بدون أدنى اعتبار بإنهم فاهمين وان ده شغلهم فى جزء ما

ليه مننساش اختلافتنا دلوقتى ونحاول نستفيد من كل فرد بغض النظر عن أفكاره ومعتقداته ونستفيد من خبرته فى المجال الى يتقنه وبس؟
كمان مش عايزين ننسى دعم إخوانا العرب الى بيحاولوا يحررو بلادهم : الجزائر ، اليمن ، البحرين

ياريت كل واحد يبدأ بتعمير أسرته ، عمارته ، جيرانه وياريت يدعم أى فكرة صالحة بغض النظر عن مين الى عاملها البلد عايزة شغل كتيييييير قوى الله المستعان :)

خواطرى عن الثورة -2

2011-02-08T07:53:00.000-08:00

شحتفة مبارك
منذ 25 يناير لحد اليوم 8-فبراير حن علينا الريس بخطابين بحالهم كتير خيره الصراحه قلقنا نومه المبكر ، فى الخطاب الأول طبطب علينا بإقالة الحكومة وجابلك كام واحد جديد وبعض الناس فضلت متمسكة بكرسى العرش وده لم يريحنا طبعاً زى ماكان سيادته متخيل
وضحك علينا أنه أمر الشرطة متستخدمش العنف مع المتظاهرين امال الناس ماتوا من ايه ياريس؟ والشرطة اختفت ازاى من غير ماتعرف ياريس؟

الخطاب التانى كان شحتفه على نفسية المصريين وقعد يقلك انا عايز اموت فى مصر ومش هترشح تانى وانا شايل المسئولية ومش ههرب واسيبها إلا اما اكمل الى عليا لنهاية ولايتى وكنت حضرتك عملت ايه قبل كدا عشان خايف متكملش جميلك؟ حالف لتموتنا وتحرق البلد قبل ماتمشى ؟
المهم مصريين كتير اتسهوكو وصعب عليهم وقال خلاص ياجماعة كفاية كده ده زى أبونا أبو ايه؟؟ ده موظف بالدولة يختى انتى وهيا وبيقبض مرتب ومحدش ضربه يمسك الحكم ، انا كنت فرحانة فيه انه انكسر كده اه انا شريرة نياهاها لكن ياجماعة دم الشهداء يروح هدر؟ مش هو راع ومسئول عن رعيته؟

للأسف تانى يوم من خطابه الإنترنت رجع وانقسم الجميع قسمين كفاية كده المتظاهرين يروحوا والقسم التانى لا مش كفاية لازم يتنحى ، وفى نفس يوم خطاب الريس رئيس الوزراء قال محدش هيقرب للمتظاهرين وعلى رقبتى ، لكن للأسف تانى يوم طلع بلطجية فى صورة متظاهرين مؤيدين للريس وهجموا على المعارضين وانسحب الجيش وسابهم يضربو فى بعض !

أولاً ازاى الجيش ينسحب وميحافظش على الناس ويفصل بينهم ؟ ايوة الجيش خان الشعب واكيد أخد أوامر انه يقف يتفرج على الدم !
الهجوم ده اسفر عنه أصابات لناس كتير وامتداد فى عدد الشهداء ! المسلمين بيقتلو بعض؟ مش دى فتنة يامبارك؟
لا وايه هاجمين عليهم بجمال وخيول؟؟ فى ايه ياناس؟؟ الناس حتى سموها معركة الجمل

بجد من أصعب الأيام الى مرت علينا كلنا ، طبعاً كل ده من أساليب النظام القذرة والى بتتقلب عليهم من غبائهم قولولى بقا ازاى انا استنى الريس يكمل ولايته وهو مش عارف يوفر الأمن للمصريين ، هيوفر أمن لمصر ازاى؟.

وجوده من اول يوم للثورة بقا صورى ملوش أى لزوم ولا كرامة

كانت ليلة دامية 2-2 -2011 ولكن فى عز ده كله كانت حاسة بالأمل وأن يمكن ربنا خلى ده حصل عشان الناس متنخش من خطاب مبارك والمتظاهرين نضفوا ميدان التحرير من البلطجية وبعدها اختفوا بالتدريج هما فين دلوقتى محدش سامعلهم حس قال نعم لمبارك قال!
الدكاترة المتطوعين نزلوا التحرير وعالجوا المصابين المعتصمين ومنهم من توفى لأن المعتصمين سلميين معهمش أسحله ولا مولتوف ولا قنابل مسيلة للدموع زى البلطيجة .

ودى الطريقة الى كان بيحمى بيها المتظاهرين أنفسهم :)

انا متأكده ان ربنا مش هيقبل بالظلم ولا بد من غمة الظلم دى انها تزول وان ربنا يعوضنا كلنا بمستقبل حلو لو فضلنا مصريين على حقوقنا ، انا بجد فخورة قوى بالمصريين الشرفاء ، فخورة بأهالى الشهداء الى نزلوا يتظاهرو ، ياترى ياشباب يامؤيدين لمبارك لو كان حد من أهلكم ، أخوكم ، مراتك ، زوجك ، أختك ، والدك ، والدتك من الى اتقتلوا كنت هتفضلوا مؤيدين،طبعاً صعب اننا نشوف الإنقسام ده بس الحق والباطل ديماً موجدين فى المجتمع زى ماموجدين جوه أنفسنا .
والناس بدأت تقول خلوا العيال بتوع التحرير يروحو بيوتهم عايزين نشوف حياتنا وقفتو الدنيا وكلام جهل م الآخر
العيال دول هما الى جابولك نائب عشان نمنع التوريث ، وهما الى أقالوا الحكومة ، وهما الى مانعو وزراء من السفر وتجميد أرصدتهم وهما دول بردو الى هيعيشوك بكرامة ديلفيرى
وبالمناسبة الحكومة هيا االى موقفة حال البلد ياريت تقرأ المقال ده
مازال فى شباب مختفى تم القبض عليه ومحدش من أهلهم يعرفوا حاجة عنهم من يوم جمعة الغضب وكان من ضمنهم وائل غنيم أدمن صفحة كلنا خالد سعيد الى عن طريقها كان إيفنت ثورة 25 يناير ،تم الإفراج عنه امبارح وكان لقائه مؤثر وهز الشباب امبارح فى العاشرة مساءً

ربنا يحميه ويفرحنا بخروج أخوانا المصريين المخطوفين

كمان من الإيجابيات انضمام فئات كتير مختلفة للمظاهرات ودى من الأشياء الى تدعوا للتفائل ، كمان الدعم الى بيعملهولنا العالم العربى والأجنبى مفرحنى قوى ومحسسنى ان علاقتنا بالناس الى حوالينا هتبقا أحلى وأحلى وكمان متأكده ان السياحة فى مصر هتزدهر الفترة المقبلة وميدان التحرير هيبقا مزار عالمى :)

بجد مصر بقا ليها روح جديدة من يومين خرجت حسيت ان وجوه المصريين مختلفة عن قبل كده الناس فى الميكروباص بتكلم بعضها كأننا أسرة واحدة وكله بيدعى ان ربنا ينصرنا ومن الأشياء المضحكة المبكية ان مريت قدام قسم مدينة نصر لقيت يفطة كبيرة قماش مكتوب عليها الشرطة فى خدمة الشعب :)
توك افتكرت ياخى
:D

خواطرى عن الثورة-1

2011-02-05T08:16:00.000-08:00

ميدان التحرير -25 يناير

عندى حاجات كتيرة قوى عايزة اتكلم عنها وأفكار وآراء وأحاسيس أتمنى أقدر أوصفها كلها كنوع م التوثيق للحظات التاريخية الى مرينا بيها ومازلنا فيها لحد الآن ،اعتذر إذا كانت أفكارى غير مرتبة .

يوم 25 يناير زى العديد مع المصريين لم نتوقع حدوث ثورة زى تونس وقولنا أهى مظاهرة عادى خصوصاُ انها كانت بإيفنت على الفيس بوك وكنت مقتنعة ان الثورة لازم يكون فيها فئات مختلفة من المصريين ولكن المفاجأة حصلت والعدد سّمع وكنت فرحانة قوى إن كان عدد كبير من الناس الإيجابية اتحركت ولما شفت الصور مصدقتش طبعا حزنت من تحرش الشرطة بالمتظاهرين والضرب والكهرباء و ......،لكن ده طبيعى فى مصر وبنهاية اليوم فضلت ادعى ربنا ان الناس تصمد ومر يوم 26 و27 وزاد احتكاك الشرطة والامن المركزى بناء على أوامر الظباط وناس اعتقلت ولكن هذا لم يزيد إلا صمود المصريين وانضمام أعداد كبيرة لهم وبداية عمليات الإستشهاد فى السويس بسبب الإحتكاكات مع الشرطة واستخدامها الرصاص الحى طول هذه الأيام لم أكن أتحرك من أمام شاشة الكمبيوتر !حتى تم فصل الإنترنت يوم الخميس بليل وسط اندهاشنا التام برغم اننا كنا مهيئين بسبب حجب تويتر والفيس بوك من قبل لكن برامج البروكسى مكنتش حرمانا من حاجة ربنا يخليلنا
Hotspotshield

بلغت الذروة بيوم 28 جمعة الغضب واستهبال الشرطة واستخدام رصاص مطاطى وحى ناهيك عن استخدام القنابل المسيلة للدموع طول أيام التظاهر وفصل الخدمة عن الموبيلات "يخربيت عقولكم" كل ده عشان يفرقو المتظاهرين وبنهاية اليوم انسحبت الشرطة ونزل الجيش فى الشوارع وبدأت اعمال البلطجة وحظر التجول والناس ولا همها وفضلت فى التحرير والعدد كان كبير ويحيا الشعب !

جمعة الغضب

طبعاً أحداث كتيرة وكلنا مندهشين ومش مستوعبين ومبسوطين بأن الشعب عرف والعدد زاد وزاد وبدأت الدربكة والريس أحل الحكومة واختار نائب سمعته كويسة ولكن لوثه اختيار الرئيس له كما قال أحدهم .
الموبيلات اشتغلت تانى يوم وكلنا فضلنا نكلم كل أصحابنا وأهلنا عشان نطمن عليهم بسبب أعمال البلطجة ودى كانت أكبر عدد مكالمات عن طريق الموبيل منذ استخدام الإنترنت :D :D
حد كان يصدق ان كل ده يحصل؟ انا فعلاً كنت فى أسعد أيام حياتى لأن كنت واثقة إن الله لا يغير مابقوم حتى يغيروا مابأنفسهم ولأننا استعادنا كرمتنا قدام كل الى يسوى وميسواش وكان بيشتم فى المصريين والحكومة الى كانت بتستقفنا
ده سعادتى لا توصف ان أحمد عز غار فى داهية تاخده

طبعاً لم يعكر صفوى غير وجود بعض الأشكال الضالة من الحكومة القديمة بس ليهم يوم ان شاء الله كمان القنوات المحلية فقعتنى قوى تحس انهم فى كوكب تانى وبعدين المشكلة ان شكلهم كدابين قوى نفس افرح فى وزير الإعلام قريب

طبعاً كان صدمة ان الحكومة تسيب علينا البلطجية وتفتح السجون عشان تخوفنا لكن سبحان الله برغم إحساس الرعب الى كان مسيطر علينا كلنا بسبب البلطجية وأعمال النهب المقصودة قدرنا نعدى الازمة دى بفكرة اللجان الشعبية الى جمعت بين الجيران فى كل شوارع مصر وكل واحد ماسك شومة او سكينة او او وواقف يحمى بيته وأهله شكراً مبارك على توحيد شعب مصر من غير ماتقصد

طول الفترة دى كان فى ذهنى آية " ويمكرون ويمكر الله والله خير الماكرين "،كل مالريس والحكومة يحاولو يعملوا حاجة يخوفونا بيها يفشلو والموضوع يقلب عليهم من غير مايقصدوا ، وبرغم كل ده وبرغم كل اللحظات الصعبة الى مرينا بيها بسبب الشعور بعدم الأمان والشهداء المتظاهرين أو غير حاسة بتفائل ومبسوطة وفخورة قوى بالمصريين
وبدعى ربنا يقوينا وينصرنا ويصلح أمورنا البلد اتبهدلت طول ال30 سنة اكيد إصلاحها مش هيكون سهل ولا بسرعة

طول الفترة دى مكنتش بتحرك من قدام التلفزيون مفاجأت مفاجآت بجد مكنتش مصدقة الى بيحصل ومين كان يصدقك؟ الثورة دى غسلتنا كلنا وغسلت إحباطنا وشعورنا بالذل والظلم وقطع الإنترنت خلى الشعب يركز فى الثورة . برغم ان عدد المتظاهرين فى كل مصر اقل من عدد المصريين بس يمكن بإخلاص نواياهم الشديد غيرو كتير قوى قوى فى تعديلات بقالنا سنين بنهاتى فيها

اكمل خواطرى بعد مرحلة عودة الإنترنت فى البوست القادم إن شاء الله

أماكن وقفة الغضب غداً

2011-01-27T12:30:00.000-08:00

مهم جدا نرجو مراجعة الصفحة في تمام الثانية عشر مساء حيث سيتم التحديث خلال الفترة دي

ملاحظات هامة:

[1] كلنا نجيب معانا على الأقل تلاتة أو أربعة من أصحابنا محدش ينزل مع نفسه

[2] أعلام مصر كانت قليلة جدا في الوقفة اللي فاتت عايزين نجيب أعلم أكتر

[3] لا زلنا مع توحيد الهتافات: لا هتافات طائفية أو تابعة لحزب أو حركة أو جماعة أو جمعية. كلنا مصريين

[4] المظاهرة سلمية والمسيرة سلمية ودورنا مش بس هو عدم التخريب دورنا هو منع التخريب ومحاربته

[5] عدم التعامل بعنف مع عساكر الأمن المركزي المساكين دول مش أعداءنا

[6] من المنطقي إن رجال الدين هيتنبه عليهم الحديث عن حرمة التظاهر والمسيرات يا ريت نمسك أعصابنا ونوعي الناس بعد الصلاة

[7] قد يحاول الأمن لتفريقنا بث أي فتنة أو فرقة بين الناس وبعضها ونرجو محاربة ده بكل وسيلة ممكنة

[8] البس ملابس رياضية وأحضر كوفية لتحميك من الغاز المسيل للدموع

سيكون التحرك من الجوامع والكنائس في مسيرات إلى ميدان التحرير أو أمام مقرات الحزب الوطني في كل أنحاء مصر

القاهرة الكبرى

- الجامع الأزهر

- مسجد النور بالعباسية

- كاتدرائية العباسية

- مسجد عمرو بن العاص

- مسجد السيدة عائشة

- مسجد الاستقامة في ميدان الجيزة

- مسجد الفتح برمسيس

- كنيسة ماري مرقص بالخلفاوي

- كنيسة أبو سيفين في المهندسين

- مسجد مصطفى محمود في المهندسين

- مسجد السيدة زينب

- كنيسة كلود بيه الكاتدرائية القديمة متفرع من شارع الجمهورية

- مسجد رابعة العدوية

- مسجد أسد بن الفرات بالدقي

- كنيسة العدرا في بين السرايات

- مسجد الخازندار في شبرا

- مسجد الفتح في المعادي

- كنيسة العدرا في أرض الشركة في إمبابة

- مسجد خالد بن الوليد في الكيتكات

- مسجد نصر الدين في الهرم

- مسجد محمد بن حمد في فيصل

- مسجد قيسون في الحلمية الجديدة

- مسجد الشيخ كشك في حدائق القبة

- مسجد المهدي في شارع الأربعين بجسر السويس

- مسجد القدس في عزبة النخل

- كنيسة الملاك في شيراتون

- مسجد يوسف الصحابي في ميدان الحجز بمصر الجديدة

- مسجد عليش في عين شمس

- مسجد الجمعية الشرعية في الوايلي

- كنيسة العدرا في حلوان

- مسجد النصر في المساكن الاقتصادية في حلوان

- مسجد الهدى في شارع أطلس في حلوان

- مسجد الكحلاوي في البساتين

- مسجد السلطان حسن في القلعة

ياشباب انزلوا اثبتو لهم انكم رجالة وان الشعب مش أطفال احنا قطعنا شوط كويس عايزين نكمله ياإما العواقب هتبقا أشد انشرو الأماكن دى

كما لم أكن من قبل

2011-01-23T03:11:00.000-08:00

قررت أن أحافظ على الصلاة كما لم أحافظ عليها من قبل،
قررت أن أصلى لا رهبة من النار ولكن حباً فى التقرب إلى الله .
قررت أن أصلى لأنى احتاج الطاقة الروحية التى تمدنى بالرضا والهدوء.

قررت أن اكون أكثر تسامحاً كما لم أكن من قبل،
فطالما وددت وترجيت الله أن يسامحنى على ماقمت به أو كنت على وشك القيام به أو قد أقوم به مستقبلاً،
وطالما تمنيت أن يسامحنى من ظلمته أو جرحته بدون قصد.

قررت أن اقرأ كما لم اقرأ من قبل،
قررت أن ألتهم الكتب وأوسع مداركى وأفقى كما لم أوسعهم من قبل.
قررت أن استمتع بالقاهرة وأجوب بكل أماكنها فقد لا اعيش بها مرة أخرى من يعلم؟وسأحاول أن أتغاضى عن عيوب أهلها وشوارعها وسائقى ميكروباصتها :]

قررت أن أستعيد صداقاتى القديمة واستمتع بها كما لم استمتع بها من قبل،
فكم من أصدقاء أثرونى بصفاتهم وأفكارهم فكما قال أحدهم أنا خليط من كل شخص قابلته.
قررت أن أحب جميع الناس كما لما احبهم من قبل ، فهم جميعاً مخلوقات الله وحبى لهم وكرهى لهم سيكون من أجل الله
قررت أن ابتسم فى وجه من أعرف ومن لا أعرف فالإبتسامة تواضع والتجهم تكبر
قررت أن أحضر كل الندوات الدينية والثقافية والعملية واحاول ان استفيد من كل معلومة .

قررت أن أكون إنسانة ، قررت أن أكون مسلمة ،قررت أن أكون داعية بأفعالى وأخلاقى ، قررت أن أكون ناجحة كما لم أكن من قبل !

التعامل مع الزوجة

2011-01-17T07:38:00.000-08:00

الفيديو ده موجز لبعض تعاملات الرسول مع زوجاته أتمنى فعلاً ان بعض الرجاله الى بتاخد من الدين حقوقه فقط ولا يأخذ واجباته منه انه يشوفه ويفهمه كويس

.لأن للإسف فى مجتمعنا يتبع أكثره أهوائه الشخصيه فقط من الدين ولا يطيق أو لا يريد أن يعترف بواجباته من الدين أيضاً .
للأسف بعض الرجال المرضى فكرياً يرون أنهم مفضلين عن زوجاتهم وانه من حقه يطلب منها كل حاجة تعملها وتسمع كلامه ووووو لكن مش من حقها انها تقوله سرح شعرك حتى !
ده غير كرامته الى بتنقح عليه لو فكر يساعدها وهيا مريضة وعشان يريح ضميره يخليها تجيب والدتها تخدمها وهيا مريضة .

انا معنديش مشكلة انهم يعملوا كل ده بس مسمعش حد منهم يقولى الدين قالك كذا يختى وقبل ماترمى عليها اللوم فى فعل اتأكد انك عملت الى عليك الأول .
ده كله كوم وانه يشوف انه من حقه يعمل كذا وهيا لا عشان هو راجل كوم تانى خالص عقد عقد يعنى،برغم ان الحمدلله بشوف أمثله كتيرة منفتحه وفاهمة الدين صح إلا أن تظل الفئة المريضة غالبة على المجتمع وللأسف تسىء للدين بأفعالهم .

وَلَهُنَّ مِثْلُ الَّذِي عَلَيْهِنَّ بِالْمَعْرُوفِ

حرية العقيدة

2011-01-11T00:57:00.000-08:00

وَمَا أَنتَ عَلَيْهِم بِجَبَّارٍ (ق) .
لَسْتَ عَلَيْهِمْ بِمُسَيْطِرٍ (الغاشية ).
إنَّمَا أَنْتَ مُنْذِرٌ (الرعد) .
إِنْ عَلَيْكَ إِلَّا الْبَلَاغُ (الشورى) .
وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ (الكهف) .
لَكُمْ دِينُكُمْ وَلِيَ دِينِ (الكافرون) .
لاَ يَضُرُّكُم مَّن ضَلَّ إِذَا اهْتَدَيْتُمْ(المائدة).
هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِمَنِ اهْتَدَى (النجم) .
فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى (النجم ).

ليس من حق أى شخص أن يقرر من هو مسلم؟ ومن هو كافر؟ ومن هو تقى وليس من حقه أن يقتل أو يجبر شخص على اعتناق الإسلام أو يعذبه لعدم اعتناقه فالله لم يعطى هذه السلطة لرسوله فمن أنت حتى تدعى ان هذا واجبك لقتل الناس ؟

الناس داء

2011-01-09T01:29:00.000-08:00

لمّا عفوت ولم أحقد على أحد * * * * أرحت نفسي من هم العداوات
ولست أسلم ممن لسته أعرفه * * * * فكيف أسلم من أهل المودات
الناس داء، وداء الناس قربهم * * * * وفي الجفاء بهم قطع الأخوات
فجامل الناس واجمل ما استطعت وكن * * * * أصمّ أبكم أعمى ذا تقيات

الأول كنت متخيلة ان الواحد مينفعش ينعزل لوحده ويهمل علاقاته بالناس الى حواليه سواء أصدقائه أو أهله وفضلت مقتنعه بده لحد ماسافرت وكنت طول الفترة السفر أحن للأصدقاء والأهل بعد مارجعت كل قناعتى اتغيرت وبقيت مؤمنة ان الإختلاط المستمر بالناس :
مهلك للطاقات
مستفز للأعصاب
يهدد استقرار حياتك
يتعب القولون
مغص مستمر
قاتل للإبداع
يهدد السلام النفسى
تأنيب للضمير مستمر
يقلل الإستمتاع بمظاهر الجمال فى حياتك
يشتتك عن التركيز على أهدافك وتحقيقها

إذا الخلاصة إن أفضل حل انك تفضل بعيييييييييييييييييييييييييييييييييييييد عن كل دول وتبقا تنزلهم كل فترة حتى تستطيع الحفاظ على حياتك وعلى علاقات جيدة قدرالإمكان وفى نفس الوقت تشعر بالرضى لأنك بتؤدى واجباتك تجاه من حولك

إلى هؤلاء

2011-01-06T23:38:00.000-08:00

إلى هؤلاء ممن يعتقدون أن نجاح العلاقة الزوجبة بإنعدام المشاكل والإصطدامات وعند حدوث أى منها يشعرون بانهم قد فشلوا فى اختيار شريك حياتهم ، أنتم مخطئون فلا توجد حياة بدون مشاكل ولكن نجاح العلاقة يعتمد على مدى اجتهادكم لحل هذه المشكلات والوقوف على أرض مشتركة بينكم واحتوائها وإدراجها تحت خبرات الحياة قسم افعل ولا تفعل ...

وكما يقولون "مصارين البطن بتتعارك :D"

ساعد غيرك

2010-12-25T00:58:00.000-08:00

Doing something for others has the dual benefit of making the world a better place while at the same time taking your focus off your own problems as you work to solve another’s.

عندما تفعل شىء للأخرين فأنت تجنى فائدة مزدوجة بجعل العالم مكاناً أفضل وفى نفس الوقت تصرف تركيزك عن مشاكلك الخاصة أثناء العمل على حل مشكلات الغير....

المصدر

عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((مَنْ نَفَّسَ عَنْ مُؤْمِنٍ كُرْبَةً مِنْ كُرَبِ الدُّنْيَا نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ وَمَنْ يَسَّرَ عَلَى مُعْسِرٍ يَسَّرَ اللَّهُ عَلَيْهِ فِي الدُّنْيَا وَالْآخِرَةِ وَمَنْ سَتَرَ مُسْلِمًا سَتَرَهُ اللَّهُ فِي الدُّنْيَا وَالْآخِرَةِ وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ وَمَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ بِهِ طَرِيقًا إِلَى الْجَنَّةِ وَمَا اجْتَمَعَ قَوْمٌ فِي بَيْتٍ مِنْ بُيُوتِ اللَّهِ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ إِلَّا نَزَلَتْ عَلَيْهِمْ السَّكِينَةُ وَغَشِيَتْهُمْ الرَّحْمَةُ وَحَفَّتْهُمْ الْمَلَائِكَةُ وَذَكَرَهُمْ اللَّهُ فِيمَنْ عِنْدَهُ وَمَنْ بَطَّأَ بِهِ عَمَلُهُ لَمْ يُسْرِعْ بِهِ نَسَبُهُ)) .

حين شرح الله صدرى

2010-12-09T13:29:00.000-08:00

مر شهر على إلتحاقى بالمعهد العالى للدراسات الإسلامية والحمدلله مستمتعة قوى وأنا بتعلم الإسلام من أول وجديد وكل مااعرف معلومة جديدة بكون سعيدة قوى لكن بحزن فى نفس الوقت على الجهل المنتشر فى ثقافتنا الدينية وللأسف التركيز على بعض الجوانب وإهمال جوانب كثيرة أخرى ، والأسوء من كده اختلاط العادات والتقاليد بالمفاهيم الدينية ونسبها إلى الدين وهيا ليست منه بشىء.

حسيت اننا لو اتعلمنا الدين صح وعملنا بيه هنبقا بنى آدميين بجد !
حد خد باله مثلاً ان كلمة قرآن مشتقة من قرأ ؟تفتكروا لو فهمنا الكلمة دى صح هل هنفضل متخلفين كده؟

كان دكتور بيحكيلنا عن واحدة أسلمت قالت انها لما قرأت القرآن حست ان قلبها كان وردة مقفولة والشمس جت عليها وفتحتها ، ده الى الى انا حسيته وبحسه كل ماتعلم حاجة جديدة فى دينى ,, ربنا شرح صدرى !

طول عمرى كنت أفكر هل أنا مسلمة عشان اتولدت مسلمة ولا لأنى فعلاً عايزة اكون مسلمة ؟؟ طبعاً مقدرش أجاوب ده غير لما اكون عارفة يعنى ايه إسلام؟ ومع كل معلومة جديدة بتعلمها بحمد ربنا على نعمة الإسلام وأتمنى فعلاً انى اقدر اكون داعية بفعلى للإسلام ، لأن للأسف الفكرة المأخوذه عن المسلمين دلوقتى لا تمت بتعاليم الإسلام بصلة !

كمان من الحاجات المحزنة جداً ان أغلب الكتب الى بندرسها ان مكنش كلها الى كاتبينها مسلمين هنود أو باكستانيين او اجناس أخرى غير عربية وده يدل على ضعف إجتهاد العرب لتأليف كتب باللغة الإنجليزية وكأن مفيش مسلمين مبيتكلموش غير العربية !

ده كمان دكتور قالنا ان الشيعة مجتهدين جداً فى تأليف كتب كثيرة باللغة الإنجليزية عن الإسلام وفروعه ! ربنا يسترها

كانت أمنية حياتى إنى ادخل معهد إعداد دعاة عشان اتعلم الإسلام صح والحمدلله بيدرسلى دكاترة هايلين ومش متشددين خالص من جامعة الأزهر وأتمنى من الله يرزقنى العلم وحب العلم والعمل به والوسطية والبعد عن التشدد..

بيوت الله

2010-12-05T14:33:00.000-08:00

نفسى المساجد تكون مفتوحة طول اليوم واكون قادرة فى أى وقت انى ادخل المسجد ولما أحب اعتكف فيه ميكنش ممنوع لانه مقفول
هيا مش دى بيوت الله يبقا ليه بنقفله فى مواعيد؟
مين الى قال ان المسجد ندخله للصلاة بس؟

2-خاطرة اليوم

2010-11-26T04:09:00.000-08:00

لن يستطيع أحد مساعدتك إن لم تساعد نفسك أولاً ، لأنه لن يعرف ماتحتاجه إن لم تكن أنت تعرفه !
تعرف على نفسك أولاً...

خاطرة اليوم -1

2010-11-22T22:26:00.000-08:00

ممكن أكون انسانة مش كويسة جداً بس بقدر أعمل حاجات كويسة جداً

*الحمدلله*

يارب

2010-11-15T05:35:00.000-08:00

يارب بحق اليوم المفترج ده تفك كربى وكرب المسلمين
وتشفى والدى ومرضى المسلمين
يارب لا تميتنى إلا وأنت راضى عنى
يارب اهدينى وقوينى وارزقنى الصبر
يارب قربنى إلى مرضاتك
يارب الحياة بلا معنى من غير رضاك
يارب ارزقنى السكينة وحلاوة القرب منك
يارب ارحمنى واستخدمنى ولا تستبدلنى
يارب اجعل الحياة زيادة لى من كل خير
واجعل الموت راحة لى من كل شر

اللهم آمين

Maher Zain - Thank You Allah

2010-11-14T11:50:00.000-08:00

I was so far from YOU
Yet to me we're always so close
I wanted to last in the dark
I closed my eyes to all the signs
YOU put on my way
I walked everyday
Further and further away from YOU
Allah YOU brought me home
I thank YOU with every breath I take

Alhamdu lelah
All praises to Allah
Alhamdu lelah
All praises to Allah

I never thought about
All the things YOU have given to me
I never thanked YOUR warns
I was too proud to see the truth
And prostrate to YOU
Until I took the first steps
And that's why YOU open the doors for me
Now Allah I realize what I was missing
By being far from YOU

Alhamdu lelah
All praises to Allah
Alhamdu lelah
All praises to Allah

Allah I wana thank YOU
I wana thank YOU for all the things that YOU've done
YOU've done for me through all my years
I've been lost
YOU guided me from all the ways that were wrong
Indeed YOU give me hope
Allah I wana thank YOU
I wana thank YOU
for all the things that YOU've done
YOU've done for me through all my years
I've been lost
YOU guided me from all the ways that were wrong
I wana thank YOU for bringing me home

Alhamdu lelah
All praises to Allah
Alhamdu lelah
All praises to Allah
Alhamdu lelah

انا محتاج براح

2010-11-10T05:39:00.000-08:00

حديقة الملك عبد العزيز - الرياض

انا نفسى فى مكان فاضى خالص ، اقعد استمتع بالفراغ والهدوء واقدر افكر وابدع واقرأ واتعلم وبس

وحشتنى الرياض لقيت نفسى هناك فى هدوئها ونضافتها والخضرة الى فى كل مكان والحدائق وفراغها تمشى فى الشارع تحس انها مدينة أموات بس مين قال ان مدينة الأموات جوها مش مبدع على الأقل مفيش الدوشة الى فى شوراعنا
:(

فضل العشر الأوائل من ذى الحجة

2010-11-07T01:59:00.000-07:00

كل سنة وانتم بخير وربنا تقبل مننا ويعينا على الأعمال الصالحة :)

تعب الروح

2010-10-31T06:52:00.000-07:00

مشكلة كبيرة إننا مبنحسش بتعب روحنا لأنها مش قدامنا ، مش زى دراعك لو اتكسر او ورم لأنك شايفه هتجرى بيه على الدكتور ، برغم ان روحك ممكن تتكسر بردو وتورم بس انت مش فاهم ده لأنك مش شايفها ، ولا بتهتم بيها اصلاً ، الروح بتتعب زى أى عضو لو مهتمتش بيه يمكن تعبها مش مادى مثلاً ، لكن أصعب لانه بيزيد عشان انت مش واخد بالك

علاجها طبعاً القرب من الله وتطهيرها وتحسينها والعناية بها ، ومن جرب لذة القرب إلى الله وبعد سيدرك ماأعنيه ، فى القرب من الله او التقرب إليه قدر الطمانينة وراحة البال والسعادة والحماس والسعى والتصالح مع النفس والآخرين ودوافع كثيرة تجعلك تصبر على مشقات الحياة
فاهتموا بأرواحكم وأعطوها حقها ولا تهملوها وحينها ستدركون لما أنتم دائماً تائهون ولا تعلمون ماقيمتكم ولماذا لا تشعرون بالسعادة مهما حصلتم على ماتحبونه من أشياء مادية

اقرأ أيضاً : الكبت الروحانى

احتفظ باهدافك لنفسك

2010-10-17T05:54:00.000-07:00

ديماً بيجى فى بالى أفكار او خواطر بكون عايزة اسجلها فى المدونة وبمجرد انى اتكلم فيها مع أصدقائى أو زوجى بشكل لا إرادى مبسجلهاش على البلوج ، لدرجة انى قلت بعد كده هسجلها ع البلوج بعدين اتناقش معاهم فيها .

وأوقات تانية أقول لحد انى ناوية اعمل كذا او اتعلم كذا والاقى انى فقدت الحماسة ليها زى الأول ومبعملهاش وبقيت احس انى باقول اكتر من الفعل برغم انى ديماً اقول لنفسى العمل فى صمت العمل فى صمت
وفعلاً لما بعمل فى صمت بنجز وبحقق كتير !

فى مرة كنت بحكى لكريم على النقطة دى وقالى على الفيديو ده

انه بيتكلم عن نفس النقطة ، وفعلاً عرفت منه تحليل منطقى للى بيحصل وهو ان العقل بيتعمله زى إرضاء كده لما اتكلم عن اهدافى وبالتالى بيعتبرها اتحققت بالفعل وهيا لم تتحقق وبالتالى بتقل الحماسة وممكن العمل ميكملش او ميتعملش على الإطلاق .

واعتقد ان خير الامور الوسط بأنى ابداً اتكلم مع الناس الى بثق فيهم او عارفة انهم ممكن يفيدونى فى حالة انى اكون بدأت بالفعل ومحتارة فى خطوة معينة او ان زى مالفيديو موضح انى اتكلم بشكل عام وبدون تفاصيل .

ثقافة الأكل الصحى

2010-10-12T23:28:00.000-07:00

كلما تعرفت على عادات صحية جديدة أو أكلات صحية ، صُعقت من مدى العك الموجود فى ثقافة الأكل المصرية

:D
وللأسف متعلمناش اننا ناكل أكل صحى غير فترة المرض ناكل مسلوق وشوربة خضار،من اسوأ الأشياء أثناء إقامتى فى الرياض إنى مكنتش اعرف انزل لوحدى من البيت اشترى اى حاجة او اتمشى ودى كانت أول مرة فى حياتى اقعد فى البيت فترة طويلة كده ، فطبعاً كان البديل إنى احاول اعمل رياضة بإستمرار وإنى أظبط أكلى عشان اقلل حجم السعرات واحاول اتحكم فى عوامل زيادة الوزن .طبعاً الموضوع مش سهل وبياخد وقت كتير جداً عشان تقدر تغير عاداتك ومش أى عادات دى الأكل !أنا طبعاً مؤمنة ان التغيير ده سهل مش زى م الناس بتقول المهم الإرداة والإصرار ، والأجمل ان يكون شريكك مثلاً موافق على النظام الجديد فمتضطرش تاكل لوحدك او تطبخ مرتين
:D

الموضوع مش بسيط ولازم كل واحد يفكر فى الى بياكله لأن الى بناكله دلوقتى هو الى هيأثر على صحتنا دلوقتى وقدام كمان !
انا عمرى ماكنت اتخيل انى أكل حاجات بقيت بستمتع بيها دلوقتى لأن نظرتى ليها اتغيرت ، عمرى ماتخيلت انى أكل من غير أرز أو مكرونة كبديل ، دلوقتى قليل لما أكل أرز كمان اقدر اتحكم فى الكمية عن الأول بكتير،المقصد مش انك تمنع نفسك م الأكل لكن تغير نوعيات الأكل او تقلل منها قدر الإمكان أو تتحكم فى الكمية واقرأ وابحث عن الأكلات الصحية والخضروات وطرق أكل صحية وجديدة ليه متمسكين بأكلات محددة منغيرهاش ونخاف من التغيير لكن مبنزهقش من الفرجة على برامج الطبخ بدون تنفيذ أى حاجة !

من آثار الأكل المصرى المدمرة مرض القولون ، انا تقريباً مشفتش حد معندوش القولون مريض من سنة كل الناس القولون مبهدلها او هما الى مبهدلينه
:D
انا من اسبوعين مكنتش قادرة اقف بسبب مغص منه برغم إنى قبلها بفترة قصيرة كنت بدأت أحسن من طريقة أكلى لكن واضح ان الموضوع تراكمات ،لكن بعدها قررت فعلاً إنى اتحكم اكتر فى الأكل طبعاً فضلت أكل مسلوق اسبوع واتجنب الطبيخ والمقليات والموالح...

انا فعلاً بستغرب من الأشخاص المرضى وياكلوا حاجات تمرضهم اكتر ، مش عارفة مثلاً ليه الناس الدهون وجلد الفرخة والسمن الى فى اللحمة حرام عليكم الى بتعملوه فى نفسكم ده :D
وليه الأكل يكون فيه ملح كتير وشطة كتير ووو وليه مبنهتمش بتجفيف المقليات من الزيت وليه الحاجة الى مش محتاجة زيت كتير بنغرقها وليه بندخل السمنة او الزيت فى كل الأكل حتى لو مش محتاجة ؟وليه الطبيخ يكون مسبكك قوى؟ليه الخضار لازم يتاكل بدمعة طول الوقت؟ليه ميتحطش ع الرز مرة؟او على المكرونة مرة؟او فى جلاش مثلاً او او ليه مش بنوع فى السلطات او الشوربات ليه ديماً السلطة يعنى سلطة خضراء والشوربة فراخ او لحمة؟ فى انواع كتير ممكن تفتح نفس الواحد على الأكل !
ليه النمطية فى طريقة الأكل أساساً ؟الى بتخلى التجار يغلوا أسعارهم وقت العيد عشان كله عارف ان الناس هتجيب لحمة مثلاً او فسيخ او هيعملوا محشى فيغلوا الكرنب انتوا متخيلين الشعب كله بيفكر فى طريقة واحدة :!
كمان غلّو سعر اللطماطم مأثر مع غالبية الناس مش عشان السلطة لا عشان الطبيخخخخخخخخخخخخخخخخخخ
والتسبيك برغم انك لو بتنوعى فى الأكل هتقدرى تقللى م الطبيخ ده لحد مالطماطم تنزل
:D
دى كانت دعوة للتفكير فى اكتساب عادات صحية واحدة واحدة ومتحرموش نفسكم من حاجة بس الصحة مفيش أغلى منها ...

وصفات نباتية
أكلات صحية
صحى ولذيذ

وداعاً أيها الإكتئاب

2010-10-06T23:24:00.000-07:00

انا رجعت مصر فى شهر 6 واحنا فى شهر 10 بقالى 4 شهور ونضيف عليهم شهر كمان قبل مارجع نقول خمس شهور ونطرح منهم اسبوعين
:D

ويبقا الناتج هو مدة اكتئاب قاتلة كنت عايشة فيها بمعنى الكلمة حيث فقدت كل معنى للحياة بالمعنى الحرفى للفقد ، وفقدت حماستى لأى شىء ومبقتش شايفة أى لازمة لأى حاجة ، ولا حتى كنت شايفة أهمية إنى اقابل أصحابى او ازور حد
وأثر على هواياتى الأساسية التصوير والقراءة والكتابة ،وفقدت رغبتى فى تعلم أى شىء ، وأصعب مافيه إنى مكنتش عارفة إنى مكتئبة غير لما وصلت للذروة وبقيت استنى الموت فقط !والأصعب من كده انعكاسه على تصرفات مع الى حواليك وهما مش عارفين انت فيك ايه اصلاً ؟

لكن الحمدلله انا اتحسنت كتير وكتير قوى كمان ، منكرش ان أوقات بحس بهمسات اكتئابية حادة لكن بحاول اتجاهلها على قد ماقدر :)

أنا مكنتش عارفة ايه الى وصلنى للدرجة دى بس كنت واثقة انها مرحلة وهتعدى والى جاى هيبقا أحلى ،، يمكن انى مكنتش عارفة انا عايزة أوصل لإيه؟وهل انا فى الإتجاه الى عايزة اكمل حياتى فيه؟وهل انا فى مجال العمل المناسب لقدراتى؟؟ وايه هيا ميولى الحقيقية؟؟وعايزة أوصل لإيه فيها؟؟وعايزة أوصل لإيه فى الآخر؟؟ وايه المرحلة التالية؟نسيت أهدافى شوية؟حسيت بفتور ناحية تحقيقه يمكن لأنى مبخدش خطوات جدية تجاهها؟عدم الرضا عن العلاقة بينى وبين الله؟ اكتشفت عيوب فيا عمرى مااخدت بالى منها؟حسيت انى بتراجع بشكل عام ويمكن السبب الرئيسى لده ان بقالى كتير محاسبتش نفسى ولا اهتميت انى اكتسب مهارات وعادات جديدة وامسح عادات سيئة؟
الجو كان حر قوى فى مصر؟؟ حد لطيف هيقولى يعنى الرياض الى جنة؟؟ احب اقوله ان هناك كل كهف فيه تكييف:D
انا طبعاً متخيلتش ان الجو يأثر عليا غير لما الموجة انتهت ،طول فترة وجودها مكنتش بعرف اخرج خالص ولا احتى انزل اجيب احتياجاتى إلا بالعافية وده كان بيحسسنى بتقصير وكسل ومليش نفس اتحرك خاااااالص

طول الفترة دى كنت بضغط على نفسى اقابل أشخاص إيجابية عشان اخرج من حالتى وأحاول استلهم منهم أفكار تساعدنى إنى أعرف أنا عايزة ايه ، وبالفعل محدش خرجت معاه إلا اما استلهمت منه حاجة برغم اختلاف النماذج !
كنت واثقة فى ربنا قوى انى لما استعين بيه هيعنى وحسيت بقوة كلمة الله المستعان وبقوة كلمة الهداية ، برغم ان فى ناس بتزعل لما تقولها ربنا يهديك انا مبزعلش بالعكس ......

الحمدلله ربنا ساعدنى وبيساعدنى لحد دلوقتى وقدرت اوصل بعد شهور من التفكير لبدايات تحديد أهدافى وتحقيقها ويمكن الى ساعدنى على إيجاد نفسى كتاب قوة التركيز فضلت أفكر وانا بقرأه ايه الى انا متميزة فيه ومحتاجة اطوره واقدر اعمله أفضل من ناس كتير؟
وإنى مهتمش بتعلم حاجات وابذل وقت فيها وانا عارفة انى مش متميزة فيها واركز فى تطوير الى انا قوية فيه،ويوم ماعرفت انا عايزة ايه فضلت سعيدة طول اليوم ، أما تحسين العلاقة بالله فمحاولات التقرب إلى الله حتى وإن قصرنا فيها ولكن لم نسأم المحاولة هى ماتزيل الغشاوة التى أحاطت القلب فملائته بالغفلة والفتور والله لا يطرد من يريده ابداً..

الآن فقط أدركت أنى شفيت تماماً فبتحسن الجو بقيت بخرج ومبكسلش ! الحمدلله كمان بقيت متفائلة ومتحمسة ورجعت رغبتى فى إنى أكمل وأحقق الى انا عيزاه ومتنازلش عن إضافة جزء ولو صغير فى حياة من حولى .

ودى أول حاجة هتقربنى من تحقيق حلمى ربنا ييسرلى ويجعلى نصيب فيها :)

المعهد العالي للدراسات الاسلامية و الدعوة باللغات الاجنبية

الصورة من تصويرى والعنوان من اقترح كريم أى خدمة :)

الصراحة مش راحة

2010-09-26T10:47:00.000-07:00

لابد أن يحتفظ الإنسان ببعض أفكار وخلجاته النفسية وألا يصرح بها دائماً فقد تكون محيط بجوانب هذه الفكرة أو هذا الإحساس ولكن إذا صارحت بها أحد قد لا يتفهمها بشكلها الصحيح وقد لا يتفهمها على الإطلاق إذا كنت تحتاج المساندة أو الفضفضة وقد تصبح شقى بهذه الصراحة .

كنت أظن ان الصراحة المطلقة تقصر عليا مسافات وكلام وتوضيحات ولكن للأسف ولأول مرة أجد أن هذه الصراحة غير مناسبة فى كل الأوقات وليست مناسبة مع كل الناس ، فهناك من يعتبرها وقاحة وستلبسك تهم صادمة تجعلك تقرر فى النهاية ألا تكون بمنتهى الصراحة مع هؤلاء الأشخاص

كما أنه ليس من الضرورى الإفصاح عن كل ماتفكر به طالما لا تستطيع توضيحه بالشكل المناسب حتى لا تندم على هذا التصريح
فليرزقنا الله بالحكمة التى تجعلنا نميز ونضع الشعرة بين الصراحة والوقاحة و الحرص والخبث والكذب !

حين تمنع الثقوب الإنفجار

2010-09-24T10:00:00.000-07:00

بينما كنت اقرأ هذا المقال عرفت السبب الذى طالما كنت أفكر فيه بعدم انفجار المجتمع مصري حتى الآن !! فنحن لدينا بدل السبب ألف ومع ذلك لا نقاطع لا نضرب ولا نقول لا وبنقول ربنا يسهل واديها ماشيه واعتقد اننا سنظل كذلك حتى نقرر أن نأخذ رد فعل صارم تجاه ماتفعله بينا هذه الحكومة الغبراء وحتى نقرر التصويت فى الإنتخابات بدون مقابل مادى أو غذائى
:S

أسيبكم مع خلاصة المقال

المجتمع المصري لم ينفجر بعد لأن هناك ثقوبًا كثيرة تخرج الغضب.. صحف المعارضة تتكلم براحتها والبرامج الفضائية.. دعك من ثقب هائل اسمه المدونات وردود الإنترنت، حيث ينفجر الناس بالشتائم كما يريدون.

من الغريب أن حرية الكلام هذه - وهذا رأيي المتواضع - بددت الكثير من الضغط القادر علي رفع غطاء الغلاية. عندما ارتفعت الأسعار بضعة قروش في 18 و19 يناير عام 1977 لم تكن هناك منافذ في الغلاية سوي الغطاء. أما اليوم فالضغوط تخرج من مئات الثقوب فلا تؤدي إلي شيء، وهذه ليست مطالبة بمنع حرية التعبير عن فكرة لكنها ملاحظة لا أكثر.

عندما تتزايد الضغوط علي أشخاص لا يهتمون بالإنترنت وليست لديهم مدونات وليسوا صحفيين، فإن ما يفعلونه هو أن ينفجروا في أنفسهم.. يذبحون عنقهم أو يقطعون أعضاءهم أو يفرغون البندقية الآلية في زملاء العمل.. ولأسباب قد تكون عبثية أو واهية. المرض العقلي يلعب دورًا لا بأس به، لكن لماذا تزايد المرض العقلي أصلاً ؟

نحن نعرف أن مشاكلنا كثيرة، وأننا في زمن أغبر، وأن الكلام سهل. الرجل الذي يفهم في الاقتصاد والسياسة الخارجية والداخلية والأمن موجود في كل مكان وعند كل ناصية، بنفس المنطق الذي يجلس به الخبراء في الاستديو المكيف يناقشون أخطاء ميسي وحماقة دروجبا وبطء روني.. لكن ما أعرفه أيضًا هو أن علي إن لم أستطع القيام بعملي أن أتنحي وأعطي سواي الفرصة فلعل لديه حلولاً أفضل. أما منطق (أنا عاجز عن الحل، لكن الويل لك لو طلبت مني الرحيل) فهو منطق صعب الابتلاع فعلاً.

آميين

2010-09-22T03:56:00.000-07:00

اللهم إنى أسالك حبك وحب من أحبك وحب عمل يقربنى إلى حبك اللهم ما رزقتني مما أحب فاجعله قوةً لي فيما تحب وما منعت عني مما أحب فاجعله فراغاً لي فيما تحبب

يارب املء قلبى وعقلى بهذا الإحساس دائماً والرغبة فى رضاك
يارب قربنى إلى مرضاتك
يارب أعذنى بطاعتك ولا تذلنى بمعصيتك

Sami Yusuf - Healing ( lyrics ) مترجمة للعربيّة

2010-09-17T23:30:00.000-07:00

*.*هوندا*.*

يارب

2010-09-05T23:45:00.000-07:00

يــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــارب افرجها من عندك

عيش

2010-08-22T17:53:00.000-07:00

.... بنخاف من الموت ومن لحظة انتهاء الحياة ، لكن مبنخافش اننا نعيش اسماً ونكون من الاموات فعلاً ونقول ادينا عايشين

هل تخيلت انك ممكن تموت فى سن الخمسين مثلاً ، وتيجى يوم القيامة تكتشف انك عشت 10 سنين فقط؟

لأن هما دول العشر سنين الى عملت فيها والباقى كنت عايش ميت؟

الموانع والأعذار

2010-08-20T18:13:00.000-07:00

حين يكون العمل بالعقل أمراً من اوامر الخالق يمتنع على المخلوق أن يعطل عقله مرضاة لمخلوق مثله ،أو خوفاً منه ، ولو كان هذا المخلوق جمهرة من الخلق .
والموانع التى تعطل العقل من هذا القبيل كثيرة يستقصيها القرآن الكريم كما استقصى خطاب العقل بجميع وظائفه وملكاته ، ولكنها قد تتجمع فى ثلاثة موانع كبرى بمثابة الأصول التى تتشعب منها الموانع المختلفة ، فمن سلم منها أوشك أن يسلم من كل مانع يحجر على عقله ويأخذ السبيل على تفكيره فلا يهتدى لرأى سواه ..
أكبر الموانع فى سبيل العقل عبادة السلف التى تسمى بالعرف ،والإقتداء الأعمى بأصحاب السلطة الدينية ،والخوف المهين لأصحاب السلطة الدنيوية .
والإسلام لا يقبل من المسلم أن يلغى عقله ليجرى على سنة آبائه وأجداده ولا يقبل منه أن يلغى عقله خنوعاً لمن يسخره باسم الدين فى غير مايرضى الدين ولا يقبل منه أن يلغى عقله رهبة من بطش الأقوياء وطغيان الأشداء ، ولا يكلفه فى أمر من هذه الأمور شططاً لا يقدر عليه إذ القرآن الكريم يكرر فى غير موضع أن الله لا يكلف نفساً ما لا طاقة لها به ، ولا يطلب من خلقه غير ما يستطيعون ..

من كتاب التفكير فريضة إسلامية ... عباس العقاد

حملة إعمار المساجد

2010-08-19T20:43:00.000-07:00

شارك معنا فى فرز الريسيكل بالمخزن 4 ساعات اسبوعيا وبالتالى زياده دخل الريسيكل اللى هيكون نسبه منه لإعمار المساجد وكل متطوع هيشارك معانا فى الفرز هيبقى معانا فى حملة الاعمار واللى هيتم فيها
1- تنظيف المساجد
2- صيانة دورات المياه
3- تركيب مراوح
4- تركيب كولدير مياه بكل مسجد
...5- توزيع 1000 مصحف و كتب دينية

واللى يعرف مسجد محتاج اعمار يبلغنا به
للاستفسار أ/ محمد عصام
0147076284

الحدث على الفيس بوك

سنة أولى جواز :)

2010-08-11T21:58:00.000-07:00

! انهردة كملت أنا وكريم أول سنة جواز ، وزى مالناس كلها بتقول محسناش بالوقت فعلاً
والحمدلله كانت سنة جميلة بخبرات كتير جديدة عليا ، قضيت منهم عشر شهور فى الرياض واستمتعت بيهم وبحريتنا فى أول حياتنا ، بحمد ربنا إن أول سنة كنت بعيدة فيها عن الناس عشان نقدر نأسس أسلوب حياتنا برغبتنا احنا من غير ماحد يتدخل ، ولأن فى حاجات كتير لو كنا فى زحمة اهلنا مكناش هناخد بالنا منها لكن بعدى فى الفترة دى علمنى حاجات كتير وخلانى اعمل كل الى نفسى اعمله فى بيتى وطبعاً بما ان حجر الأساس اتحط تقدر تكمل البناء عادى .

عرفت من السنة دى :

1- الزواج نعمة حلوة قوى وكبيرة لازم اشكر ربنا عليها طول العمر وربنا يرزق الجميع به .
2- الزوج الصالح نعمة لأن مفيش اسهل من التعامل مع شخص بيراعى ربنا فى حقوقك وواجباته.
3- الطيور على أشكالها تقع وإن ربنا بيبعت لكل واحد النص التانى الى يكمله مش الى يشبهه تماماً .
4- اختيارشريك حياتك صعب جداً وعدم التنازل عن صفات محددة بس هترتاحى قدام لانك موافقتيش على اى حد وخلاص.
5- الجواز حلو أو وحش زى مانتوا تحددوا ، رغبتك بإيدك .
6- حسن الظن بالآخر أهم شىء فى العلاقة .
7-كل واحد فيه عيوب بس الفكرة هل المميزات أكتر ولا العيوب؟وهل عندك استعداد تتقبليها ولا ؟
8-بعض العيوب بتحتاج وقت كبير عشان تتحسن المهم ازاى نتعامل معاها؟
9- مش من حق أى حد يعرف أسرار بيتك و زوجك حتى لو الأم والأب .
10-اجتنباب الزوجات من نوع انتوا لسه فى الأول بكره هيعمل معاكى كذا ، الى تتكلم على زوجها بإساءة مش محترمة .
11- مترميش ودانك لنصايح نفس الزواجات الى فاتوا لأن الى يمشى مع غيرك ميمشيش عليك .
12-لما تقفى جمب زوجك فى ظرف معين انتى معملتيش حاجة حلوة ده اصلاً المفروض !
13-القرارات المصيرية متقولوهاش لحد غير لما تكون هتتنفذ او قبلها بمدة بسيطة عشان الفتاوى والإشارات السلبية .
14- كل واحد حر فى حياته ! عالم غريبة صحيح
15- مفيش حاجة اسمها المفروض نجيب فى الشقة كذا وكل الناس بتجيب كذا مين الى حط المفروض؟
16- أجمل حاجة يكون فى بينكم اهتمامات مشتركة هتلاقوا مواضيع كتير تتكلموا فيها .
17-كتاب الرجال من المريخ والنساء من الزهرة طلع واقعى جداً وصح جداً .
18- الناس الى معندهاش اى حاجة فى حياتها هما الى شايفين الى اتجوزا لازم يخلفوا تانى يوم ،ومبيفكروش ان الخلفة رزق .
19-لو سمحت لشخص يتدخل فى حاجة صغيرة فى حياتك يبقا هيتدخل فى الكبيرة لازم تحط حدود .
20- أنا مش ندمانة إنى اتجوزت ،واتطورت كتير واتعلمت كتير زى لما كنت قبل الخطوبة المهم انا عايزة ابقا ايه؟
21-الست هيا الى ممكن تخلى نفسها تافهة أو ذات عقل ،المشكلة مش فيها بس المشكلة هتربى العيال ازاى هيا التربية سهلة؟
22-الطبخ مش عملية عويصة المهم تحبى إنك تطبخى وكله هيبقا زى الفل بالمناسبة أنتِ ماتأكلين :)
23-ايه الى يمنع إننا نأكل صحى وليه لازم ألتزم بالأكل المتعارف عليه ده حتى أغلبه مضر للقولون .
24-كل ماتهتمى بعقلك ومتهمليهوش كل ماتقل الفجوة بينك وبين زوجك .
25- ولهن مثل الذى عليهن بالمعروف ، كل واحد ليه حقوق وعليه واجبات مفيش حاجة فى الشرع بتقول ان الست تقلل من نفسها والمهم الراجل .
26- الصراحة والوضوح فى الخطوبة هتوفر صدمات الطبائع بعد الزواج وهتحسوا ان عادى مفيش اختلاف .
27-قوامة الرجل شىء جميل جداً ورحمة كبيرة من ربنا والقوامة مش فى الفلوس بس .
28-لو مخفتيش ربنا فى تعاملك مع زوجك يبقا قلبى معاكى فى الخناقات .
29-الدعم النفسى أهم حاجة فى العلاقة وبجد لا ينسى .
30-الناس شايفنا مجانين عشان بنعمل الى بنحبه بس ومبندخلش حد فى حياتنا ومبنلتزمش بلى كل الناس بتعمله مش مهم بس احنا مبسوطين كده
:D
ربنا يخليك ليا ياكريم ويبارلكنا فى حياتنا ويجمع بينا دائماً على حبه أنا فعلاً عمرى ماهلاقى حد ليا زيك
:)

امتداد الحياة

2010-08-09T22:58:00.000-07:00

كتير كان يجيلى إحباط من فكرة إنى عايشة وفى الآخر هموت وكل الى عملته ده ايه معناه لما اموت ؟
وكنت أخاف من فكرة إنى اموت وأنا مش مستعدة للقاء ربنا وفى نفس الوقت اقعد افكر لما تكون نهايتى الموت يبقا ايه لازمة الحياة؟
فمكنتش بعرف أوصل لسبب يخلينى محسش بالإحباط لفكرة الموت وأقعد أقول لنفسى "وما خلقت الجن والإنس إلا ليعبدون" وارجع أكمل حياتى وإنى أحاول أعيشها زى ماربنا عايز ..

لحد ماقرأت جملة للشيخ محمد الغزالى جزاه الله كل خير عن علمه وفكره فى كتاب ركائز الإيمان كان بيتكلم على إن الموت إمتداد للحياة حسيت ان دماغى نورت من الكلمتين دول وحسيت ان الجملة دى غيرت نظرتى للحياة وللموت بشكل كامل وبقيت أبص للحياة كإنها اجتهاد لمشروع ما ، أجنى ثماره فى مرحلة أخرى مختلفة فى التوقيت عن مرحلة الإجتهاد

أنا خلاص مش عندى إحباط تجاه فكرة الموت الحمدلله وعزيمتى زادت إنى أبذل جهاد نفس أكبر عشان أحيا بما يرضى الله
وأتمنى أنول لحظة رضا من الله لما أعمالى دى تعرض عليه ومحسش بندم إن ضيعت عمرى ونفسى ارجع للحياة عشان أرضى ربنا

قُلْ إنَّ صَلاتي ونُسُكي ومَحْيَايَ ومَمَاتي للهِ ربِّ العالمينَ

فى بكورها

2010-08-05T20:38:00.000-07:00

قال رسول الله "اللهم بارك لأمتى فى بكورها" ، انا فعلاً مؤمنة بالحديث ده قوى لكن من وقت ماتجوزت وانا كل فترة امر بمشكلة عصيبة مع النوم ويحصلى لخبطة فى مواعيد النوم والصحيان ، لكن للأسف عمرى مابرتاح لو صحيت بعد الظهر ابداً وده بينعكس على جسمى وعدد ساعات نومى وحالتى النفسية بشكل بشع وممكن توصل معايا لإكتئاب ، قمة راحتى ان اصحى واشوف نور ربنا وهو لسه بينور الكون وبكون أكثر إنتاجية طول اليوم وحالتى النفسية معتدلة وبكون طبيعية !

نفسى فعلاً أقدر أسيطر على مواعيد نومى وصحيانى لأن كل مرة اظبطها أقول دى آخر مرة وللأسف بيتكرر الموضوع ، مش عارفة الحل ايه بس عندى أمل إن قدرتى على المواظبة ممكن تزيد مع الأيام ، ماهو مش كل فترة نفسيتى تتعب بسبب القلبان ده مبحسش إنى عايشة بمعنى الكلمة :(

الله المستعان وتكون دى تظبيطة دائمة ...يارب

وَجَعَلْنَا اللَّيْلَ لِبَاساً * وَجَعَلْنَا النَّهَارَ مَعَاشاً

I Feared...Until

2010-07-30T12:17:00.000-07:00

~+~ I Feared...Until ~+~
I feared being alone,
Until I learned to like Myself.
************ ***
I feared failure,
Until I realized that I only Fail when I don't try.
************ ***
I feared success,
Until I realized That I had to try In order to be happy With myself.
************ ***
I feared people's opinions,
Until I learned that People would have opinions About me anyway.
************ ***
I feared pain,
Until I learned that it's necessary For growth.
************ ***
I feared the truth,
Until I saw the Ugliness in lies.
************ ***
I feared life,
Until I experienced Its beauty.
************ ***
I feared death,
Until I realized that it's Not an end, but a beginning.
************ ***
I feared my destiny,
Until I realized that I had the power to change My life.
*********** ***
I feared hate,
Until I saw that it Was nothing more than Ignorance.
************ ***
I feared ridicule,
Until I learned how To laugh at myself.
************ ***
I feared growing old,
Until I realized that I gained wisdom every day.
************ ***
I feared the future,
Until I realized that Life just kept getting Better.
************ ***
I feared the past,
Until I realized that It could no longer hurt me.
************ ***
I feared the dark,
Until I saw the beauty Of the starlight.
************ ***
I feared the light,
Until I learned that the Truth would give me Strength.
************ ***
I feared change,
Until I saw that Even the most beautiful butterfly Had to undergo a metamorphos is Before it could fly.

i found it in my hard disk but it's not mine :D

عايزة أعيش

2010-07-20T13:30:00.000-07:00

إزاى نعيش فى الحياة لو مفيش هدف؟
وإزاى نقول فى هدف لو مفيش حافزأو دافع ؟
وإزاى نعيش من غير دافع؟
ومنين يجيب الإنسان دوافع؟

كيف تقرأ كتاب لاتريد قراءته

2010-07-16T22:15:00.000-07:00

حلو قوى الفيديو ده لكل الى يجب يقرأ وبيواجه مشاكل فى القراءة

فلماذا نشكو؟

2010-07-15T23:26:00.000-07:00

مهما استخدمت من الجمل والألفاظ لتعبر قدر الإمكان عما بداخلك ،ومهما ذرفت من دموع حتى يفهم الآخرون معناتك
لن يشعر بها أحد غير الله ولن يقدر أحد ماتشعر به وسيتركونك للإتجاه إلى حياتهم ،فقط يقدر الآخرون مايشعرون به من أجلهم فقط
فلماذا نتعب أنفسنا بالشكوى إلى الناس؟ولن نجد منهم مايريحنا بل قد تزداد المعاناة ؟
لماذا لا نتجة مباشرة إلى الله برغم أنه القادر على حل مشاكلنا؟أو حتى استمداد القوة الروحية منه لنواجه أو نرضى بهذه المعاناة؟
هل جربت البكاء فى الصلاة؟هل تتذكر شعورك بعدها؟ حاول ذلك ستعرف بعدها أن حقاً الشكوى لغير الله مذلة .

ثواب لحد الباب

2010-07-10T09:01:00.000-07:00

أنا فعلاً كل يوم بيزيد إعجابى بجمعية رسالة :)
لسه من شوية كنت بفكر فى فكرة مندوب رسالة الى بيجيلك لحد البيت عشان ياخد صدقة جارية انت بتدفعها كل شهر مثلاُ , ملابس أو ورق قديم لإعادة تصنيعة أو أى حاجة انت عايز تتبرع بيها ممكن تجيلك عربية لحد البيت تاخد الحاجة .

قد ايه جميلة فكرة ان الثواب ممكن يجيلك لحد البيت فى حالة انك خلاص وقتك مش سامح أنك تنزل أو مكسل أو أو أو

بجد فكرة حلوة قوى وبتكسر باب مهم للشيطان وهو باب الكسل.
ربنا يجازيهم كل خير ويستخدمنا لقضاء حاجات المسلمين وإدخال سرور على المسلمين
إدعموهم ياجماعة بلى تقدرو عليه بيشيلو عنك عبء توصيل أى حاجة،ممكن يكون عندك حاجات قديمة مش بتسخدمها حرام ركنتها وغيرك محتاجها اهو حتى تفضى حياتك شوية من الكراكيب :)

ممكن تبرع بملابس
كتب أو ورق أو جرايد حتى بيبعوه للمصانع والفلوس بتروح للجمعية
ممكن نضارات قديمة فى ناس نظرها ضعيف مبتقدرش تشترى نضارة
ممكن أجهزة فى البيت قديمة أو أى أثاث بيصلحوه ويتجهز بيه العرايس الى إمكانيتهم محدودة
ممكن تدعمهم بشراء منتجات للجمعية واهو تستفيد وتفيد زى أقلام أو مناديل أو مج
عندك وقت شوية ممكن تساعد كفيف بإنك تسجله كتبه بصوتك أو تكتبها ع الكمبيوتر

هتحس بنفحة رضا داخلك انك ليك لازمة فى الحياة وانك قدرتترسم بسمة على وجه أخ أو أخت لك
بس بلاش تتبرع بحاجة تكون متبهدلة قوى ومتقطعة لأن الحاجة الى بتطلعها لله :)

موقع جمعية رسالة
صفحتهم على الفيس بوك

اخرج من البيبان الحر الضيقه

2010-07-07T08:09:00.000-07:00

خوفك مش قدر و هروبك مش طريق

قلوعك لو ورق ما تنجيش غريق

طير زي النسور من النخل للكفور

غوص جوه البحور و هات الؤلؤه

كل شيء بيدبل لوحده في الخريف

عيش سنين شبابك بقلب مش ضعيف

اخرج من البيبان الحر الضيقه

الكون صابح جميل و الدنيا مروقه

بتنعشنى قوى كلمات الأغنية دى لمحمد منير :)

زحمة الضوضاء

2010-07-06T11:04:00.000-07:00

استقريت جسدياً فى القاهرة منذ أسبوعين لكن لم استقر نفسياً حتى الآن فى حاجات كتير طبعاً مضايقانى منها زحمة الضوضاء أيون
ودى غالباً فى مصر كلها بس كثافتها عالية حبتين فى القاهرة يعنى مثلاً دلوقتى فى الشارع فى اغانى عالية قوى شغالة وقرآن بصوت عالى وكلاكسات موتسيكلات صينى وعربيات ملاكى وتاكسى وعربيات ملاكى تاكسى وناس بتزعق وناس بتنده على البضاعة بتاعتها

الأغانى مثلاً والقرآن ليه الناس مش بتشغل الصوت على قدهم؟
ليه لازم الشارع التانى يسمع ؟
انا فعلاً أعصابى بتتعب وأنا ماشية فى الشوارع من الزحمة الصوتية دى وكلله كوم والأفراح والمآتم الى فى الشوارع كوم تانى، مكبرات صوت ........ !!

انا عارفة إنى مش هقدر اغير حاجة بس على الأقل لو كل واحد قدر يمنع نفسه وأسرته انه يشغل الأغانى والقرآن بصوت عالى ممكن الموضوع يقل شوية؟ ممكن؟
ولو نفهم الناس ان مؤذى قوى موضوع الديجيهات ده؟ وصوان العزاء ده ملوش أى معنى ! لو مصاريف الصوان ده طلعت صدقة للمتوفى أفضله والله أعلم !!!

مبدعون مسكوت عنهم

2010-07-04T01:23:00.000-07:00

مقال رائع للكاتب فهمى هويدى
مبدعون مسكوت عنهم

وهيا دى نتيجة العمل فى صمت بعيداُ عن الكلام الكتير الى الحكومة قرفانا بيه ولا بنشوف منهم حاجة عدلة ، وده سبب يخليك تحس ان فى أمل فى البلد دى ويخليك تتفائل وتدور انت كمان ايه تقدر تقوم بيه ومتعملش حجة البلد والحكومة ، كمان عجبنى فكرة الخروج من قلب العاصمة لأنى فعلاً عندى مشكلة نفسية ناحية القاهرة ان كل حاجة متمركزة فيها وبقيت المحافظات بتنش واحتياجتها كبيرة، برغم ان التمركز ده سبب رئيسى للزحمة والتكدس السكانى فيها ، فياريت الناس تفكر انها تعمر فى كل مكان وميستجيبوش لإغراءات العاصمة ، والعمل الجيد بيجذب الناس من كل مكان :)

تذكر: يجب أن نكون التغيير الذى نحب أن نراه .
تذكر : إن الله لا يغير مابقوم حتى يغيروا ما بأنفسهم .
تذكر : إن الله لا يضيع أجر من أحسن عملا.
تذكر : ومن أحياها فكأنما أحيا الناس جميعاً
تذكر: لقد خلقنا الله لعبادته وإعمار الأرض وليست العبادة فقط

نفحات

2010-06-17T18:10:00.000-07:00

أنا بحب صلاة الفجر قوى قوى،مش عارفة ليه بس بحبها قوى ولما بصليها بحس بتفاؤل وراحة طول اليوم , كمان بحس براحة جسدية لما انام ومخافش ان يتقبض روحى فى النومة دى !
واخاف جداً لو صاحية الفجر إنه يفوتنى واحس ان عمرى بيتخطف كده لو طلع النهار من غير مالحقه ،وحلم حياتى أن ابدأ يومى ديماً بعد صلاة الفجر ، جربت الموضوع كتير على مدى حياتى ولم يحالفنى الإستمرار لكن لدى ذكريات طيبة عن هذه التجربة ، بكون أكثر استيعاباً ونشاطاً وإنتاجية .....
صدق رسولنا لما قال اللهم بارك لأمتى فى بكورها :)

وأتمنى أن روحى تتقبض وأنا ساجدة فى صلاة الفجر :)
من عاش على شىء مات عليه،ومن مات على شىء بُعث عليه، اللهم طهر قلوبنا واجعلنا نخشاك كأننا نراك

حوارات الستات

2010-06-14T16:11:00.000-07:00

الست دماغها لما يكون فاضى بيبقا كارثة نووية أعترف بذلك !
انا فعلاً مصدومة من آثار الفراغ الى بشوفها قدامى فى الستات والمتزوجات منهم تحديداً ,,مش معقول مفيش حاجة بارعين فيها غير انهم يتكلموا على بعض !
تخيل نفسك قاعد فى مكان كل يوم يجيلك ناس تتكلم ع الناس الى جتلك امبارح والى جايين بكره هيتكلموا عن الى جايين بعده وهكذا

أنا زهقت فعلاً ! استغفر الله العظيم على فراغ العقول والقلوب

فى ثانوى اتعرفت على بنات اتعلمت منهم ان لما واحدة تحكيلى أى حاجة أى حاجة حتى لو مقالتليش انه سر محكيهوش واعتبره أنا من الآسرارلأن ممكن كلمة عادية فى وجهة نظرى تقلب حياة شخص تانى لما انقلها ! وتوقع ناس فى بعض !

وبما الإنسان هو المسئول عن اختيار أصدقائه ومش مسئول عن اختيار أقاربه،فصدق الى قال الأصدقاء هم العائلة ،والحمدلله على نعمة الصداقة تحديداً الصالحة منها اصل عمرى ماهصاحب واحدة كل ماشوفها تقولى فلانة وعلانة !

ربنا يرحمنا ويهدينا كلنا

عدت إلى أمى :)

2010-06-06T18:00:00.000-07:00

الحمدلله قدر الله لى أن أعود مبكراً إلى أمى الكبيرة مصر :)

وأمى الأصغر والدتى

فلكم اشتقت لكليهما !

سأكتب قريباً عن تسعة شهور ونص فى الرياض كمغامرة جديدة وجميلة وما ينقصها ،ولكن بعد ان انتهى من مرحلة الإندهاش والإستغراب الى بمر بيها ههههه يومين كده واتعود على الجو .

وحشتنى مدونتى سأعود قريباً حينما تنتهى الزيارات الجميلة ياإلهى لكم اشتقت لأهلى وأصدقائى !

تذكرة من أبى الروحى

2010-05-29T03:16:00.000-07:00

وإذا كانت العبارة القرآنية لا تقع على آذاننا اليوم موقع السحر والعجب والذهول, فالسبب هو التعود والألفة والمعايشة منذ الطفولة والبلادة , والإغراق في عامية مبتذلة أبعتدنا عن أصول لغتنا .. ثم أسلوب الأداء الرتيب الممل الذين نسمعه من مرتلين محترفين يكرون الصورة من أولها إلى آخرها بنبرة واحدة لا يختلف فيها موقف الحزن من موقف الفرح من موقف الوعيد من موقف البشرى من موقف العبرة , نبرة واحدة رتيبة تموت فيها المعاني وتتسطح العبارات"
— مصطفى محمود (القرآن: محاولة لفهم عصري)

أريد لحظة انفعال...لحظة حب...لحظة دهشة..لحظة اكتشاف...لحظة معرفة...أريد لحظة تجعل لحياتى معنى..إن حياتى من أجل أكل العيش لا معنى لها لأنها مجرد إستمرار "
— مصطفى محمود (أكل عيش)

الصيام رياضة روحية وقهر للبدن وكبح وإلجام للعنصر الحيوانى فى الإنسان"
— مصطفى محمود (القرآن: محاولة لفهم عصري)

"و لكن يظل الإحساس بالغيب هو روح العبادة و جوهر الأحكام و الشرائع , و بدونه لا تعني الصلاة و لا تعني الزكاة شيئاً.ـ"
— مصطفى محمود

الكراهية تكلف أكثر من الحب.. لأنها إحساس غير طبيعي.. إحساس عكسي مثل حركة الأجسام ضد جاذبية الأرض.. تحتاج إلى قوة إضافية وتستهلك وقوداً أكثر"
— مصطفى محمود (في الحب والحياة)

"لو سألتم عن الحب أهو موجود وكيف نعثر عليه لقلت،
نعم موجود، ولكنه نادر, وهو ثمرة توفيق إلهي وليس ثمرة اجتهاد شخصي
وشرط حدوثه أن تكون النفوس خيرة أصلا جميلة أصلا،
والجمال النفسي والخير هما المشكاة التي يخرج منها هذا الحب.. "
— مصطفى محمود

نحن فى العادة لا نعترف إلا بما نراه ونلمسه .. وهذا غرور . فما أقل مانرى ، وما أقل ماندرى فى هذه الدنيا . "
— مصطفى محمود

من السخف

2010-05-25T22:23:00.000-07:00

عندما لا ترى حل لمشاكلك غير موتك !
هنيأ لك لقد وصلت إلى درجة جيدة من اليأس من لا شىء
وتحتاج لدوافع أكثر تبقيك حياً
وتحتاج أن تعرف لماذا خلقت؟
من المؤكد أنك لم تخلق حتى تظل جالس كذا فى إنتظار الموت ....

إِنَّهُ لَا يَيْأَس مِنْ رَوْح اللَّه إِلَّا الْقَوْم الْكَافِرُونَ

الإيجابية هى الحل

2010-05-24T05:19:00.000-07:00

كنت بقرأ المقال ده " رسالة إلى الشباب :دعوة للأمل والتفاؤل" رائع بجد أدعوكم لقرائته ويتلخص كله فى الإيجابية والإيمان الشديد بما تفعله والثقة بأن الله لن يضيع تعبك.

لو كل واحد فينا حاول يكون إيجابى على قدر مايقدر فى كل حاجة حواليه ,,ويساعد الى حواليه انهم يكونو إيجابين فى أبسط الأشياء
صدقونى مشاكلنا هتتحل ومصر هتتغير بينا
لأن للأسف أغلب مشاكلنا بسبب نمو السلبية فى المصريين , الى بالوقت ببتحول
لجبن وخوف من التغيير أو المساهمة فى صنع التغيير

Allah Knows by Zain Bhikha

2010-05-23T02:11:00.000-07:00

When you feel all alone in this world
And there's nobody to count your tears
Just remember, no matter where you are
Allah knows
Allah knows

When you carrying a monster load
And you wonder how far you can go
With every step on that road that you take
Allah knows
Allah knows

CHORUS
No matter what, inside or out
There's one thing of which there's no doubt
Allah knows
Allah knows
And whatever lies in the heavens and the earth
Every star in this whole universe
Allah knows
Allah knows

When you find that special someone
Feel your whole life has barely begun
You can walk on the moon, shout it to everyone
Allah knows
Allah knows

When you gaze with love in your eyes
Catch a glimpse of paradise
And you see your child take the first breath of life
Allah knows
Allah knows

CHORUS

When you lose someone close to your heart
See your whole world fall apart
And you try to go on but it seems so hard
Allah knows
Allah knows

You see we all have a path to choose
Through the valleys and hills we go
With the ups and the downs, never fret never frown
Allah knows
Allah knows

CHORUS (x2)

BRIDGE:
Every grain of sand,
In every desert land, He knows.
Every shade of palm,
Every closed hand, He knows.
Every sparkling tear,
On every eyelash, He knows.
Every thought I have,
And every word I share, He knows.
Allah knows

الصبر

2010-05-22T12:38:00.000-07:00

الصبر نعمة كبيرة فعلاً وبتريح كتير ,,للأسف قدرة الصبر عندى ضعيفة ونفسى ربنا يرزقنى القدرة على الصبر.
فى مواقف كتير بنمر بيها مبنكش قادرين نستحملها لو صبرنا شوية هنلاقى نتيجة مرضية فى النهاية ،درس بحاول افهمه لنفسى كتير وبيتكرر معايا وارجع اقول ياريتنى صبرت بدل ماكنت كده واهو فى الآخر أتحقق الى كان نفسى فيه ..

بس فى أوقات تانية لما نكون بنجاهد نفسنا عشان نصبر على أمر معين وكأنه شىء مصيرى ونتقبله برضا نفس ...سبحان الله ربنا بيدينا اكتر ماكنا نتخيل :)

الحمدلله

التحدى مستمر

2010-05-21T23:39:00.000-07:00

ما أنا عليه الآن نتيجة تحدى واحد مستمر نشأ بداخلى منذ صغرى بإختلاف المراحل التى أمر بها مازال واحد, إن لم أضعه أمامى طوال حياتى ساكون إنسانة تقليدية جداً ,منذ صغرى وأنا أود أن أكون مختلفة عن الآخرين , مختلفة عن العادى فنحن من نضع العادى , لماذا يجب أن أقيد بالعادات السلبية لأنها التطور الطبيعى للوسط إلى أنا فيه أو المرحلة الى أنا فيها ؟

هناك عادات لا تمت بالدين بصلة فلتذهب إلى الجحيم فى نظرى فأنا أتبع ما فرضه الله على وليس بنى البشر !
لطالما وددت أن أكون مختلفة فى كل شىء هذه الإرادة هيا التى جعلتنى الآن على ما أنا عليه وأحمد الله على ماأنا عليه وسأستمر فى هذا التحدى لن أكون مسلمة تقليدية , لن أكون محجبة تقليدية , لن أكون بنت تقليدية , لن أكون مصرية تقليدية , لن أكون زوجة تقليدية أبداً أبداً سيظل طموحى مستمر وسأطور من نفسى طوال حياتى وسأتعلم واقرأ كل ما أجده امامى لا اهتم بما إذا كانت سأذكر من قبل العالم بعد موتى , سأكسر قواعد العادى واختلافى هذا سيوصل رسائل للمحيطين بى ومن يعرفونى بدلاً من النصائح والإرشادات التى لا تجدى عندما تكون أقوال فقط

كن أنت التغيير الذى تحب أن تراه فى الآخرين .. غاندى

الله المستعان

السعادة فى جيب الزوج

2010-05-17T13:02:00.000-07:00

لا فعلاً فعلاً نفسى افهم ليه البنات بيفرحو لما يتسوقوا؟
ويشترو حاجات جديدة حتى لو للمطبخ؟
انا عن نفسى بكون فى قمة السعادة حتى وأنا بجيب تموين الشهر :D
ولو مزاجى سىء بمعنى الكلمة لو خرجت واشتريت أى أى حاجة حتى لو شراب مثلاً
ببقا فى مزاج مختلف تماماً
ونفسى افهم السبب بجد
:D

لا تتخلى عن أجازتك

2010-05-15T13:31:00.000-07:00

الأجازة مهمة جداً لجسمك وعقلك لا تتنازل عنها من أجلك من أجل صحتك من أجل أداء أفضل فى عملك ,,أنت لست ماكينة إنما إنسان يحتاج لراحة فلا تدفن نفسك بين العمل والعمل حتى لا تصل لمرحلة لا تستطيع العمل ولا الإستمتاع ..وتفكر إذا ماكنت على الطريق الصح أم لا ,, وتفكر فى وسائل لتحسين عملك وحياتك ,إذا تخليت عن أجازة لنفسك فستدخل فى دوامة لا تنتهى إلا بمرضك أو موتك ....أنت ضرورى جداً لنفسك
(:

عيش اللحظة

2010-05-14T13:53:00.000-07:00

أوقات بنشيل هم حاجات معينة أو مواقف أو مشاكل مــــــمــــــــــــــكـــــــــن تحصل فى يوم من الأيام وممكن الهم ده يكدر مزاجنا ويزود القلق والتوتر وووو
وفى الآخر الحاجات دى متحصلش ,يبقا ليه نقلق من حاجة ممكن متحصلش؟
مش ده معناه نستمتع باللحظة واليوم الى احنا فيه؟
ده ميمنعش اننا نفكر فى الى ممكن يحصل قدام لكن منخليهوشش يسيطر على مشاعرنا وعقولنا بشكل مبالغ فيه لان وارد جداً أنه ميحصلش ويبقا انت تعبت نفسك على الفاضى

لمصلحة من قانون الطوارىء؟

2010-05-12T00:37:00.000-07:00

بجد حسبى الله ونعم الوكيل ,,تمديد قانون الطوارىء لسنة 2012 !!!!!!!!بقا هو ده مجلش الشعب الى بيعبر عن الشعب
والله العظيم حرام عليكو بجد أنا محبطة جداً ,,إحنا لو بنحارب ضد احتلال كان زمانا استقلينا
مش عارفة لحد امتى هنفضل فى الوضع المهبب ده الحكومة فعلاً مبتعملش اى حاجة تفيد الشعب ولا جديد قد مزيد ومزيد من القوانين الى تكتفه والى تخليها تتحكم فينا بطريقة هباب كده
يارب رحمتك يارب
الأسوء من ده كله ان عدد كبير من الشعب بقا استنساخ من الحكومة ودى الكارثة الأعظم !
تقدم ايه وأمان ومجتمع مرتاح ايه بس

ماهو قانون الطوارىء؟

تذكر ما فى يديك

2010-05-10T09:50:00.000-07:00

أوقات كتيرة نعمم فقدان شىء ما فى حياتنا , شخصيتنا أو الأشخاص التى نتعامل معها ,يقوم الشيطان بتضخيما العنصر المفقود ونبدأ بكره الأشخاص بسبب فقدانهم لصفة ، نكره أنفسنا لنفس السبب ونظل نندب حظنا على فقدان وسيلة ما برغم أننا إذا فكرنا قليلاً سنجد صفات كتيرة جيدة فى أى شخص تجعلنا نتغاضى عن عيب واحد فيه ,كما فى ايدينا وحياتنا نعم كتيرة مّن الله بها علينا تكفى لعدم البكاء على مالا يوجد بأيدينا.

اعتقد بأن تضخيم الجزء ¦ الصفة الموجودة يجعلنا ننسى هذه النعم ولا نستمتع بها,ويجعل علاقتنا مع الآخرين متدهورة من لاشىء دون اكتشاف جمالهم وصفاتهم الأخرى !

انه الرضا يجب أن نرضى بما قسم الله به الأرزاق والصفات ولا نحمل أنفسنا والآخرين فوق قدراتهم ونركز على النعم التى فى ايدينا والصفات الجميلة فيهم التى تغطى على عيب يمكن التغاضى عنه .

اللهم أرزقنا الرضى وحُسن الخُلق

استمتعوا حيث انتم

2010-05-08T23:07:00.000-07:00

خسارة !نقضى مراحل من عمرنا فى البكاء والحزن على ترك الوطن ونتجاهل فرصة وجودنا فى مكان جديد وثقافة جديدة والأفضل ان نستمتع بكل لحظة نقضيها هناك لأننا هنفتكرها لما نرجع وطنا ونقول كانت أيام جميلة , ميهمش المكان الى أنت فيه بقدر الناس الى أنت معاهم.
ليه مناخدش كل رحلة سفر على انها مغامرة قد لا تحدث مرة أخرى؟ ونستمتع فقط ونكشتف جمال خلق الله وتنويعه للبشر بإختلاف ألوانهم وأشكالهم ولسانهم ونتأمل فقط ونكتسب منهم الثقافة الجميلة عندهم ,الأخلاق أو العادات ونفكر فيها ونضيف إلى نحبه ونتجاهل الى منحبوش ولا يناسبنا بس نحترمه لأن كل شعب ليه مميزاته وعيوبه ،ونحاول نتعامل كأننا مسلمين فى المقام الأول أى أخوة فقط ,
ونحاول نكون نماذج مشرفة للمصريين فى الخارج وتحسين صورة من أساء إليها ،فى يوم م الأيام هيتقال أنا عرفت ناس مصريين محترمين.
ليه لازم حياتنا تكون روتين واحد؟ برغم أن تكسر الروتين شىء مهم عشان تفكر فيه من بعيد ,كل بلد هتلاقى فيها حاجات مش موجودة فى بلدك استمتع بيها سواء جمال فى الطبيعة أو الأماكن أو النظافة :D
ولا تسىء لأى بلد تقيم فيه ولا تسب أهلها فهذه البلد هيا التى تأويك وتصرف متربك منها وتوفر لك خدماتها التى تستمتع بها ,فمن يعمل ببلد، ومع أهله او أصدقائه يظل يسب فيها وفى أهلها ينكر جميل هذه البلد التى سمحت له بالإقامة فيها والعمل ,الذى لم توفره له بلده .فهو مثل الذى ربته ام غير أمه ويسكن بمنزله وعندما يخرج يظل يسبها وينعتها بأفظع الكلمات.

أيها المصريون استمتعوا حيث أنتم

متدمعش ولا تبكيش

2010-05-07T02:09:00.000-07:00

إن مقدرتش تضحك متدمعش ولا تبكيش
وإن مفضلش معاك غير قلبك اوع تخاف مش هتموت هتعيش
وإن سألوك الناس عن ضى جوه عيونك مبيلمعش متخبيش
قولهم العيب مش فيا ده العيب فى الضى
وأنا مش عاشق ضلمة ولا زعلت الضى
مسير الضى لوحده هيلمع ومسير الضحك لوحده هيطلع
مبيجرحش ولا يأذيش

ليس للإنسان إلا ما سعى

2010-05-06T01:00:00.000-07:00

يقول الله تعالى:

{وأن ليس للإنسان إلا ما سعى وأنّ سعيه سوف يرى ثم يجزاه الجزاء الأوفى}

قد يعنى هذا أننا نحصد مانسعى للحصول عليه ,,فإذا لم تسعى له كيف تحزن لعدم وصولك إيه .؟
قد يعنى بأن ماتصل إليه فى حياتك نتيجة سعيك فلا تبكى وتقول لم أصل لشىء ولم أفعل شىء طوال حياتى ولم ولم ولكن اسأل نفسك وأجب بصدق هل سعيت لهم بشكل كافى؟
أم طرقت الباب مرة واحدة ولم تصبر على إعادة طرقه فممللت وغادرت؟من يعلم إذا كنت قد أعدت طرق فقد يفتح الباب؟

قد يعنى أيضاً أن الله لا يضيع أجر من أحسن عملاً ولن تحصد سيئات من حولك لأنك بينهم ولن يظلمك الله بمكان أو وضع تظل أسير له فى حياتك أو وظيفتك إذا سعيت لتحسين هذا الوضع.هذه الآية أيضاً تستطيع الرد بيها على نفسك حين تحاوطك وساوس الشيطان بانك لن تصل لشىء ,ومن أنت لتصل لهذا الشىء ولن يتغير شىء ووووووأفكار سلبية كثيرة لن تتغلب عليها إلا إذا ملئت قلبك وعقلك بمعنى هذه الآية وبإيمان بقدرة الله على مكافأة من يتوكل عليه .

وفاة أول من قرات له

2010-05-04T21:56:00.000-07:00

رحل أمس ثانى كاتب كنت أتمنى مقابلته فى حياتى,, الكاتب العبقرى محمود السعدنى رحمه الله فهذا الكاتب من الشخصيات المميزة فى حياتى فهو أول كاتب اقرأ له وكان كتابه الصعلوكى فى بلاد الإفريكى أو كتاب اقرأه وأسلوبه السهل الممتع الذى يجعللك لاتتوقف عن الضحك مقهقاً هو من فتح لى طريق القراءة بعدما كانت لدى عقدة من الكتب ,فكنت كلما حاولت أن اقرا كتب لا أفهم شىء ولا استطيع تجميع خيوط مااقراه او اتذكره

منذ الصف الثانى الثانوى كانت معرفتى بمحمود السعدنى عن طريق الصدفة بكتاب انتقيته من مكتبة خالى ومن يومها احتل السعدنى عرش كتابى المفضلين ,,أسلوبه مختلف ,معلوماته مختلفة رؤيته لما ومن حوله تجعلك تشعر كأنهم حولك بالفعل ,كتابات بسيطة بدون تكليف تمثل حياة المصريين البسطاء من الغفير حتى الوزير ,,تشعر بتواضعه من كتاباته فلم أراه مرة يعظم من نفسه ,,أحببت دار أخبار اليوم حيث أجد كتبه هناك دائماً ,,أخذنى حول العالم فى رحلاته وخبراته..

قرأت له :مصر من تانى بحقائقه التاريخية النادرة وغير متداوله فى مجتمعنا.مسافرعلى الرصيف :رحلة فى أعماق أصدقائة ممتعة جداً,,تمام يافندم :رحلة داخلية فى عالم المسجونين,,عودة الحمار ,,حمار من الشرق والموكوس فى بلاد الفلوس ,,مسافر بلا متاع,,حكايات قهوة كتكوت فى الحقيقة أُحب كل كتابته.

الله يرحمه ويغفرله ويجعل حسابه يسيراً .